مصر موتورز مجتمع السيارات - محتار بين عربيتين زيرو او مستعمل ومش عارف تجيب ايه ادخل وانا هقرنلك مبينهم مقارنه شامله صور واسعار ومواصفات ورايي الشخصى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: محتار بين عربيتين زيرو او مستعمل ومش عارف تجيب ايه ادخل وانا هقرنلك مبينهم مقارنه شامله صور واسعار ومواصفات ورايي الشخصى

متشكرين جدا ع الموضوع الجامد ده :GROWIN~12:
أولا انا معايا م الاخر 45 الف وده طبعا يعني ان مش بفكر في جديد لاني مش حمل القسط
وكنت محتار بين لانوس & اسبيرانزا 516 & بي واي دي اف 3
بس انا عرفت ان البي واي دي مستعمل غالي عليا يعني ميبقاش قدامي اسبيرانزا او لانوس
فانا عاوز اعرف راي سيادتك اجيب ايه ؟
مع العلم اني محتاج عربية اقتصادية في قطع الغيار و التصليح والارتفاع عن الأرض وتكون واسعة واهم شيء سعر اعادة البيع متنزلش كتير عارف اني طولت على حضرتك بس ده العشم.
ومستني رد سيادتك

اقتباس:

المشاركة الأصلية كتبت بواسطة محمد اشرف (المشاركة 706446)

100 100 الكلام ده ماشى يا باشا

-----------------------------------------------------------------------------------------

1- هيونداى النترا 2010 اتوماتيك ناقل أوتوماتيك
تكييف
سنتر لوك
باور ستيرنج
4 باب
نظام EBD
نظام ABS
فتحة سقف وممكن تلاقيها وممكن لا
زجاج كهربائية
وسادة هوائية

----------------------------------------------------------------------------------------

2- شيفورليه اوبترا 2011

ناقل أوتوماتيك
تكييف
سنتر لوك
باور ستيرنج
4 باب
زجاج كهربائية

بس للاسف مفهاش abs

------------------------------------------------------------------------
3- نيسان صنى 2010

ناقل أوتوماتيك
تكييف
سنتر لوك
باور ستيرنج
4 باب
نظام ABS
زجاج كهربائية
وسادة هوائي

----------------------------------------------------------------------------
4- ممكن كيا سيراتو 2010 بس لو الكماليات الى انتا عيزها ممكن تلاقى ب 90000 بس نادر انك هتلاقى السعر ده الا باعجوبه
ناقل أوتوماتيك
تكييف
سنتر لوك
باور ستيرنج
4 باب
فتحة سقف
زجاج كهربائية
وسادة هوائية

------------------------------------------------------------------------------------------------

رايي هما كلهم حلوين بس لو انا مكانك هستبعد الاوبترا وطبعا احلى وحده فيهم السيراتو بس انتا ممكن متلقيش بسهوله المواصفات دى فمنحطش عليها الامل يعنى دلوقتى مفيش غير الالنترا والصنى بس عيب الالنترا مش بيفصل الاباور فى السرعات العاليه بس لو انتا بتتحكم كويس فى الدركسيون مش مشكله اما الصنى حلوه جدا لسبب انك هتلاقى كل حجتها فى السوق وكل قطع غيارها منتشره جدا فانا ارشحلك الصنى لانها هيكون فيها كل الى انتا عيزه

السلام عليكم
شكرا للأهتمام والرد
الصينى عربيه كويسه بس في اعادة البيع مش كويسه واستهلاكها عالى في البنزين
كان امامى سيراتو 2011 هاي لاين بصمه ودهان الفبريكا ما عدا رفرف و كانت تخلص ب 85000 وفعلا اتباعة بكده بس لم اشتريها لأن صاحبها كان مزنوق في فلوس وانا لا أحب الشراء من واحد مزنوق
ان شاء الله اشتري الهيونداي قريبا

:Wkiss5::Wkiss5:

والله المستعان

اقتباس:

المشاركة الأصلية كتبت بواسطة مشمش1 (المشاركة 706630)

تكون اخترت صح وشكرا جدا على ردك :Wkiss5:

اقتباس:

المشاركة الأصلية كتبت بواسطة medori (المشاركة 691246)

Thanks Mohamed for the nice topic and for the obvious and continuous effort
I have about 45,000 LE and want to buy a good used car and I am extremely confused between the Opel Corsa and the Volks Pointer

In your opinion which one is better and should I consider the other cars in this range like the Clio or the Daweoo lanos II or these 2 cars are better?

اولا شكرا جدا على ردك الجميل ثانيا انا رايي الدايو لانوس2 هى البوينتر الصراحه حلوه واحسن طبعا طبعا من الكورسا بس الدايو لانوس ممكن تلاقى قطع غيارها بسهوله + انها عربيه جميله فانا انصحك بالدايو لانوس2

اقتباس:

المشاركة الأصلية كتبت بواسطة danoora (المشاركة 692113)

لو سمحت معلهش عندي سؤال اللوجان 2010احسن و اللا البروتون موديل في نفس فئتها باستثناء كون البروتون افضلها اوتوماتيك وفين اقدر الاقي في اسكندرية
وربنا يجعله في ميزان حسناتك

البروتون طبعا احسن اما على حكاية القيها فين ففى فى مواقع بيع السيارات فى اختيار المحافظه اختار اسكندريه ثم بروتون هتلاقى العربيه الى انتا عايزها ان شاء الله:THE_PR~18: