رد: جميع استفسارات دايهاتسو ( تريوس - شاريد وجميع الموديلات)
 

في مساعدين للشاريد 2007 زيت على غاز أمامي ؟

رد: جميع استفسارات دايهاتسو ( تريوس - شاريد وجميع الموديلات)
 

الأحبة ، أمامى عربية وليس لى خبرة بهم وعايز أعرف رأيكم...
س1 كنت عايز أعرف سعر عربية دايهاتسو سيريون موديل 2001 أتوماتيك تعمل كام لو مش هيتصرف عليها حاجة؟
ولو هيتصرف عليها تغيير زجاج السيارة الأمامى وخبطتين سمكرة ودوكو؟
س2 البعض يحذرنى من السيارة بسبب ندرة قطع غيارها وغلو سعرها ، والبعض يشجعنى لأن قطع غيارها معمرة... فما رأيكم وما حل هذا الإشكال؟

رد: جميع استفسارات دايهاتسو ( تريوس - شاريد وجميع الموديلات)
 

السلام عليكم
ارجو افادتى ضرورى بموضوع هام
شوفت عربيه تريوس موديل 2000 اوتوماتيك للبيع
العربيه لسا مغيرة فتيس و موتور استيراد العربيه بها زجاج كهربا امامى و انزار و سنتر و بها خبطه (ممكن نسميها طقرة) بسيطه ورا يمين وكمان تجريحه بسيطه جانب الباب الايمن
اولا: هل تغيير موتور وفتيس دا عيب ولا بنعتبر دا كويس لان الاستيراد هيبقى حالته احسن من موتور مشى كتير وهل تغيير الفتيس برده عيب ولا ميزة؟؟؟؟؟؟؟؟؟؟؟؟؟؟؟
العربيه دى تساوى كام لو لسا الموتور ما اتسبتش على الرخصه؟ وتساوى كام لو اتسبت؟؟؟

رد: جميع استفسارات دايهاتسو ( تريوس - شاريد وجميع الموديلات)
 

السلام عليكم يا اصدقائى الاعزاء اريد مساعدتكم فى الموضوع التالى بخصوص تيريوس 2000 لسه شاريها من شهر:
1. صوت العربيه عالى مع انى روحت للمهندس سيد الفراش وقالى محتاجه كلاتش للمروحه وغيرته فعلا لكن صوتها مش كويس
2. سحبها من السكون اى من الوقوف تماما الى الحركه وبالاخص فى مطالع الكبارى بطىء جدا بحس انى انا بدوس بنزين كتير والحركه قليل وفى الوقت ده بسمع صوت شخلله غريبه مش عارف من الموتور ولا الشكمان ولكن على الطرق السريعه بتجرى كويس لحد 120
3. يوجد زيت كتير تحت كارتيره الزيت مغرق الشاسيه تحت الكارتيره مباشر ولما بعدى سرعة 80 لمبة الزيت تضئ اضاءة خافته وتختفى واحيانا تسبت علما بان الحراره مش بتزيد لانى كل شويه بشوف منسوب الزيت وازوده لو نقص وريت العربيه لميكانيكى جنبى فى التجمع قالى محتاجه تغير جوان جوان كارتيره واولسى كرانك ومن الافضل نغير طقم جوانات كامل للموتور طالما هنخرجه علشان اولسيهات الكرانك ماعدا طبعا جوان وش سلندر لن يتغير
وقالى محتاجه نغير لها سيور وبوجيهات وفلتر زيت وبنزين وهواء ومحتاجه نظبط لها تاكيهات
3. العربيه استهلاكها للبنزين داخل القاهره 370 كيلو متر /40 لتر وفى السفر على الصحراوى حوالى 390 او 400 كيلو متر / 40 لتر استهلاكها ليه عالى مع انها 1300 سى سى
4. الدفع الرباعى بتاعها لما بشغله بتظهر لمبه فى التابلوه انه شغال بس بحس انى العرببه مش طبيعيه او مش شغال اساسا والمبه وهميه لما قولت للميكانيكى الى جنبى قالى لما نظبط الحاجات الى فى العربيه فى الاخر نشوفه وهل الكرونه الاماميه والخلفيه بتتزود زيت او شحم
5. لما باخد مطب هواء على الطريق العجلتين الى قدام بيعدوا عادى لكن العجلتين الى ورا بحس بخبطه كأن العربيه فيها حاجه خبطت فى الارض
ارجو الافاده يا اصدقائى الاعزاء لانى متشائم شويه ونفسى افرح بالعربيه لانى لسه شاريها وهل بعد ما اغير الحاجات الى الميكانيكى قالى غيرها العربيه هتتظبط ولا ايه
ياريت الى عنده فكره او خبره فى العربيه دى يساعدنى
وياريت حد يقولى اسعار الحاجات دى كام تقريبا واشتريها من اى محل وهى كالاتى:
طقم جوانات كامل للموتور اصلى
طقم سيور كامل ( سير كاتينه بالبلى _ سير باور _ سير دينامو )
فلتر بنزين
فلتر زيت
فلتر هواء
طقم بوجيهات 2 شمعه

رد: جميع استفسارات دايهاتسو ( تريوس - شاريد وجميع الموديلات)
 

السلام عليكم
كنت عايز استفسر عن الدايهاتسو ماتيريا
هل العربية دي كويسة بصفة عامة؟
وقطع غيارها متوفرة فين؟
وهل قطع غيارها غالية ولا في المتناول؟

جزاكم الله خيرا