المشاركة الأصلية كتبت بواسطة abdohtaby (المشاركة 733444)

ربنا كرمنا بعد شوية صبر و بفضل الله استلمت يوم الجمعة اللى فات من اوتو ايجيبت صنى 2013 فضىية اللون سوداء الفرش ........ خلاصة التجربة شوية اتصالات و نأخيير ميعاد التسليم حوالى اسبوعين بس .... يعنى ماشى الحال .
أنا حجزت فى 25 يونيو و استلمت 3 أغسطس يعنى حوالى شهر و نص ..... حاجة لوز أهوه

العربية بفضل الله زى الفل وأنا معجب بيها أكتر كحل لمشاكل النيسان القديمة والناس فى اوتو ايجيبت مضغوطين من تأخير المصنع فى التوريد و استفسارات الحاجزين و الل عاوزين يحجزوا ...... بس بشكل عام مستواهم جيد و ودوديين جدا فى تعاملهم.

استلمت العربية بشنطة العدة و المانيوال و الضمان وورق المرور مع شرح مفصل وواضح للعربية.

الشكر الجزيل لكل رجالة المنتدى و خصوصا صقوره الأعزاء و خصوصا كبير الصقور أحمد باشا مصطفى اللى كان متابعنى من ايام ما كنت بفكر فى الليفينا

العربية عجبت كل العيلة ،و ابن اختى قللى دى مديه على باسات شوية !!!!! قلتله من بقك لباب السما.

متابع معاكم بقى أول بأول أى حاجة جديدة و ربنا يبعد عنا التخبيط و التزييق و كافة عيوب الصناعة.

لو فى اى نصايح من الأخوة الأعزاء أرجو سرعة المشاركة لأن دى أول عربية .

محتاج رأيكم .... أغير الفرش دلوقتى علطول ولا استنى شوية ؟؟؟

تحياتى للجميع و دعواتى للحاجزين انهم يستلموا بأسرع ما يمكن و ان ربنا يهون عليهم فترة الانتظار

فى أمان الله
<center> <ins style="display:inline-table;border:none;height: 90px;margin:0;padding:0;p osition:relative;visibili ty:visible;width:728px">< ins id="aswift_1_anchor" style="display:block;bord er:none;height:90px;margi n:0;padding:0;position:re lative;visibility:visible ;width:728px">

منقووووووووووووول
</ins></ins> </center>