رد: JAC B 15
 

واضح انك واخد موقف من B class لدرجة واضحة جدا في مشاركاتك الخاصة بالعربية ديه !!
وبصراحة معرفش ليه هل موقف شخصي و يمكن عشان صيني !!
مع ان في بعض مشاركاتك بتشكر في اسبيرانزا مثال التيجو والخ !!
وانا اعتقد ان B class تتفوق على اسبيرانزا في جودة الخامات والشكل وهذا بشهادة كل من شاف العربية وجربها وليس هذا هجوم على الاسبيرانزا ولكن لمعرفة سبب اعتراضك على B class أو jac عموما !!؟؟
وفي النهاية نشكر اهتمامك و ودقة ملاحظاتك واهم حاجة نسمع منك الف مبروك , ربنا يبارك لكم فيها , اي حاجة تفرحنا كده

رد: JAC B 15
 

ازيك استاذ تيمو
اخبار العربية معاك اية عاملة كام كيلو؟
ربنا يباركلك فيها يارب

رد: JAC B 15
 

ياريت حضرتك تركب السيراتوا والكارينز وتدفع ما لا يقل عن 30000 زيادة فلسعر
لكن احنا الحمد الله مقتنعين بالعربية واحنا ملاكها يعنى احنا الى بنركب يعنى احنا الى بنجرب
وادام احنا مقتنعين يبقى ملوش داعى كلام حضرتك عن الجاك بلذات مع انى متأكد مليون المية انك مركبتهاش
عموما الموضوع واضح للجميع ومحدش بيضرب حد على ايدة انة يجيب عربية صينى
فى سعر وفى امكانيات وموتور وكل شئ وكل واحد يقرر
حضرتك معاك فلوس السيراتنوا والكارنز هاتها وربنا يباركلك فيها
احنا بقى مش معانا فجبنا صينى جاك بكماليات السيراتو وبتصميم ايطالى وموتور متسوبيشى وبسعر اقل من السيراتو 40000 وربنا يباركلنا بردو
وعلى فكرة انا لو معايا فلوس السيراتوا كنت هجيبها
لكن نفسى اعرف اية سبب الهجوم الغير مبرر على الجاك بلذات

يلا ما علينا

رد: JAC B 15
 

الحمد لله وسلامي لك
العربية عاملة 750 ك لاني سافرت خارج مصر حوالي 6 ايام
ولكن العربية ما شاء الله وحول ولا قوة الا بالله خطيرة بمعنى الكلمة رفاهية عالية جدا وماتور وعفشه فوق الممتازة وصالون فخم بشكله وخاماته وشكلها الخارجي طبعا بدون نقاش
ولكن المشكلة واعتبرها مشكله جميلة ان طول ما انا ماشي بالعربية كل شوية حد يوقفني ويتفرج على العربية ويسأل عن وكيلها وسعرها لدرجة ان وجود الاولاد معي في العربية لا يمنعهم من السؤال ولكن كل هذا لا يضايقني لكن الغريب ان مره واحد قال لي ممكن اسوقها ولكني اعتزرت له بطريقه كويسه .
ودعواتي لك وكل من يمتلكها والجميع التوفيق

رد: JAC B 15
 

مبروك لكل من اقتنى السيارة وانا لم اقل انها سيئة ولكن من التسرع تقييم السيارة لان الوقت لازال مبكر ومعظم كلام الناس على الخامات والديكور والتصميم وهو عمليا لا يعنى شىء مطلقا فى اداء السيارة المهم مبروك لكل من اقتنى السيارة وربنا يبارك له فيها ان شاء الله تعالى
لكن ياريت منعملش دعاية لعاية ما على الاقل يحصل تشغيل تجريبى للسيارة دة واجبى انى اكون منصف وحيادى وانا مش مع الاسبرانزا لسة مليانة عيوب تقفيل وتجميع وجودة خامات الخ اتمنى من الجميع انة يفهم وجهة نظرى والا مش اشارك تانى فى موضوعات مماثله لان ما ينفعش حد يصادر مداخلتى او يرغمنى انى اكون منبهر بشىء له علاقة بديكور او اكسسوارات واللى قال انى ما ركبتش العربية فعلا لم اجرب السيارة فى القيادة لكنى تقريبا من اول الناس اللى راح اتفرج على العربية ولم اتردد خلال دقيقة انى اعرف مستوى تشطيب السيارة
حتى يا جماعة الناس اللى بتقول ان جاك قوية فى مجال السيارات التجارية يعنى النقل الثقيل والخفيف والمتوسط برضة دة كلام مش صح معلش مع احترامى لارائكم ازاى ممكن تعرف العربية النقل دى قوى وممتازة وفعاله الا من خلال المشاريع الجبارة والكبيرة زى البنية الاساسية وشركات البترول ده برضة كلام نسبيى يعنى هى فعلا سيارات ذات اداء جيد ومقبول لكن لازال امامها الكثير لتصل لمستوى المان والداف والفولفو والسكانيا والرينو والاسترا والمرسيدس معلش لو عايزن تتكلموا عن السيارات التجارى فهى ضمن مجال عملى مع احترامى للكل لكن ياريت ما نعملش مقارنة او نقييم سيارات واحنا مبسوطين من شكلها المتأهب او تصميمها على فكرة انا بحترم جميع الاراء واشخاصكم ووجهات نظركم وعلى راسى من فوق لكن بشكل احترافى طبعا لازم اكون حيادى وموضوعى ومش اندفاعى وعلى فكرة اللى يركز فى كلامى كويس سوف يجد انى لم اقل ان السيارة رديئة او سيئة او غير مقبوله واتحدى بدون قص سطر او كلمتين من وسط الكلام ولصقة مع الرد لكنى قلت ربما جميله وشيك ومواصفات لكن لازال امامها الكثير اليس كذلك وشكرا لكم ومنتظر تقييمكم للسيارة بعد فترة كافية مش بعد مشوار 700 كيلو او 2000 كيلو شكرا جزيلا احبائى اعضاء ومشرفين ومتصفحيين مصر موتورز الاعزاء على سعة صدركم والتفاعل الايجابى والروح الديمقرطية لاننا كلنا هنا هدفنا تبيان الحقيقة واننا نأخذ مقابل ما دفعنا واننا لسنا مخدوعين ويجب لوم الصانع والوكيل ومحاربتهم لو تبين عكس ذلك خالص امنياتى لكل الاعضاء بان تكون سيارتهم كما يجب ان تكون ودمتم بود

رد: JAC B 15
 

اتفق معاك 100 % 100%

رد: JAC B 15
 

انا امبارح يا استاذ تيمو جاى اركن العربية جة واحد ومراتة وقفونى ساعة الا ربع يسألو
طبعا دة غير ان عين الناس معاك كل ما تتحرك لان شكلها لسة جديد خالص
ربنا يباركلك وبيارك لكل الى اشترى