|
|
رد: لماذا لا يحكم المسلمون العالم بدلا من اليهود؟ سؤال و جواب
كان هناك كلمة رائعه للشيخ الشعراوي سمعتها منذ الصغر و علقت في الذاكرة ، ما معناه
دليل أننا علي الحق و الآخر علي الباطل، أننا عندما تمسكنا بديننا عشنا أزهي عصورنا و أنهم عندما تمسكوا بدينهم عاشوا عصور الظلام و أننا عندما ابتعدنا عن ديننا صرنا من أضعف الأمم و أنهم عندما ابتعدوا عن دينهم صاروا من أقوي الأمم |
*** البرئ و الجلاد - قصة واقعية بالصور ***
النهاردة كنت في مشوار زفت في نص البلد
بخلص اوراق حكومية لزوجتي معايا زوجتي و ابني ثلثا شهور مينفعشي نسيبه في البيت و حماتي عشان تشيل الواد لما زوجتي تكون بتخلص الورق المهم بعد تخليص اول مشوار في عز الزحمة و وقوف ممل لوقت طويل في الاشارات روحنا مصلحة اخري في شارع اسمه منصور [url=http://www.1ss1.com]http://www.1ss1.com/2008/1/1ss1_WF5c7kWcnx.JPG[/url] انا كنت راكن صف تاني طبعا لان مفيش ركن و لاني قاعد في العربية و معايا حماتي و الواد الصغير و زوجتي بتخلص الاجراءات وقفنا شوية تمام لحد مالقينا الونش جه جنبنا و خبط اتحرك من هنا قلتله حاضر قمت مدور العربية و مش عارف اروح فين لقيت شارع داخلي قلت اخش فيه و كان قابلي ميكروباص دخل في نفس الشارع السهم يشير للشارع الداخلي [url=http://www.1ss1.com]http://www.1ss1.com/2008/1/1ss1_Scc30QXW7O.JPG[/url] دخلت الشارع علي امل اني الاقي اي ركنه اقف فيها لحد ما زوجتي ترجع لقيت امين شرطة وقف الميكروباص اللي قدامي في حين اشار لزميله انه يكبس عليا ،، رخصك ليه هات الرخص الاول و اقولك و انا بطلع الرخص بس قولي ليه انتا ماشي عكس الاتجاه ،، يا نهااار دي قضية و حبس و كمان في نص البلد يا ريس مفيش اي علامة بتقول ان ده عكس الاتجاه ،، لأ فيه فين هات الرخص و انا اوريهملك اديته الرخص و انا متنرفذ حرام عليكم هوا انا هاشم علي ايدي اتجاهات الشوارع الامين راح معايا و قالي حتي لو مفيش علامات انتا شوف الاسهم المرسومه علي ارضية الشارع المهم روحنا اول الشارع و كانت الصدمة فعلا فيه علامة ممنوع الدخول علي اول الشارع [url=http://www.1ss1.com]http://www.1ss1.com/2008/1/1ss1_moIsUzdeSx.JPG[/url] طبعا شايفين الكوميديا نفس علامة ممنوع الدخول جنبها سهم يشير لضريح الزعيم سعد زغلول تصدق مين فيهم ،، الأمين قاللي عادي ده سهم للضريح مش معناه تخش من هنا الامين ده كان رخم اووي و كمان انا كنت بكلمه و انا قرفان من نفسي لاني حاسس اني مش غلطان و اتدبست الحمد لله لقيت الامين التاني وشه بشوش قالي يا بيه دي غرامه و حبس و انتا عمال تغلط في الراجل اعدل عربيتك علي الاتجاه الصح و تعالالي عدلت العربية و رجعتله بعد كلمتين مني و منه ،، قالي خد رخصك و انا اديته اللي فيه النصيب و من بعيد شايف الباشا الضابط في شارع جانبي و مكلبش كام عربية و الناس عماله تتخانق حواليه حمدت ربنا علي انها جت علي اللي فيه النصيب و مشيت بالعربية قعدت الف بالعربية في اي اتجاه لحد مالمشوار يتقضي و دماغي عماله تجيب و تودي اا ازاي ماخدتش بالي من العلامات فيه حاجة غلط ،، رجعت تاني لنفس المكان اللي دخلت منه من ناحية شارع منصور شوفوا بقه انتوا و احكموا [ url=http://www.1ss1.com]http://www.1ss1.com/2008/1/1ss1_PFhm4Wtgn.JPG[/url] العلامات مقلوبه من الناحية اللي كنت جايي منها استحاله تشوفها و في نفس الوقت علامة كبيرة مرحبه بسهم بتقولك ضريح الزعيم سعد زغلول يعني انا برئ برئ برئ معلهشي موضوع طويل و تجربة شخصية يمكن متهمشي اي حد بس الموضوع مهم ،، انا مع تطبيق القانون بس قبل تطبيقه لازم يكون فيه النظام و الادوات المناسبه مش مع نظام شوارعنا الخلطبيطه و كمان عشان تخلوا بالكم و تبصوا كويس في اي حته داخلينها و اي حته هتركنوا فيها و يستحسن متنزولوش نص البلد اساسا عشان دي بقت قواضي و حبس و ربنا يعافينا ملحوظه غالبا انا صعبت عالامين و مشاني عشان الست الكبيرة و الطفل الرضيع اللي معايا انا اساسا ماليش في الحوارات دي و ممكن جنايني اساسا يسحب رخصي |
رد: *** البرئ و الجلاد - قصة واقعية بالصور ***
الحمد لله انها جت علي قد كده . . . بس مش لدرجة جنايني يا راجل ptmnlo123per1127
هي دي المشكلة ، القوانين تمام و 100 -100 بس مش لبلدنا مفيش علامات سليمة مفيش قانون بيتطبق علي الكل مفيش حد عنده ضمير حسبي الله و نعم الوكيل |
رد: لماذا لا يحكم المسلمون العالم بدلا من اليهود؟ سؤال و جواب
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ |
رد: *** البرئ و الجلاد - قصة واقعية بالصور ***
THe Good , The Bad & the Ugly
الطيب و الشرس و القبيح ... كان فيلم قديم من افلام الويسترن لكلينت ايستوود يا احمد باشا ده فيلم اتعمل عليك .... وبيتعمل علينا كلنا واحد يسحب الرخصه و يلوي بوزو و يعمل فيها اسمه ايه ... والتاني يستقبل الزبون بالوش البشوش و الصدر الحنين يعني واحد يضرب والتاني يلاقي .... وطبعا الغنيمه بالنص على فكره انا بشوف كتير فيلم قريب من الفيلم ده .. ازاي .. الدوريه الراكبه تخيل مثلا صبه خرسانه او لودر بيشتغل في قطعه ارض تيجي عربيه الدوريه الراكبه و تقف ... وش على طول اكرمش المعلوم في ايد و سلام ايه الاخبار واي كلام ... واول ما يمسك الورقه في ايده اسمع احلا كلام ... احنا بنعدي على طول .. واخدين بالنا كويس ... تقولش معين شركه امن خاصه و طبعا ياخد اللي فيه النصيب و يسيب لكن لو طنشته .... اتفرج بقى فين تصريح اللودر ... فين بطايق العمال ... ولو واحد استغبى معاهم ممكن اوي يشدو الغفير في عز الليل على القسم و تحري وسين و جيم و واو و نون و لام ... طبعا انا عمري ما وصلت للمرحله دي ... بانجز بدري بدري ... هين قرشك و لا تهين غفيرك عايز تعرف انه فيلم ازاي ... اقولك 2 امنا شرطه ليه ... هو واحد لوحده ميعرفش يسحب الرخصه !!!! حاجه تانيه .... طالما الامين بعيد عن الظابط و بيطول في الحوار ... يبقى عايز المعلوم ptmnlo123per193 ادي اللي اخدناه من معهد امناء الشرطه .. والدوريه الراكبه .... اللي راكبه و مدلدله رجليها ptmnlo123per1116 معلش يا ريس ... بس ابقى دايما حط ورقه بخمسين تحت الرخصه انا بفكر احطها بين الرخصتين و انساها ... علشان تتطلع اوتوماتيك و قت اللزوم |
| الساعة الآن 03:03 AM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017