رد: Bolbolan يطلب المساعده فى التفكير لشراء....
 

يا دكتور ماهو برضه حضرتك مش موضح وجهة نظرك في الموضوع بالظبط
يعني مثلا الاقتراح اللي حضرتك وضعته ده سببه ايه؟؟
علشان السيراتو غالية؟...ولا عشان ما تبعش الكورولا(عزيزة عليك مثلا)....ولا الأكسنت عاجباك؟

متهيألي لو السبب مش تمسكك بالكورولا يبقى الاقتراح بتاعي كويس جدا....طالما فكرت في ما هو أقل من السيراتو يبقى لازم لازم لازم تشوف الصني وخصوصا ان عليها عرض اليومين دول لغاية آخر يونيه
يعني العربية اللي بقولك عليها ب 93 ألف هي أصلا ب 96 ألف قبل الخصم(3 ألاف جنيه)
الفرق بينها وبين الأكسنت أكبر بكتير قوي من ال 10 ألاف اللي ممكن توفرهم لو جبت الأكسنت

_أما بالنسبة للأسبرانزا والله لسه لغاية دلوقت ما مشيتش بيها يجي كيلومتر واحد
في مشكلة في الترخيص (رقم الشاسيه لم يعتمد في المرور)

رد: Bolbolan يطلب المساعده فى التفكير لشراء....
 

اول فئه في السيراتو اوتوماتيك ب 109 الف تقريبا و بالتالي تفرق عن الاكسنت 25 الف بس ...
وحتى لو بالحجز ممكن حضرتك تجيبها من اي معرض زياده الفين تلاته بالكتير ..واللون اللي يعجبك .. توتو على كبوتو ...
متهيألي الفرق كده مش كبير اوي طالما حضرتك مش مهتم بال ABS والجنوط ال 17 و الفرش الجلد و الستارت كي و فتحه السقف والنواكل و الطاره المالتي والتكييف التاتش والباركينج سنسور
ده غير الايرباج للراكب الامامي ( اقول للحاجه عليك دلوقتي) ... ptmnlo123per193
(ربنا يخليهالكم و يخليك للاولاد )

ده غير طبعا الفرق بين السيراتو و الاكسنت ... الموتور (هورس باور و عزم ) و فرق الفئه و الحجم (شنطه و صالون ) و التصميم الجديد و الفتيس الترونيك ptmnlo123per1106
لو فرق السعر مش حيأثر على حاجه تانيه اهم ..
تبقى السيراتو

سيراتو يا دوك ... سيرااااااتو ... والهاي لاين كمان ptmnlo123per1105

رد: Bolbolan يطلب المساعده فى التفكير لشراء....
 

هههههههههههههههههههههه
هههههههههههههههههههههه
هههههههههههههههههههههه

أنا حعيط من الضحك والله :)

رد: Bolbolan يطلب المساعده فى التفكير لشراء....
 

المشاركة الأصلية كتبت بواسطة sam ram http://www.masrmotors.com/vb/rmdan-2...s/viewpost.gif
ده غير الايرباج للراكب الامامي ( اقول للحاجه عليك دلوقتي) ...


تصدق ان هم اللى موش عاوزين السيراتو ! و بعدين بيفهموا فى العربيات أجدع من بعضهم !

و هم موش من أنصار الايرباج لسبب وجيه ! لآنه لو ضرب لسبب موش خطير ح تضطر تغير التابلوه ! ptmnlo123per111

أنا حعيط من الضحك والله ( د/ درش )


طب أنا عاوزك تضحك بصوت جامد قوى لغاية لما ترخص الصينى ! ههههاههههااااااه

بقى بعد كل المجهود ده و ماركبتهاش؟ يعن ( اذالقينا الخرابه ما نلاقيش العفريت) و ( اذا لقينا العفريت

ما نلاقيش الخرابه ) هههاهها


أخوكم الكبير شويه صغيره / Dr .Bolbolan ptmnlo123per1127

رد: Bolbolan يطلب المساعده فى التفكير لشراء....
 

طالما السيراتو مش جايه على الهوى (المزاج ) يبقى توفير القرشينات احسن ...
وكله بيضرب كلااكس
والاكسنت مسمعتش عن اي حد اشتكى منها ..
حتى موضوع الباور الكهربا اتحل خلاص ....
احسن حل يا دكتور تنزلو بربطه المعلم تتفرجو على الاتنين في نفس اليوم ... و اللي تستريحو ليها فيهم ... استخيروا ربنا و توكلو عليه ...

ومبروك مقدما

رد: Bolbolan يطلب المساعده فى التفكير لشراء....
 

طبعآ سام رام ( الشهير ب سانجام ) ضرب كرسى فى الكلوب و قفل باب المناقشه !

و بلاش وجع دماغ انت وهو وهى وانزلوا اتفرجوا على العربيات ! ptmnlo123per144

طب ايه رأيك بقه ح أدخل سياره تالته ( بس المره دى آخر كلام ) و هى الشيقروليه كروز !

يبقى المفاضله بين النيوسيراتو و الشيفروليه كروز ( السعر واحد تقريبآ ) و بين النيوأكسنت ( طبعآ أقل )

بس فيه فرق 45000 ج ! و مثل طريقة عادل امام فى فيلم حسن و مرقص ( هوه الدين بيقول ايه ؟؟ ) ح يكون السؤال هنا هو

( هوه العقل بيقول اييييييييه ؟؟ ) ptmnlo123per1106 Dr. Bolbolan ptmnlo123per1127

رد: Bolbolan يطلب المساعده فى التفكير لشراء....
 

و الله العظيم هاموت من الضحك عليكوا و الله

عموما شوف يا دكتور انتوا قررتوا على ايه و ابقى بلغنى لعل و عسى اقدر اجيبلك سعر كويس فيهم مدام هاتشترى من نعارض

خلينى اطلع من وراك مصلحه بقى

عاوز اتجوز يا جدعان