مصر موتورز مجتمع السيارات - كل ما يخص الشهر العقارى

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - كل ما يخص الشهر العقارى (https://www.masrmotors.com/vb/showthread.php?t=25323)

رد: كل ما يخص الشهر العقارى

اقتباس:

المشاركة الأصلية كتبت بواسطة ultrasoft (المشاركة 281411)

اخ محمد
شكرا ع المجهود الرائع لموضوعك .. اللى فادنى وفاد ناس تانية كتير .. بارك الله فيك

عندى استفسار .. اشتريت عربية .. سويفت 96 ... رخصتها لحد يونيو 2011 .. المشكلة بقى .. الرخصة مكتوبه بأسم واحده ولتكن فاطمة محمد احمد ومكتوب بجوارها والمسئول عنها احمد ابراهيم .. انا اشتريت من احمد ابراهيم بتوكيل من سفارة - لأنه مقيم بالخارج - ولما رحت للشهر العقارى .... قالى مينفعش تبيع الا لما تجيب كمان توكيل من فاطمة .. فهل ده صح .. ولا ايه بالظبط .. ايه الاجراءات اللى المفروض اعملها .. وشكراً

الكلام صحيح لان العربية باسم الاثنين بس اللى بعالك واحد فقط
يجب ان تجيب توكيل من الطرف الثانى

رد: كل ما يخص الشهر العقارى

اقتباس:

المشاركة الأصلية كتبت بواسطة falak (المشاركة 300314)

يا جماعة أنا عندي مشكلة مش مخلياني عارف أنام
أنا بعت عربيتي ( لانوس 99 ) لواحد زميلي في الشغل
عربيتي هذه كانت مرور الجيزة
ومن حوالي سنة نقلت ملكية ورخصتها تبع مرور حلوان ( لإني ساكن في حلوان )
لكنهم استخرجوا لي تصريح ( ثلاث شهور ) وليس ترخيص لإن الملف لم يأتي بعد من مرور الجيزة .
بعد ثلاثة شهور ذهبت للتجديد لكني وجدت الملف لم يأتي بعد فأخذت تصريح آخر لمدة 9 شهور والموظف قاللي هانعمل لك استعجال للملف.
بعد 9 شهور ذهبت للتجديد فلم أجد الملف أيضاً .. فعملوا لي تصريح لمدة سنة كاملة.
والآن وبعد مرور شهر واحد من هذه السنة ( مازال التصريح ساري لمدة 11 شهر ) بعت السيارة ..
وعاوز أعمل توكيل للشاري ،، لكن طبعاً الشهر العقاري هايطلب مني شهادة بيانات لإن معايا تصريح وليس ترخيص .
ذهبت للمرور عشان أجيب شهادة بيانات ،، قالولي مش هاينفع لإن الملف لسه ماجاش ..
طب وبعدين .. أعمل إيه دلوقتي ؟؟؟
الراجل عايز التوكيل ، وأنا مش عارف أعمل له إيه ؟؟
أنا خايف يكون الملف ضاع ولا حاجة ؟؟ ومش عارف عمل إيه عشان سي ملف ييجي ؟؟

اذهب الى مرور السيارة الاصلى وهات شهادة بيانات من هناك

رد: كل ما يخص الشهر العقارى

اقتباس:

المشاركة الأصلية كتبت بواسطة victornabil2002 (المشاركة 300525)

انا اشتريت النترا 2008 اوتوماتيك 1600 cc بتوكيل من صاحب العربيه الاصلى و مكتوب فى التوكيل له حق البيع لنفسه و للغير و التعامل مع المرور و الرخصه هتخلص 02/2011 عايز اعرف اعمل ايه لما الرخصه تنتهى و مصاريف تسجييلها فى الشهر العقرى كام و شكرا مقدما

قبل ما تنتهى االرخصة اذهب للشهر العقارى واعمل عقد مسجل لنفسك
اما المصاريف فسيتم رفع الرسوم لعام 2011 قريبا

رد: كل ما يخص الشهر العقارى

اقتباس:

المشاركة الأصلية كتبت بواسطة tabeh (المشاركة 314174)

سيدى الفاضل ...
بعد التحية ...
الموضوع : بخصوص سيارة لادا 2107 موديل 1991

قام حمايا ببيع السيارة اعلاه لى بموجب توكيل يحق لى من خلاله البيع لنفسى او الغير و التعامل مع المرور
و بناء ع التوكيل ده رحت رخصت العربية و خدت نمرة جديدة و خلَيت الرخصة الجديدة باسم حمايا بردو
دلوقتى انا عاوز ابيع العربية و مضيت عقد ابتدائى (اشترناه من مكتبة ف الفجالة)مع المشترى و اخدت عربون
المشترى (اللى انا عرفت بعدين انه تاجر/سمسار عربيات)كان عاوزنى اعمل له توكيل
انا رفضت بعد ما استشرت بعض المقربين و اللى قالولى انه الاحسن تروح معاه و تعملو عقد جديد ف الشهر العقارى و هو طبعا اللى هايشيل مصاريف التسجيل و لازم يمضى مشترى و انا امضى بائع
الأخ المشترى (و عشان هو مش دوغرى و بيكدب كتير) مرة قاللى انه بطاقته ضاعت لمل قلت له نسجل ف الشهر العقارى
و اما شديت معاه و اصريت ع التسجيل -مهددا بفسخ العقد الابتدائى و ارجاع العربون لو رفض التسجيل- وافق ع التسجيل
و قاللى خد باقى فلوسك و ادينى العربية و صورة الرخصة و سجل انت براحتك و كلمنى اجيلك اخد صورة العقد المسجل
بردو انا رفضت لأنى حسيت ان فى حاجة غلط ... و من خلال قرائتى لردودك , فهمت انه من الافضل انه يمضى مشترى (و ده طبعا يستلزم وجوده معايا) عشان يسجل بعد كده باسمه ف خلال شهر واحد ... بدل ما يعمل مصيبة بالعربية و حمايا اللى يدَبس
عاوز استأذنك فى :-
1- استشارتك فيما سبق
2- امكانية فسخ عقد ابتدائى و عواقبه

اخى ليس هناك خطورة مما تخاف منة
فالعقد الابتدائى يحميك لو عمل مصيبة بالعربية
وممكن تعمل توكيل البيع للنفس او للغير فقط وفى هذه الحالة عند انتهاء الرخصة لازم يعمل عقد مسجل
اما بالنسبة للعقد انه يمضى مشترى فانا لا انصح بها
لان فى هذه الحالة يجب ان يذهب للمرور فى خلال شهر من العقد والا فسخ العقد

رد: كل ما يخص الشهر العقارى

اقتباس:

المشاركة الأصلية كتبت بواسطة dr_hegab (المشاركة 316500)

انا اشتريت سياره بتوكيل من البائع والعربيه لسه فيها فتره في الرخصه
البائع معاه عقد مسجل من 7 شهور وكان ماضي فيه انه مشتري ومكتوب بياناته بس ما نقلشي الملكيه يعني الرخصه بأسم المالك الاصلي
يعني انا دلوقتي معايا عقد مسجل فات عليه 7 شهور وكمان توكيل
هل كان لازم ان اللى انا اشتريت منه ينقل ملكيه
وانا دلوقتي واجب عليا اعمل ايه

لا مش لازم
انت قبل ما تنتهى الرخصة اذهب للشهر العقارى وانقل ملكية لنفسك وتروح المرور فى خلال شهر من العقد اللى انت هتعملة