رد: السيارات الجديده في مصر
 

للاسف مش هينفع
طبعا تقدر تشتري عربيه معوقين و تكتبها باسم صديقك بس مش هينفع تنقل ملكيه الا بعد 3 سنين
و طبعا هتحصل مشاكل مع المرور و الحملات لان رخصه العربيه هتبقي بأسم صديقك و انت اللي سايق فشوف لو ليك وسطه في المرور اشتري و حاول تتفادي الحملات بس ارجع و اقول ان 3 سنين مش قليلين

رد: السيارات الجديده في مصر
 

عزيزى الباشمهندس / أحمد
أنا اشتريت تويوتا كورولا أتوماتيك 2009 MMTهاى لاين وهى سيارة قوية وتقفيلها جنوب أفريقيا بس عايز أعرف أسعار قطع غيارها ( فوانيس أمامية وخلفية - سيور-بوجيهات-تيل فرامل ) وهل يمكن تركيب مكن لرفع الزجاج لها ولا لسه مانزلش لإنى لورركبته بره التوكيل يسقط الضمان
وأرجو أن اقابلك قريباً فى بور سعيد التى أزورها كثيراً

رد: السيارات الجديده في مصر
 

اولا انا بشكر علي حضرتك علي المكالمه التليفونيه
و طبعا الف مبروك علي العربيه الجميله
انا عندي اسعار تقريبيه لقطع الغيار
الفوانيس الاماميه في حدود 1500 جنيه تزيد او تنقص
الفوانيس الخلفيه في حدود 1300 جنيه تزيد او تنقص
طقم البوجيهات ممكن يدخل في 350 او 400 جنيه
التيل هيدخل في حدود 700 او 800 جنيه تقريبا
و كل الاسعار تقريبيه من دماغي
وحدات رفع الزجاج ممكن تركبها في التوكيل بس هتخش في 3500 جنيه و لا حاجه
و طبعا يا باشا اول تيجي بورسعيد منتظر مكالمه تليفونيه عشان نتقابل و نتشرف بحضرتك

رد: السيارات الجديده في مصر
 

الشكر الجزيل لك يا باشمهندس / أحمد على السرعة الفائقة فى الرد وسأعمل بإذن الله على أن أقابلك فى مدينتك الرائعة بورسعيد وياريت لو هناك أصدقاء من أهل المنتدى نتفق على اللقاء لنتبادل الخبرات ، وعلى فكرة أنا من أهل اسكندرية .

رد: السيارات الجديده في مصر
 

انا هعرف مين في الاعضاء من محافظه بورسعيد ان شاء الله و نتفق هنتقابل امتي
و علي فكره انا بحب اسكندريه جدا جدا و طبعا حبي ليها لا يقل عن حبي لاهلها