رد: السيارات الجديده في مصر
 

انا عاي اشتري عربية في حدود 75 الف ترشحلي انهي سيارة بس تكون وسعة تكفي 5 اشخاص وبها كماليات

رد: السيارات الجديده في مصر
 

[quote=a7lahamada;91019]انا عاي اشتري عربية في حدود 75 الف ترشحلي انهي سيارة بس تكون وسعة تكفي 5 اشخاص وبها كماليات[/quote]

رينو لوجان 1.6 لتر مانيوال فول اوبشنز ب 67000 جنيه
شيفروليه لانوس 1.5 لتر مانيوال فول اوبشنز ب 70000 جنيه
فيات بونتو 1.3 لتر مانيوال فول اوبشنز ب 72000 جنيه
كيا بيكانتو 1.1 لتر مانيوال فول اوبشنز ب 63000 جنيه
كيا بيكانتو 1.1 لتر اوتوماتيك فول اوبشنز ب 70000 جنيه
هيونداي اي تن 1.1 لتر مانيوال فول اوبشنز ب 64000 جنيه
هيونداي اي تن 1.1 لتر اوتوماتيك فول اوبشنز ب 72000 جنيه
هيونداي فيرنا 1.6 لتر مانيوال فول اوبشنز ب 68000 جنيه
هيونداي فيرنا 1.6 لتر اوتوماتيك فول اوبشنز ب 75000 جنيه
هيونداي فيفا 1.5 لتر مانيوال فول اوبشنز ب 67000 جنيه

شوف حضرتك احتياجاتك و استخداماتك ايه و بعدين قرر

لو عايز تركب هاتش باك مانيوال يبقي خليك في فيات بونتو
لو عايز تركب هاتش باك اوتوماتيك يبقي خليك في هيونداي اي تن
لو عايز تركب سيدان مانيوال يبقي خليك في شيفروليه لانوس
لو عايز تركب سيدان اوتوماتيك يبقي خليك في هيونداي فيرنا

و طبعا ده رأيي و وجهه نظري المتواضعه جدا و الرأي النهائي لحضرتك و ارجو ان اكون قد افدتك

رد: السيارات الجديده في مصر
 

منتظر اسألتكم علي احر من الجمر

رد: السيارات الجديده في مصر
 

ربنا يقويك على الإجابات أنا اول مرة أشوف واحد بيحد يتسأل كتييير
بص ياسيدي ياريت ترشح لي سيارة من حيث قوة ثباتها في السرعة العالية وتكون اقتصادية في البنزين وتستحمل في المشاوير الطويلة
نيسان صني - نيسان تيدا - هيونداي (مش عارف نوع معين) - متسوبيشي لانسر
ولو فيه شئ اخر في نفس اسعار هذه السيارات
وربنا مايحرمنا من رأيك اللي بتفيد بيه كل شخص يدخل الموضوع
ولك جزيل الشكر والاحترام

رد: السيارات الجديده في مصر
 

بص يا سيدي
انا برشحلك العربيات دي
ديهاتسو سيريون 1.5 لتر اوتوماتيك فول اوبشنز ب 94000 جنيه
سكودا فابيا 1.6 لتر اوتوماتيك فول اوبشنز ب 110000 جنيه
نيسان صني 1.6 لتر عفشه رياضيه اوتوماتيك فول اوبشنز ب 106000 جنيه
ميسوبيشي لانسر 1.6 لتر سبورت اوتوماتيك فول اوبشنز ب 123000 جنيه
شوف اللي تستريحله منهم و توكل علي الله و دي وجهه نظري المتواضعه
بلاش من التيدا عشان قطع الغيار و سعر اعاده البيع
بلاش من الهيونداي طالما حضرتك ممكن تجيب ياباني فبلاش نجيب كوري