رد: موسوعة أعطال اللانسر
 

في انتظار الرد

رد: موسوعة أعطال اللانسر
 

المشكلة دى حصلت معى (لنسراوتو 2007)رحت للكهربائى قال المشط عاوز ينضف وده بيحتاج فك حاجات كتير سيبك منه هيروح لوحده وبعدين فعلا شويه وراحت (اسبوع تقريبا)وبعدين جت تانى بس الملاحظ انها بتيجى بعد غسيل الماتور بالماء وتكون العمليه زياده شويه فيظهر بيحصل حاجه من المايه تخلى الn تنور واذا ركنت شويه وبطلت العربيه ودورت تانى بتروح وبعدين ترجع المهم سيبها شويه وشوف النتيجه وان شاء الله مفيش قلق لانى وانا مسافر بيها كنت انظر لل n وهى بتنور وتطفئ واقول سترك ياستار والحمد لله محصلش حاجه وراحت لوحدها(يظهر بعد المايه اللى وصلتها ماتبخرت)

رد: موسوعة أعطال اللانسر
 

سيارتي لانسر بومة 1600 ولما بضغط فرامل علي الاخر بحس السيارة بتخبط جامد طلع بها ميكانيكي قالي ده Abs عاوز يتغير رغم ان السيارة بتفرمل عادي وبدون اي مشاكل لكن فعلا لما الموضوع ده بيحصل بجد ان لمبة Abs بتنور في الطابلوه ارجو الرد لأني مرعوب من تكلفة Abs وعرض علي اجيبه استيراد وهو يجرب يركبه لي

رد: موسوعة أعطال اللانسر
 

لو انت قصدك عند استخدام الفرامل المفاجىء بتلاقى خبط وبتحس ان الفرامل ممسكتش ده عادى فى ABS -غير زيت الفرامل بأستمرار لو عدى عليه اكثر 7 شهور الزيت بيحل وبيبان من لونه بتلاقيه اغمق , انا لما الاقيه كده بسحبه بالسرنجة واجيب زيت باكم الأصلى العلبة الصفيح نص احمر ونص ابيض واخد ثواب واغير زيت افرامل والدبرياج بالمره والموضوع مبقاش بيحصل كتير , كل الحكاية و انت بتبقى طالع من النقله التانية للتالته او من التالته الى الرابعة ما بين سرعه 40 - 80 وتلاقى جاموسه قدامك وتفرمل مفاجىء يحصل الخبط ده بس المفروض اللمبه متنورش الا لو رجليك تقيله ودوست على دواسة الفرامل كذا مره (عادى) , انت لو كاركت والعربية دايره وواقفه مش ماشية حتلاقى اللمبة بتنور وتطفى والعربية بتعلى نسبياً بيبان فى الأر بى ام , لكن تشغل دماغك فى حالة ان اللمبه منوره على طول معنى كده ان السيستم مش شغال , انا عندى حساسات كهربا على العجلتين اللى ورا انت لو عندك حل العجلتين ونضف الحساسات

رد: موسوعة أعطال اللانسر
 

انا معايا لانسر بومه 2008 اتوماتيك بس لما التكييف بيشتغل او لما السياره تكون شغاله وواخده غيار وهى واقفه باسمع رجه جامده اوى مع العلم بانى غيرت قواعد الماتور اصلى فى مركز صيانه معتمد والعيب زى ما هو افيدونى عن الحل انا ساكن بدمنهور ياريت اقرب توكيل معتمد وشكرا