مصر موتورز مجتمع السيارات - انا قررت انى هسيب المنتدى وده اخر كلام

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - انا قررت انى هسيب المنتدى وده اخر كلام (https://www.masrmotors.com/vb/showthread.php?t=97207)

رد: انا قررت انى هسيب المنتدى وده اخر كلام

ربنا يكرمك ويوفقك وتنول إللى تتمناه ........بجد هتوحشنا كتييييييير

رد: انا قررت انى هسيب المنتدى وده اخر كلام

مش حقولك زي كل اللي بيقولوا حتوحشنا
بس حاقولك كلمتين
أولا : ربنا يوفقك
ثانيا : مش حاتقدر تسيب المنتدى و حافكرك :fun_36_1_39[1]:

رد: انا قررت انى هسيب المنتدى وده اخر كلام

والله يا يحي المنتدى هيفرق كتيير اوى من غيرك انت بقيت جزء لا يتجزء من المنتدى بس ف الاول والاخر مستقبلك اولى بس لو قعدت ع النت هتدخل المنتدى وهتشوف يا معلم

تقبل تحياتى

رد: انا قررت انى هسيب المنتدى وده اخر كلام

فى ناس كتير انا شوفتها على مدى السنين اللى فاتت بتتعلق بمصرموتورز الى حد الادمان
من كل الاعمار من شباب الى شيوخ يصحى الصبح على المنتدى وينام على المنتدى
ديه حاجة اكيد تشرفنا ونعتز بيها ونقدرها
لكن منفرحش ابداً بيها لو على حساب حياة اعضائنا الشخصية ومستقبلهم
والكلام ينطبق طبعاً على كل مواقع التواصل الاجتماعى

انا اؤيدك انك تعمل وقفة مع نفسك لفترة كافيه تخلى فيها تركيزك اكتر للمزاكرة ومستقبلك وبعدها اكيد هتلاقى نفسك مابين كل وقت والتانى عايز تشوف الموقع وتطمن على الناس وساعتها ده مش هيعطلك كتير فى اوقات الاجازات مثلاً

ربنا يوفقك يارب وتاكد مكانك محفوظ حتى لو رجعتلنا بعد الدكتوراه
:01FDAB~189:

رد: انا قررت انى هسيب المنتدى وده اخر كلام

عاوز اؤلك كلمة غير هاتوحشنى بس
فعلا
والله هاتوحشنى وبتمنى انى اشوف ابنى الصغير زيك كدة

رد: انا قررت انى هسيب المنتدى وده اخر كلام

اقتباس:

المشاركة الأصلية كتبت بواسطة yahiaashraf (المشاركة 755845)

بسم الله الرحمن الرحيم
************************* ***

طبعا العنوان يخض

وانتم هتفتكروا انى بهزر

بس الحقيقه انى فعلا قررت انى هسيب المنتدى
بسبب ظروف الثانويه العامه

ان شاء الله هسيب المنتدى لمدة سنتين

واللى هى فترة تانيه ثانوى و تالته ثانوى

علشان انتم عارفين انا هاوى لحاجه اسمها سيارات
ومصر موتورز
ودايما فى بالى

فانا عاوز انساهم لمدة سنتين

لان السنتين دول هما مستقبلى

وبعدين ارجعلكم تانى بمشيئة الله

وان شاء الله ابقى طلعت رخصه
ومعايا عربيه بمشيئة الله

بالنسبه للاجازات اخر السنه و نص السنه
انا مش هعرف ادخل فيهم

نص السنه
بالنسبالى مش هتعتبر اجازه لانى هبقى شغال دروس
واخر السنه هيبقى عندى شهر بس اجازه و الباقى هبقى شغال دروس

بس ممكن ابقى ادخل فى الشهر الاجازه ده فى 2013

وان شاء الله هرجع فى شهر 7 سنة 2014

اكون خلصت من الثانويه
وابقى فضيتلكم بقى

بالنسبه لعضوية لجنة الشكاوى
اعلن تنازلى عنها نظرا للظروف اللى انا اتكلمت عليها

بالنسبه لموضوع ( رابطة قول معاك كام و انا اقولك تجيب ايه بفلوسك )

و موضوع
رابطة تسعير السيارات المستعمله

انا هطلب من استاذ ابو نورا يقفلهم
ويتكتب فى مشاركه فى الموضوع
انه مغلق للفتره اللى انا حددتها

لان لو اتساب مفتوح
الطلبات هتتراكم عليا لمدة سنتين

ومش هينفع
طبعا

واللى بيطلب مش معقوله هستنى سنتين

ان شاء الله
اخر يوم ليا معاكم
يوم السبت اللى جاى
وقبل ما همشى
هكتب فى الموضوع هنا
اخر مشاركه ليا و هى انى خلاص همشى

بالنسبه لعضوية لجنة الشكاوى زى ما قولت
اعلن تنازلى عنها
لكنى مستمر فيها حتى يوم السبت القادم

لو عاوزنى ارشح حد يبقى بدالى فى الفتره دى
وحتى الانتخابات القادمه انا معنديش مشاكل

لو الاداره هى اللى عاوزه تختار
مفيش مشاكل

**********************

انا عارف ان القرار صعب جدا
وناس هتقول
مش هتقدر تبعد عن النت لمدة سنتين

بس انا اقول انى عندى الاراده انى اعمل كده
وجاد جدا

وكله فى سبيل تحقيق حلمى و هو انى ادخل هندسه

اقسملكم بالله هتوحشونى يا اجمل اعضاء و اجمل منتدى فى الدنيا

ومش عارف هعيش من غيركم ازاى

ادعولى بقى ربنا يوفقنى و اجيب مجموع كويس
ويدخلنى كليه هندسه جامعة اسكندريه بمشيئة الله

تحياتى

ربنا يوفقك يا يحى وتدخل ان شاء الله كلية الهندسة :k_crying77[1]:

رد: انا قررت انى هسيب المنتدى وده اخر كلام

اقتباس:

المشاركة الأصلية كتبت بواسطة د.كمال (المشاركة 756234)

ربنا يكرمك ويوفقك وتنول إللى تتمناه ........بجد هتوحشنا كتييييييير

هتوحشنى جدا يا دكتور و الله