مصر موتورز مجتمع السيارات - اى حد محتاج اى معلومه عن رينو

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - اى حد محتاج اى معلومه عن رينو (https://www.masrmotors.com/vb/showthread.php?t=1462)

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة سلام أبوالسيد (المشاركة 150275)

السلام عليكم ياباشا كنت بتكلم مع واحد أنني سوف أشتري لوجان رد عليا واحد شغال فى معرض للكموني بطنطا وقال ليه تشتري لوجان مشاكله كثيرة فى العفشه والكهرباء إشتري فيرنا بنفس الثمن ومش حتنزل قوي فى سعرها لما تحب تغيير ماهو رأي فى الكلام ده ولكم جزيل الشكر

عليكم السلام ورحمه الله وبركاته يا باشا والله بالنسبه للكلام ده نقدر نقول انهم جزئيتين ونقول الجزئيه الحسنه قبل ما نقول الجزئيه السيئه وان بعض الظن اثم
وجهه نظر الراجل اللى شغال فى المعرض ان الفيرنا قطع غيارها ارخص ولو حبيت تغيرها هتجيبلك سعر كويس(لكن نحط فى الحسبان انه مفيش ناس كتير بتبيع لوجان يوزد عشان نعرف سعر اعاده البيع العربيه لسه جديده بقالها حوالى سنه)وبرضه يا باشا محدش هيشترى عربيه ويعرضها للبيع فى ظرف سنه الا لو كان فيه حاجه ظروف بقى مش مستريح مع العربيه(وده لا يعيب العربيه ولا يعيب السائق انما هى اذواق)جاتله فرصه انه هيغير بحاجه اعلى لقطه فى السعر مثلا وفى معظم الحالات دى اللى بيبيع بيبقى عايز يخلص من العربيه ايا كان تمنها عشان كده برضه منقدرش نحكم على موضوع اعاده البيع
وكل اللى اقدر اقوله بالنسبه لجزئيه المشاكل فى العفشه انك تسأل على عفشه اللوجان من كل مالكيها واحنا معانا كذا مالك ليها فى المنتدى ممكن تشوف مواضيعهم وتشوف كلامهم عن العفشه الناعمه بتاعتها وانها مبتحكش فى المطبات وانها عاليه وثابته على الطريق وبرضه مشفتش حد اشتكى من الكهرباء فيها خالص الحاجه اللى الملاك علقوا عليها هى رعشه الفتيس ودى مش موجوده فى كل العربيات ازاى مش عارف بصراحه بس انا لما ركبت لوجان مكانش فيها الهزه دى بصراحه
ونيجى بقى للظن السوء(وانا بعتذر لحضرتك انى هظن سوء فى واحد تعرفه وانا معرفهوش بس بصراحه انا مش شايفها غير كده)
معرض الكمونى للسيارات ده انا شفت ليه فرعين فى القاهره المعرض ده موزع معتمد لهيواندى تفتكر واحد شغال فى موزع معتمد لهيونداى هيقولك روح هات رينو ولا حتى شيفروليه ولا اسبيرانزا لازم تبقى كل العربيات دى وحشه والهيونداى هى اللى حلوه مع احترامى الكامل للعربيه لكن انا بتكلم على الفكره نفسها ده واحد شغال فى موزع معتمد لهيونداى عرف منين مشاكل الكهربا والعفشه اللى محدش اتكلم عنهم اساسا؟؟؟؟
وطبيعى يقولك الفيرنا احسن عشان لو كده هتلاقيه قدامك وتقوله ماشى يقولك يلا على المعرض ويبيعلك عربيه ويطلع الكوميشن بتاعته وارجو انك متضايقش من كلامى بس انا فهمت الموقف كده بصراحه وارجو انى اكون قدرت افيد حضرتك ولو فى جزء بسيط من استفساراتكptmnlo123per122

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة POP EL GAMED (المشاركة 150325)

والله يا باشا موضوع السعر ده رهن بالحاله ولو العربيه متبهدله متاخدهاش لانها لو متبهدله هتصرف عليها كتير عشان تفوق عشان كده لو الحاله حلوه والعربيه ماسكه نفسها يبقى اتكل على الله السعر كويس على الموديل ده ولو عرفت تنزل الف ولا حاجه يبقى كويس ولو نزلت ال3 يبقى العربيه كده لقطه
وبالنسبه للصيانه هى صيانتها مش معقده وسهله وفيه ميكانيكيه كتير حضرتك بس قولى انت منين وانا اقولك على اقرب واحد لمكانك مع مراعاه انه فيه تجمعين واحد فى صقر قريش وواحد فى عين شمس هتلاقى كذا ميكانيكى وكذا واحد بتوع قطع غيار هناك
وبصراحه انا مش فاكر اسعار قطع غيار ليها بس اللى فاكره كان فلتر الزيت ب25 وطقم البوجيهات ال1 شمعه اليكترونى NGK تمنه 50 جنيه (متأكد من السعر ده تماما لانها نفس البوجيهات اللى بتركب عندى)وفلتر الهوا على ما اتذكر كان ب60 بس مش متأكد لو حضرتك ممكن تصبر عليا لبكره اجيبلك اسعار قطع غيار كتير فيها
وارجو انى اكون افدت حضرتكptmnlo123per122

مبدئيا انا بشكرك جدا ياباشمهندس على ردك واهتمامك ثانيا انا من حلوان يعنى صقر قريش قريبة منى انما انا عندى مشكلتين انا دى هتبقى أول عربة اركبها فى حياتى على الاطلاق ثانيا بما انى مش بفهم اى حاجة فى حالات العربيات:08A742~169: مش عارف هاروح اعاين العربية ازاى وانا على حسب متابعتى لمواضيعك عرفت ان افضل حاجة للرينو الميكانيكية المتخصصين فيه

رد: اى حد محتاج اى معلومه عن رينو

اقتباس:

المشاركة الأصلية كتبت بواسطة POP EL GAMED (المشاركة 150325)

رد: اى حد محتاج اى معلومه عن رينو

السلام عليكم ورحمة الله وبركاته
أولاً أشكرك جداً ياباشا على رد وبالنسبة لهذا الشخص أنامعرفوش دا هوا دخل في الموضوع كدة
لو حضرتك تعرف تدلني على ميكانيكي موجود فى طنطا يكون لك من الله الأجرالعظيم ولو فيه حد بتاع قطع غيارptmnlo123per154

رد: اى حد محتاج اى معلومه عن الرينو

سلام عليكم
بخصوص اللوجان المغربى صحيح ممكن يتعمل صيانه لها بره فى اى مركز وقطع الغيار الاقيها بسهوله بره لان بيقولوا انها مش معقده
2-موضوع الباور انه مش كهرباء ميتهالى مش هيفرق كتير
3- العربيه دى هتفرق عن الانوسوالفيرنا بصراحه؟