مصر موتورز مجتمع السيارات - السيارات الجديده في مصر

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - السيارات الجديده في مصر (https://www.masrmotors.com/vb/showthread.php?t=13469)

رد: السيارات الجديده في مصر

اقتباس:

المشاركة الأصلية كتبت بواسطة pro mada (المشاركة 90781)

ميرسي علي مدخل التعليق بتاعك و ده اقل واجب

انا عندي قاعده واحده في المستعمل الا وهي حاله العربيه مش مهم الموديل طالما مش قديم اوي و طالما الشكل عجبك و اداء العربيه كويس و قطع الغيار و الصيانه مواضيعهم تمام يبقي توكل علي الله
وانت بتشتري يبقي معاك ميكانيكي شاطر ويكون امين تمام
و لو الميكانيكي قال ان المكنه تمام يبقي ترفعها في بنزينه معروفه و تشوف رأي الفني ايه ؟؟؟؟؟
العفشه تمام و الشاسيه زي الفل يبقي ادفع الفلوس و توكل علي الله و اطمن

رأيي في اللانسر عموما انه عربيات ممتازه و لكن يعيبها الانتشار الهائل
الكرستاله ممتازه كأداء و شكل و توافر قطع غيار و سهوله صيانه و سعر اعاده بيع
انما المكوه اعتقد انها نفس النظام اكيد لكن انا مشفتهاش قبل كده فتأكد من موضوع قطع الغيار و الصيانه و اداء العربيه نظامه ايه و كده
و ارجو ان اكون قد افدتك و لا تنسي صلاه الاستخاره

{ ربنا يخليك دى اقل حاجه بصراحه على المجهود الى بتعمله معانا }

انا دلوقتى الى قدامى الكرستاله موديل 99 وهيا حالتها كويسه جدا والمكنه تمام وعربيه من جوه ومن بره ميه ميه بصراحه وانا طبعا معايا مكانيكى وشافها وادانى الاوك فيها بس انا بتكلم فى السعر دلوقتى معروضه عليا ب45 فايه رايك هيا مانيوال جنوط سبور من جوه فابريكه من جوه ومن بره وعربيه كويسه فايه رايك فى السعر والعربيه مش رشه فشوف كده ايه رايك فى الكلام ده ومستنى ردك فى اقرب وقت معلش هتعبك معايا اصل انا محتار اوى وبصراحه كلامك فى الاول خلانى ركزت على الكرستاله والحمد لله ربنا اكرمنى بالعربيه دى فشوف كده وان شاء يكون خير

*معلش تقلت عليك بالكلام الكتير :waving:

رد: السيارات الجديده في مصر

اقتباس:

المشاركة الأصلية كتبت بواسطة abonagham (المشاركة 90800)

أشكرك جزيل الشكر

ومعذرة إن حرصت على الاستفسار والتأكد من المعلومة

ووجهة نظرك جديرة بالوضع في الحسبان

ولكن تبقى نقطة السرعة في تسليم السيارة هي الفيصل

فمع التوكيل المعتمد يمكن تطول فترة الانتظار لأكثر من شهر

وللكثيرين تجارب تثبت هذا الكلام

وفي كل الأحوال سأدفع بإذن الله نصف الثمن

بالمناسبة ياريت تعرفني عنوان أبو غالى موتورز

وأشكرك لسعة صدرك

لا شكر علي واجب يا باشا و اسأل مره و اتنين و عشره عادي و انا تحت امر حضرتك في اي وقت
انا معرفش فروع ابو غالي فين لان انا من بورسعيد بس ممكن تسأل عليهم احمد كار او حازم خضر هما اللي بيجيبوا من الاخر في المواضيع دي و ارجو ان اكون قد افدتك

رد: السيارات الجديده في مصر

اقتباس:

المشاركة الأصلية كتبت بواسطة mesho70 (المشاركة 90801)

السلام عليكم

ياريت رأيك فى لانسر 1600cc اتوماتيك والنصيحة منك ومن الاخوة الاعضاء اجيب الهاف كويتى ولا الكلاسيك مصرى ( هى دى الامكانيات ) واجيب 2009 ولا استنى لما تنزل 2010 وانا مش عارف ممكن تنزل امتى مع الشكر

طبعا لا غبار علي اللانسر سواء خليجي او مصري
الخليجي ملوش ضمان هنا وهتتعب في موضوع قطع الغيار و الصيانه
اما المصري فهتابع الصيانه في التوكيل عادي جدا
فابعد عن الخليجي و دي مجرد وجهه نظر
موديلات 2010 (اللي هيا اسمها الشارك مش البومه) موجوده و نزلت من فتره
و ارجو ان اكون قد افدتك و لا تنسي صلاه الاستخاره

رد: السيارات الجديده في مصر

اقتباس:

المشاركة الأصلية كتبت بواسطة bahrelhanen (المشاركة 90903)

ميرسي علي مجاملاتك اللطيفه ( شكلي كده هتغر في نفسي ههههههههههههه )
ارفع العربيه في بنزنه معروفه زي ما وصيتك و لو الراجل قال تمام علي العفشه و الشاسيه يبقي توكل علي الله و تاكد من رخصه العربيه و رقم الماتور و الشاسيه كويس جدا و لو كله تمام التمام حاول تنزل معاه ل 42000 جنيه و ربنا يجعلهالك الخير ليك ان شاء الله

رد: السيارات الجديده في مصر

اين اسئله اليوم ؟؟؟؟؟؟؟؟؟