رد: كل ما يخص الشهر العقارى
 

رد: كل ما يخص الشهر العقارى
 

سيدى الفاضل ...
بعد التحية ...
الموضوع : بخصوص سيارة لادا 2107 موديل 1991

قام حمايا ببيع السيارة اعلاه لى بموجب توكيل يحق لى من خلاله البيع لنفسى او الغير و التعامل مع المرور
و بناء ع التوكيل ده رحت رخصت العربية و خدت نمرة جديدة و خلَيت الرخصة الجديدة باسم حمايا بردو
دلوقتى انا عاوز ابيع العربية و مضيت عقد ابتدائى (اشترناه من مكتبة ف الفجالة)مع المشترى و اخدت عربون
المشترى (اللى انا عرفت بعدين انه تاجر/سمسار عربيات)كان عاوزنى اعمل له توكيل
انا رفضت بعد ما استشرت بعض المقربين و اللى قالولى انه الاحسن تروح معاه و تعملو عقد جديد ف الشهر العقارى و هو طبعا اللى هايشيل مصاريف التسجيل و لازم يمضى مشترى و انا امضى بائع
الأخ المشترى (و عشان هو مش دوغرى و بيكدب كتير) مرة قاللى انه بطاقته ضاعت لمل قلت له نسجل ف الشهر العقارى
و اما شديت معاه و اصريت ع التسجيل -مهددا بفسخ العقد الابتدائى و ارجاع العربون لو رفض التسجيل- وافق ع التسجيل
و قاللى خد باقى فلوسك و ادينى العربية و صورة الرخصة و سجل انت براحتك و كلمنى اجيلك اخد صورة العقد المسجل
بردو انا رفضت لأنى حسيت ان فى حاجة غلط ... و من خلال قرائتى لردودك , فهمت انه من الافضل انه يمضى مشترى (و ده طبعا يستلزم وجوده معايا) عشان يسجل بعد كده باسمه ف خلال شهر واحد ... بدل ما يعمل مصيبة بالعربية و حمايا اللى يدَبس
عاوز استأذنك فى :-
1- استشارتك فيما سبق
2- امكانية فسخ عقد ابتدائى و عواقبه

رد: كل ما يخص الشهر العقارى
 

جزاكم الله كل خير على مجهودك الكبير ده
و لى عندك سؤال
عايز انقل السيارة باسم ابنى هل فى الشهر العقارى بيطلبو رخصة القيادة للمشترى

رد: كل ما يخص الشهر العقارى
 

انا اشتريت سياره بتوكيل من البائع والعربيه لسه فيها فتره في الرخصه
البائع معاه عقد مسجل من 7 شهور وكان ماضي فيه انه مشتري ومكتوب بياناته بس ما نقلشي الملكيه يعني الرخصه بأسم المالك الاصلي
يعني انا دلوقتي معايا عقد مسجل فات عليه 7 شهور وكمان توكيل
هل كان لازم ان اللى انا اشتريت منه ينقل ملكيه
وانا دلوقتي واجب عليا اعمل ايه

رد: كل ما يخص الشهر العقارى
 

من فضلكم حد يفدنى أنا اشتريت عربيه مستعمله من حوالى 8 شهور وكالعاده عملت عقد مشجل بس ممضتش مشترى عشان امشى بالرخصه واستفيد من الضربيه وجه ميعاد انتهاء الرخصه وانا لزم انقلها باسمى رحت مرور مدينه نصر دفعت الضريبه والمخالفات وجيت اطلع شهاده بيانات موجهه لمرور حلوان الى انا تابع له لقيتالموظف بيقولى ان فى شهاده بيانات طلعت لمرور العاشر من رمضان ولازم تجيب شهاده المرور ده وقالى مينفعش تاخد شهاده الا لما تجيب التانيه والظاهر كده انا الى بعلى العربيه استخرجها ومدهانيش وانا نمرته ضاعت منى وكمان مش عارف بيته ومش عارف ارخص اعمل ايه