المشاركة الأصلية كتبت بواسطة M.TONSY (المشاركة 789706)

اولا تحياتى لحضرتك يا استاذ تامر
انا كنت زيك بالظبط ومش متابع الموضوع اصلا لانى ما بحبش الكلام المرسل بدون سند وكمان لما يبقى فى صور تايم لاين وكلها تريقة فما بديهاش اهتمام والموضوع بيخرج من اهتماماتى
ثانيا لان فى زملاء لينا بعتوا بلاغات واشتكوا من الالفاظ والصور اللى بتتنشر فى الموضوع
وانا لما اديتهم الانذارات وعملت الشكوى مش علشان خاطر هجومهم على الاخوان بل علشان خاطر الخروج عن السياق العام لقوانين المنتدى والهجوم على شخص رئيس الدولة بغض النظر عن الاسماء او الانتماءات وده مخالف كمان للقوانين العامة للدولة
وبعدين ما الموضوع بقاله سنتين وهما شغالين سلخ فى الاخوان والادارة سيباهم وده عمره ما اثر فى شعبية الاخوان لا فى الانتخابات مجلس الشعب ولا الرئاسة
ثالثا وده الاهم انا بالفعل مش منتمى للاخوان ولا التيارات الاخرى ومش مدى ودانى لاى حد فيهم ومش معنى انى جايب تعليق مؤيد ليهم يبقى معناه انى منتمى ليهم
انا بس عجبنى فى التعليق حقيقة انه فعلا اشمعنى لما كانت السرقات والمحسوبيات وبالادلة كمان كانت الناس ساكتة وما بتتكلمش ومحدش بيهاجم
ودلوقتى الناس بتهاجم بدون ادلة وبصور تايم لاين كلها تهريج فى تهريج ولا تدل اعلى اى شئ والهجوم كدة اصبح غير موضوعى وليس له اى هدف غير اثارة الفتن والبلبة بين الناس وتوليع الدنيا وخلاص والبلد ما عدتش ناقصة ومش ناقصة برده اننا نرجع كل شوية لتحت الصفر
انا رأيي الشخصى انه وجب على الشعب احترام شرعية الانتخابات واللى موجودين دلوقتى نسيبهم هما اللى يشيلوا الشيلة وبعد كدة نحاسبهم زى ما احنا عايزين
وبعدين فى حاجة ظريفة ممكن تستشفها زيي من كلام الراجل اللى مش عاجبك فوق ده
انه طالما الناس بتهاجم واحد كتير وبدون ادلة يبقى تتأكد انه راجل تمام وشغال كويس وفى ناس عايزة تفشله لاغراض خاصة بهم ومصالح شخصية (جماعة النظام البائد) وخاصة انه لايوجد على الساحة حد تانى اهل للثقة او شخص ينفع لتحمل المسئولية
ولما واحد يسرق ويعربد تلاقى نفس الناس بتدارى عليه وتطبطب وتلتمسله الف عذر .. مش دى تبقى حاجة تدعو للتفكير شوية
:waving::fun_36_3_16[1]: دول ليك مش للناس الوحشين