|
|
رد: السيارات الجديده في مصر
فين اسئله النهارده يا جماعه ؟؟؟؟؟؟؟؟؟؟
|
فيات سينا 2001
السلام عليكم انا عندى سؤال انا معايا 37 الف وعايز اجيب حاجة مستعملة وتتحملنى بسافر كتير ومعروض عليا عربية فيات سينا موديل 2001 حالتها كويسة جدا 1400 سى سى ورخصتها تنتهى الشهر القادم بس صاحبها طالب فيها 40 بعد اذنك ممكن تقولى هى عيوبها اية ومميزاتها اية وكمان المفروض يكون سعرها اية معلش وكمان لو سمحت ترشحلى اية غيرها بالمبلغ دة والف الف شكر على مجهودك الرائع
|
رد: فيات سينا 2001
اقتباس:
ثانيا انا اعتقد ان مبلغ ال 40000 جنيه سعر مبالغ فيه و كمان العربيه تقفيلها مش كويس اوي و لكن محركها يعتمد عليه و اعطاله قليله و لكن الميكانيكيه اللي ممكن يشتغلوا في العربيه دي قليلين اوي و كمان قطع غيارها مش متوافره اوي و غاليه نسبيا فمرجحش العربيه دي لحضرتك و انا برجح حاجه من الاتنين : - تزود باكو و تشتري ماروتي زيرو و ترتاح كم هم المستعمل - بالمبلغ اللي معاك ممكن تشتري سوزوكي سويفت موديل 93 او 94 و تكون حالتها نادره و يتفضل فلوس كمان و ده رأيي الشخصي و شوف رأي حضرتك ايه و لا تنسي صلاه الاستخاره و انا تحت امر حضرتك في اي وقت |
رد: السيارات الجديده في مصر
لو سمحت ايه احسن عربية اوتوماتيك ممكن اشتريها يعني المبلغ في حدود المتوسط
|
رد: السيارات الجديده في مصر
اقتباس:
ثانيا : انا برشح لحضرتك عربيه من التلاته دول كيا بيكانتو اوتوماتيك ب 70000 جنيه هيونداي i10 اوتوماتيك ب 72000 جنيه هيونداي فيرنا اوتوماتيك ب 75000 جنيه و دول افضل عربيات اوتوماتيك في الفئه السعريه دي و طبعا انا برشح الفيرنا عشان سيدان و لكن لو عايز هاتش باك خليك في البيكانتو عشان ارخص من ال i10 مع انهم عربيه واحده تقريبا و مفيش فرق بينهم الا في الشكل و اسعار قطع غيارهم تقريبا واحده برضه و ارجو ان اكون قد افدتك و لا تنسي صلاه الاستخاره |
رد: السيارات الجديده في مصر
في انتظار استفساراتكم
|
رد: السيارات الجديده في مصر
سمعت كلام كتير عن الأوتوماتيك فى الكورى والصينى انه مش كويس وأعطاله كتير!! ايه رأيك فى الكلام ده؟
وايه مشاكل الأوتوماتيك فى الكورى عموما من وجهة نظرك؟ خصوصا الفيرنا والماتريكس. وهل الموديلات الحديثة فى الكورى أفضل ولا الأوتوماتيك اليابانى موديلات التسعينات ؟ وجزاكم الله خيرا |
| الساعة الآن 08:04 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017