|
|
رد: هل مفتاح السيارة داخل في التأمين
المفتاح غير مغطى
|
رد: ارجو الإفادة عن اجراءات التأمين عن عربية فيرنا 2007 مستعملة
شكراً يا أستاذ عمرو على إستجابتك السريعة وسوف اتصل بك انشاء الله لما أخد قرار التأمين -
وعندى بعض الأسئلة عن تأمين المستعمل : 1- هل لدى الشركة بعض الشروط عن حالة العربية ( هل يتم الكشف على الشاسية مثلاً لعدم حدوث تحايل أن واحد يأمن على عربية عاملة حادثة قبل كدة ويفتعل خبطة و يدعى أن حدوث هذا العيب نتيجة الحادث الجديد ) 2 - الحالة الظاهره للسيارة ( الدهان الخارجى ) لازم يكون تمام و لا مسموح بوجود خدوش بسيطة 3- الأساس الذى يتم به تسعير السيارة المستعملة هل هو خصم نسبة مئوية من سعرها زيرو لكل سنة إستعمال 4- فى حالة التامين على سيارة مستعملة يتم تقدير قيمة السيارة بأقل من قيمتها زيرو وحسب الموديل - فهل نتيجة ذلك عند الإصلاح يتم خصم مقابل أهلاك قطع غيار - لأن الشركة لما هتصلح هتحط قطع غيار جديدة 5- وأخيراً ما هو النسبة المؤية المستخدمة فى السيارات المستعملة طبقاً للسعر المقدم من شركتكم الموقرة |
رد: ارجو الإفادة عن اجراءات التأمين عن عربية فيرنا 2007 مستعملة
اقتباس:
1- يتم اخذ بصمة الشاسية لعدم التلاعب 2- يسمح ببعض الخدوش البسيطة جدااا 3- يتم خصم 10% من قيمة السيارة كل عام يعنى لو 100000 تبقى ب 90000 و هاكذا 4- يتم خصم 10% فقط من المصناعيات لحدموديل 2007 و من 2007 الى الاقدم 25% من المناعيات و ليس كامل الفاتورة يعنى لو المصناعيات 300 يتم خصم 30 جنية السيارة توفر لها طبعا قطع غيار جديدة بفواتير من التوكيل اصلية 5- تحدد النسبة كلما كانت السيارة موديلها قديم الى نسبة اعلى ب 0.25% من ال1% يعنى لو الزيرو ب 3.75% و موديل 2010 يبقى موديل 2009 ب 4% و هاكذا كلما قدم موديل السيارة |
رد: هل مفتاح السيارة داخل في التأمين
السلام عليكم كل عام وانتم بخير المفتاح ميش بيتغطا في اي و ثيقة سيارات
|
يعنى ايه تامين
السلام عليكم ياجماعة انا كنت عاوز اعرف يعنى ايه تامين على السيارة وايه الفرق بين التامين الاجبارى والانواع التانية وهل لازم اامن على عربيتى طيب ولةو استريت عربية مستعلة هل لازم اامن عليها وهيكون ايه نظامه وايه هةو التامين على الحياة ياريت حد يفيدنا عشان الناس اللى ملهاش خبرة فى العربيات وتامينها تستفاد وتبقى عارفة الدنيا ماشية ازاى؟؟؟ والرجاء ذكر انواع اتامين الحلال وايه هى اللى فيها شبهة حرام؟؟؟ |
رد: يعنى ايه تامين
برجاء الرد لانى عاوز اعرف الاجابة برده لو تكرمتم
|
رد: يعنى ايه تامين
السلام عليكم اخى العزيز كل عام و انت بخير و فى اتم صحة
ناخد الموضوع نقاط على شان يبقى فى وضوح 1- بالنسبة للتامين على السيارة ::::: حضرتك لما بتشترى سيارة بحظر بنك اى بقرض سيارة من اى بنك او شركة بتمنح قرض سيارة بتشرط انك تامن على السيارة و الفكرة من الموضوع ان حضرتك جايب السيارة قسط يعنى ما فيش سيولة عند حضرتك يعنى لو السيارة عملت حادث او كانت هلاك كلى البنك او الشركة المقرضة بتبقى ضامنة ان حضرتك هاتدفع لان الوثيقة بتبقى لصالح البنك او الشركة الى عملت قرض السيارة 2- التامين الاجبارى و التامين الاختيارى ::::: الاجبارى : دة بيبقى فىالمرور و بتدفع قسط بسيط و دة بيبقى لحد مبلغ 40000 جنية فى حالة لو السائق موت او اصاب احد اصابة بالغة بس بحد اقصى تعويض 40000 الاختيارى : الى بيطلبة البنك او الشركة المقرضة و هوة بيقولك امن فى اى شركة مثلا و لكن البعض يشترط ان الوثيقة تكون بدون تحمل بعض البنوك و البعض يقبل بتحمل 4فىالالف من مبلغ التامين 3- الفائدة لو انت اشتريت سيارة مستعملة تامن لية ::::::: لان هذا مالك و بجزء بيسط من المال اى بنسبة بسيطة من ثمن السيارة بتحافظ على مالك مثال لو شخص اشترى سيارة مستعملة و ما عملش تامين ولا قدر الله عمل حادثة و لو نقول انها هلاك كلى بل حادث يتكلف 20000 جنية و انت مثلا اشتريت السيارة ب 50000 يبقى حضرتك ثمن العربية هيقف عليك ب 70000 دة لو متوفر معاك 20000 لاصلاح السيارة لكن لو حضرتك دفعت فى التامين مثلا 3000 جنية و صلحت ب 20000 السيارة يبقى انت حافظت على مالك لان كل ما يشترية الانسان عربية شقة ارض الشىء يساوى ثمنة بالعملة يعنى فلوس يعنى لو سيارة باظت خالص ب 50000 يبقى اكن ضاع منك 50000 4- التامين على الحياة :::::: هى وثيقة تامين حضرتك بتدفع اقساط لفترة تبداء من 5 سنوات 10 سنوات 15 سنوات 20 سنوات 25 سنوات و خلال هذة الفترة اذا لاقدر الله توفى الشخص المؤمن علية يصرف ملبغ التامين + الارباح عن الفترة المنقضية اما اذا اتم الفترة و عاصر تاريخ الاستحقاق يصرف مبلغ التامين + ارباح الفترة مميزات هذا التامين """ تامين الدخل للاسرة فى حالة فقدان عائل الاسرة و تفادى الاهتزاز المادى لاسرة المؤمن علية ///// فى حالة الحياة استثمار جيد لفلوسك تجوز الاولاد تحج اى متطلبات لهذة الفترة 5- الحلال و الحرام ::::::::: الموضوع شرحة يطول جداا لانة لا يوجد اجماع على انة حلال ام حرام و لكن فى راى و العلم عند الله انة حلال لان فكرة الحرام فى الربا ان الوثائق فى قناة السويس مثلا مع الاشتراك فى الارباح و بعض الفقهاء قالو انة حرام لانة عقد غر ( اى عقد مغلب فيها مصلحة طرف على طرف مع الاجبار ) و هنا اولا حضرتك انت بتختار الشركة و العقد الى يناسبك ولا احد يجبرك على الاشتراك لاكن انت بتشترك بارادتك المنفردة يعنى انتفى موضوع عقد غر و ان شاء الله عن قريب ابقى اعرض اراء الفقهاء من الفريقين |
| الساعة الآن 02:27 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017