مشكلتى مع شركة قناة السويس للتأمين
 

عندى مشكلة ياريت حد يقوللى على حل ليها.
عندى سيارة رينو لوجان ومؤمن عليها لدى شركة قناة السويس للتأمين تأمين شامل.
السيارة دى عملت حادثة من حوالى شهر وتم عمل محضر شرطة و أخطار بالحادث فى شركة التامين وأرسالها الى التوكيل بعد بعد أعلام مندوب التأمين و أخذ رأيه .
وتم عمل ملف لها و تم أرسالة الى ادارة التعويضات بالقاهرة (ملحوظة - أنا من الأسكندرية )ومن ساعتها لاحس ولا خبر وكل ما أتصل بالأرقام بتاعتهم ماحدش يرد
ولو حد رد يقول لى - ألأستاذ فلان مش موجود - أو لما الملف يخلص هانبلغك و العربية مرمية فى التوكيل ومش عارف أتصرف أزاى .
ارجو ارشادى لمن له خبرة بالتعامل مع شركات التأمين .

رد: نادية ماروون
 

حضرتك كلمتى مين فى التعويضات

رد: نادية ماروون
 

اول حاجه حضرتك تعملى محضر وبعدها اخطار فى الشركة فى مركز التعويضات بالمهندسين بفيلا التعويضات وبعد كده العربيه بتتسألى حضرتك هتصلحى فين وبتعملى مقايسه لو هتصلحيها بره الشركة والشركة بتبعت خبير يتمم على المقايسه وبندى لحضرتك تمام بالتصليح ده لو ارقام المقايسه وافق عليها الخبير وبعدها حضرتك بتروحى الشركة بالفواتير وبتتردلك بشيك بعد 20 يوم او 30 على حسب تكميل ورقك المطلوب ولو هتصلحى فى الشركة احنا بنعمل كل حاجه ايه المشكله بقى ؟؟

رد: نادية ماروون
 

حضرتك كلمى مدير التعويضات شخصيا بالاسم ولو ليكى حق مش حيضيع ابدااااا لان مفيش شكوى ابدا جت من قناه السويس او حضرتك بتتصلى بالرقم الخطا اطلبى رئيس قسم التعويضات وهو هيتكفل بكل شىء .

رد: نادية ماروون
 

السلام عليكم و كل عام و انتى بخير

اولا لابد من اتباع بعض الخطوات التى يمكن ان تعطل الملف

1- مقايسة اصلاح
2-معاينة قبل الاصلاح
3- فواتير التوكيل
3- صورة من رخصة القيادة الشخصية و رخصة السيارة على ان يكون الاثنين سارين
4- تسليم التالف من اجل عددم الخصم
5- معاينة بعد الحاث
هذة الاشياء يمكن ان تعطل الملف

ياريت خضرتك تعرفينا انتى فى اى مرحلة الاول على شان نعرف نفيدك اكتر و اتصلى بالمندوب الى اسمة على الوثيقة و هوة يخلص المشكلة

رد: نادية ماروون
 

انا كلمت الأستاذ/صبحى الجنق والأستاذ / أيمن سليمان

رد: نادية ماروون
 

أستاذ عمر أحمد / كل الأوراق اللى قلت عليها موجودة فى الملف لكن مش عارفة لحد دلوقت ليه ماخدوش خطوة ايجابية للأصلاح