|
|
رد: إوعى حد يخش الموضوع دة علشان صاحبه زهقان
كل عام وأنت بخير وصحة وسعادة وراحة بال وأستقرار وأعاد الله عليك وعلينا رمضان بكل خير وبلغنا الصيام والقيام فيه نصيحة من أخ عندما يضيق صدرك ... أذكر الله الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ أما بالنسبة للحيرة اللى أنت فيها فسببها كثرة المعروض وتنوع المزايا وممكن تدخل الموضوع ده وتجاوب على الأسئلة حتوصل إن شاء الله لنتيجة على الرابط التالى http://www.masrmotors.com/vb/showthread.php?t=28508 أو موضوعك الأكثر من رائع على الرابط التالى http://www.masrmotors.com/vb/showthread.php?t=29000 وأدعوا الله أن يهديك لما هو خير لك |
رد: إوعى حد يخش الموضوع دة علشان صاحبه زهقان
اقتباس:
و بلا مبالغة أشعر أنك من أقرب الناس إلي في هذا المنتدى الرائع ( بدون مجاملة و الله ) فعلا و الله لا يوجد أفضل من ذكر الله و جزاك الله خيرا على هذه التذكرة الجميلة و كمان الموضوع بتاعك دة أكتر من رائع بس مش عارف ماحدش تجاوب معاه ليه .. المهم المشكلة عندي مش في الحيرة في اختيار العربية و لكن التفكير الكثير و السابق لأوانه + عدم ثبات السوق أو وجود أي تصور أو توقع له مستقبلا يعني مثلا اخد قرار ( الكورولا يعني الكورولا) و بعدين أقول لما أوفر و أجيب السيراتو طب و مالها الكروز ماهي جميلة برضو طب ليه ماتفركش في الكارينز طب هي الصني وحشة أوي يعني طب أخبار الهوندا سيفيك إيه طب ما تيجي نتنازل عن الأوتماتيك و نقايس في الفانتازيا و هلم جرا.... يعني كل يوم برأي لدرجة إن مراتي كل ما أفتح معاها سيرة العربية تسد ودانها و تقولي كفاية تفكير بقى دة الموضوع لسة بدري عليه أنا مش عارف أدور على معلومات و أسأل الناس أكتر من كدة ولا أستنى شوية لحد ما يقرب ميعاد الشراء المشكلة إن الموضوع واخد جزء كبير من تفكيري و أنا شايف إن فيه حاجات أولى إن الواحد يفكر فيها معلش زهقتك معايا , و شكرا على وقتك |
رد: إوعى حد يخش الموضوع دة علشان صاحبه زهقان
ياعم م تشكيلنا همك ايه المشكلة اومال احنا هنا اخواتك ازاى ؟؟؟؟؟
وعلى رأى شيخنا الشيخ كشك اذا ضاقت بك الدنيا فقل يا الله اكثر من قول لاحول ولاقوة الا بالله وكل سنة وانت طيب |
رد: إوعى حد يخش الموضوع دة علشان صاحبه زهقان
ربنا يفك ضيقتك يا استاذ علي
انا بقي علي عكسك تماما لما بكون مضايق و ما اكثر هذه الاوقات بلجأ للمنتدي و اقعد فيه اشوف كلامك و كلام احمد فاروق و احمد بدر و كورسير و بدر بسيوني و ابو نورا و حازم شاهين و و و و و و و كل حبايبي هنا و بنسي معاهم الدنيا حتي لو ما اتكلمتش في مشاكل ولا اتكلمت في ايه اللي مضايقني جرب تحب المنتدي من قلبك حتلاقيه المكان الوحيد اللي تقعد فيه مع صحابك و حبايبك:) |
رد: إوعى حد يخش الموضوع دة علشان صاحبه زهقان
جزاكم الله خيرا على هذه المشاعر النبيلة
أنا قربت أعيط :) ( باهزر طبعا ) المشكلة يا جماعة إن ماحدش فاهمني بالضبط لحد دلوقني أنا مش شايل هموم الدنيا على كتفي زي مانتو فكرين ولا شايل طاجن ستي زي مابيقولو ( مع انو طعمه حلو جدا :) ) ولا برضه باشتكي من المنتدى أنا بس حاسس إن دماغي ولعت من كتر التفكير في موضوع سابق لأوانه و اتعقدت من أوضاع السوق في مصر ( طبعا السيارات و غيره ) و حاسس إن ذهني مشتت شوية ( يمكن يكون من أثر السهر طول الليل في الشغل ) انتم لو مكاني تعملوا إيه؟ تكملوا تفكير و بحث ولا تكبروا دماغكم خالص لحد ما ييجي وقتها ( بس لو كبرت دماغي ممكن يقل نشاطي شوية في المنتدى ) و بالمناسبة , ممكن أغيب عنكم 4 أيام راحة ورديتي في الشغل لأني معنديش نت في البيت ( لسة موصلتش للدرجة دي من التكنولوجيا :) ) بس إوعوا تفتكروا إني انتحرت واللا حاجة :) :) |
رد: إوعى حد يخش الموضوع دة علشان صاحبه زهقان
كل سنه وانت طيب ياعلوه معلش لسه شايف رسالتك دلوقتى
انا كنت زيك برضه فى كتر التفكير قبل ماغير عربيتى وبرضه مراتى زهقت منى من كتر التفكير فيه بس سيبك انت الموضوع بييجى بفايده فى الاخر اه والله وانا زى حازم كده بفك همومى هنا فى المنتدى ومره تانيه كل سنه وانت واهل بيتك طيبين بمناسبه الشهر الكريم اللى على الابواب ومتغيبش علينا كتير و have a nice shift |
رد: حوار بين تيته وحفيدتها سنه 2100
اقتباس:
|
| الساعة الآن 01:36 AM. |
|
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017