|
رد: قصة الرجل الذي تسلل تحت منصة عبدالناصر
اقتباس:
ونتعلم كمان ان فيه فرق بين الاخطاء والكوارث والخسائر والنكسات انت عايز تعتبر نكسه بلد وهزيمتها وموت الاف من ابنائها وفقدان قوام جيشها الاكبر والاهم (مجرد غلطة) ديه كارثة ولو كنا بلد محترمة كنا فورنا الطقم كله من اول عبد الناصر لاصغر وزير ويتحاسبو كلهم كل حسب مسئوليته لكن هما اتامرو على عبد الحكيم عامر زميل عمرهم وقتلوه وشيلوه المسئولية كلها وهل معنى كلامك ان واحد زى مبارك يغتصب الحكم 30 سنة هو وعصابته ونقول معلش اصله بنالنا مترو الانفاق وحفرلنا نفق الازهر !!! لو على كده مسكنى انا البلد واوعدك انى هعمل اقل من 70 كارثة ومصيبة وهعملك قصادهم 700 كوبرى ونفق وسد ومبنى هو انا دافع حاجة من جيبى ولا هقوم اعمل حاجة بايدى ما الناس اللى بتدفع والناس اللى بتعمر متزعلش من كلامى يا باشا بس صدقنى اللى بقولك عليه ده هو اللى بيعمل شعب فاهم وعارف حقوقة وواجباته من اول عامل النظافة لحد رئيس الجمهورية لكن النظام اللى بتقول عليه ده دعوة فشل للجميع وعمرها ما هتعمل بلد محترمة ولا موظف حكومى مسئول بص طيب هقولك حاجة اسهل انت لو فاتح كشك سجاير يا اخى حتى مش هقولك محل كبير ولا شركة وموظف غلط وخسرك فلوس هتسيبه 70 غلطه هتسيبه يخسرك 70 مرة ولا حتى مرتين هتسيبة يسرقك ويورطك ويغرقك !! مستحيل طبعاً حد يعمل كده ويا يطبق الحديث اللى فى مجال العلاقات الانسانية الشخصية فى الشغل واكل العيش طب ما بالك بموظف عام قراراته واخطائه فيه موت ومصائر ناس وشعب بحاله سيبك من احنا شعب عاطفى والرئيس ده ابونا كلنا والكلام الفاشل ده كله الرئيس موظف عام زى الوزير زى المحافظ زى الغفير والحكومة ادارة عامة زى المحليات وزى الوزارات زى النقابات زى الهيئات زى شركات القطاع العام والوظائف مفهومة والادارة مفهومة نفكنا بقى من هوس الزعامات والكريزمات ونشوف حالنا ونفكر صح وعموماً سوء اتفقت معايا او اختلفنا سواء فهمتنى او اساءت فهمى اللى بقوله ده مش اختراع وجيل التغيير كله مؤمن بيه وان شاء الله مصر هتتغير للى بقولك عليه ده كله علشان الدنيا بتتقدم مبترجعش لورا :Wkiss5: |
رد: قصة الرجل الذي تسلل تحت منصة عبدالناصر
يارب الكهرباء متقطعش ل3 مره وانا بكتب الرد ده بص يابوا نوره زى ما قلتلك ده منتدك وانته حر تديره زى ما انته عايز مش هقولك ليه فى مشرفين بقلهم شهور مبيدخلوش ولا ليه 80% من اعضاء المنتدى اللى بيشاركوا حاليا كلهم منضمين للمنتدى فى 2012 وانا لما طلبت قفل النقاش فى الموضوع ده مش فشل فى ادارة الحوار ولا حاجه زى ما انته قلت ولكن لتجنب تكبير الموضوع بالشكل ده خصوصا انك بسم الله ما شاء الله كل كلمتين بقولهم بترد عليهم بصفحتيم والموضوع معدش بيظهر فى قائمة المشاركات الاخيره حتى عشان الناس تشارك معانا كانه المنتدى وعبد الناصر ام شخصى بينى وبينك وقلتلك الكلام فى التاريخ والسياسه مش هيخلص بص يابوا نوره عبد الناصر كان بطل من ابطال الفلوجه وبداء فى تاسيس حركة الظباط الاحرار من بعد رجوعهم من حرب 48 فى الفلوجه بعد ما مسك الحكم سنة 54 بعد فضيحة لفون اصدر امر بانشاء جهاز المخابرات العامه للواء فواد سراج الدين مواسس جهاز المخابرات فى عهد عبد الناصر وايضا من انجازته انته ساعد الجزائر فى حركة التحرير ضد الفرنساويين وساعد اليمنيين فى حرب التحرير ضد الانجليز وده كان السبب الرئيسى فى العدوان الثلاثى على مصر انتقاما منه ولتاميه قناة السويس وبالنسبه لبناء السد العالى عبد الناصر طلب من البنك الدولى قرض لبناء السد وبضغط من امريكا رفض البنك الدولى التمويل فلذلك كان لزم يتم تمويل بالجهود الذاتيه وساعدتنا روسيا فى بنائه وبقا مشروع مشترك بين مصر وروسيا ده اللى انته بتعبتره رشوه وبفضل السد العالى بقا عندنا اكبر بحيره صناعيه للمياه العازبه فى العالم وايامها كان السد العالى بينتج 52% من كهرباء اللى بتحتجها مصر والبنسبه للوحده بين مصر والسودان مكنش ينفع نطلب تقرير المصير واحنا دوله محتله للسودان فلذلك ادنلهم حق تقرير المصير وبعد كده طلبنا الجلاء من القوات البريطانيه عشان ننول استقللنا وبالنسبه لانه رفض ياخد رشوه من امريكا فلا هوه خد رشوه من امريكا 6 مليون وبناء بيهم برج القاهره وفى افتتاحه فضحهم وقالى فلوس بناء البرج ده رشوه من امريكا رغم احتياج البلد لكل قرش وقتها الا انه فضل يبنى بيها برج يفضل شاهد على فشلهم من اخطاء عبد الناصر حكاية عبد الحيكم عامر انه رقاه من رتبة المقدم الى رتبة اللواء مره واحده وده افقده التدرج الوظيفى والخبره العسكريه لرتبة اللواء يعنى مشيلهوش الليله ولا حاجه لما خسرنا الحرب وعن الدوله البوليسيه فبرده كان بسبب عبد الحكيم عامر هوه ورجالته شمس بدران وصلاح نصر ويوسف صديق وشعراوى هما اللى كانوا بيعملوا كل ده فى غياب عن الرئيس وقت ما كان عبد الناصر مشغول فى بناء قطاع عام يشيل الدوله ونجح فى انه يبنى قطاع عام فضل مبارك يبيع فيه 30 سنه ومخلصوش ومن ضمن القطاع العام ده شركة الحديد والصلب فى حلوان ودى كانت اكبر شركه فى الشرق الاوسط للانتاج الحديد وشركة المراجل البخاريه اللى بعها مبارك كانت اكبر شركه فى وقتها وشركة اسكندريه للنحاس اللى مبارك بعها بارخص من ربع ثمنها وبناء المصانع الحربيه وبداء فى مشروع علمى مع الالمان فى برنامج لتطوير الصواريخ وبداء مع الهنود فى برنامج بناء اول طائره مصريه مقاتله من سنة 61 الى 64 وتم انجاز 5 نماذج منها منهم واحده فى متحف فى المانيا لحد دلوقتى وكان اسمها حلوان 60 يعنى الكلام عن انجازاته مش هش هيخلص بس انا مقلتش انه ملوش اخطاء بس انجازاته اكتر بكتير من اخطائه وزى ما انا قلت انك السبب فى ترك ناس كتير للمنتدى وانته شرحت وجهة نظرك واللى انا بحترمها عشان متقولش بلقح ومبلقحش هوه برده اكيد كان عنده اسبابه اللى ناس كتير وانته منهم فهموها على انها اخطاء قولى انته بقا مين الرئيس اللى عمل ربع انجازته دى فى الوطن العربى متخدش الكلام على انه امر شخصى بين وبينك انا ولا شايل ولا معبى من حد لان الحمد لله ده مش طبعى ده كان مجرد نقاش بس انته نقاشك صعب اوى يعم ارجو ان اكون شرحتلك انا ليه بحب الراجل ده ورافض فكرة تشويه كل رموزنا الوطنيه وانا كده قولة كل اللى عندى الحمد لله ورمضان كريم يابو نوره :shyy: |
رد: قصة الرجل الذي تسلل تحت منصة عبدالناصر
يا عم كومندا اهداء الله يهديك انا قولونى عصبى ومش ناقص
انت فى المشاركة اللى فاتت غير ما هاجمتنى وهاجمت المنتدى قولت ان عبد الناصر تنحى بعد العدوان الثلاثى وصححتلك المعلومة من ضمن اللى صححتهولك كتير وبرضو عامل مش واخد بالك وفى المشاركة ديه بتقول يوسف الصديق كمان كان مع عبد الحكيم عامر وشعراوى جمعة انت متاكد انك قارى الكلام ده ولا سمعته فى الراديو ولا حد حكاهولك على القهوة ولا ايه طيب والنبى فهمنى اقتباس:
مش عايز اقعد اسألك تعرف ايه ومتعرفش ايه علشان ده مش امتحان بس انت كلامك بيظهر ويمكن اكون غلطان انك متعرفش حاجة خالص !! اتعب يا باشا لنفسك واقراء الصفحة ديه من الموسوعة على الاقل http://ar.wikipedia.org/wiki/%D9%8A%...AF%D9%8A%D9%82 او اعمل سيرش فى جوجل على الرجل الذي أنقذ الثورة ودفع الثمن او اعمل بحث عن محمد نجيب أزمة فبراير ومارس عام 1954 اعمل اى حاجة بجد بس متسيبش نفسك كده وتقعد تتكلم كده انت لو بتتكلم فى العربيات كده لازم نرد عليك برضو ونعرفك غلطك وبالتالى فى السياسة والتاريخ لما نتكلم واجب نفهم ونصحح وده مش المفروض يتفهم على انه هجوم ولا تطفيش المنتدى اصلاً مفتوح لكل الناس اللى عايز يخش هيخش حتى لو مش عامل عضوية واللى عايز يشارك هيعمل عضوية جديدة ويشارك مبنسألهوش انت مين لكن اللى عايز يفتى فى موقع حوارى وعايز الناس تسقفلة وتقولة انت جامد اخر حاجة ووالا يتقمص ويمشى منقدرش نقوله غير مع السلامة عموماً يا باشا الدنيا مش قفش زى ما قولتلك افهم واقرا وبعدين ناقش هتلاقى الدنيا جميلة والحوار ثرى ومفيد للكل تهاجم وتتقمص وترمى تهم الحوار يا هيفلت يا هينتهى ومحدش هيستفيد ولا انت هتفيد حد بكام صورة وخبر انا على فكره اتمنى اعمل موقع سياسى اجتماعى متخصص بس عارف انها مش بالفتى ولا كلمتين ولا صورتين ولا خبرين احنا عايزين ان شاء الله لما نعمل حاجة تبقى موقع حوارى على مستوى ناس فاهمة وقاريه وعندها استعداد للحوار والتفاهم والتفكير والابداع والتطوير والتغيير والرصة ديه كلها ضد درس الاحياء اللى انت بتحاول تقنعنا بيه وزعلان ان حد بيعارضك او حتى يناقشك فيه استمتع يا باشا بموضوعك وصورتك واترحم على عبد الناصر وضحاياه ياريت بالمرة وبعد اذنك بس ناخد كوبى من الحوار الجميل ده بينى وبينك لموضوع اخر علشان يفضل حجة على وعليك قدام الناس على طول :Wkiss5: |
رد: قصة الرجل الذي تسلل تحت منصة عبدالناصر
انته مالك واخد كلامى كله على صدرك ليه كده ده انته حتى بتقول قولونك عصبى اهداء كده وابقا اقرا الموضوع من الاول كويس وبهدوء انا ولا هجمتك ولا هجمت المنتدى بتاعك انا وجهتلك النصيحه تقبلها او ترفضها ده شى يرجعلك اما عن التاريخ فيسيدى انا معلوماتى كلها غلط ولا تزعل نفسم خالص وادينا بنتعلم منك بس برده مقلتليش مين الحاكم العربى اللى عمل ربع انجازات الراجل اللى مش عجبك ده ولا انته مش عجبك حد خالص اتعلم تناقش اللى قدامك مش تاخد كل كلمه ليه على انها اسائه ليك وربنا يهدى الجميع |
رد: قصة الرجل الذي تسلل تحت منصة عبدالناصر
صدرى ايه ورجلى ايه بس يا راجل انت لسه ليك نفسك تتكلم تانى !!
انت عمال تخترع اتهامات سواء على شخصياً او على ادارة المنتدى عموماً ورديت عليك واثبت كذب ادعائك فى كل كلمة قولتها واتحديتك تجيب اثبات واحد على صحة كلامك وعملت نفسك مش واخد بالك وسبق بقولك اللى بيقل ادبه بنعمل ونسوى والكلام على الناس اللى بتغلط الاقيك داخل تغلط فى انا وعديتها برضو ومصمم فى كل مشاركة تدخل السياسة فى التاريخ فى انتقادات الشخصية لينا انا اللى مش فاهم انت عايز ايه دلوقتى عموماً ربنا يوفقك يا باشا بس اللى انت فشلت فيه غيرك فشل فيه قبلك وغيرك هيفشل فيه بعدك واشكرك عموماً على اتاحة الفرصة للرد على الاكاذيب ديه كلها :Wkiss5: |
رد: قصة الرجل الذي تسلل تحت منصة عبدالناصر
القافله تسير ...
بالمناسبة صحيح اخر مشاركة عن اكذوبه الاحصائيات انا قولت فيها اقتباس:
الترتيب العام على مصر 190 الترتيب العام دوليا 22,073 يعنى اتقدمنا 4 مراكز بفضل الله على مستوى مصر واكتر من 350 مركز على مستوى العالم فى اقل من اسبوع وان شاء الله من نجاح الى نجاح بفضل اعضائنا المخلصين واصحاب الابداع الحقيقى فى مصر موتورز |
رد: قصة الرجل الذي تسلل تحت منصة عبدالناصر
اقتباس:
:teaseW16: اقتباس:
تحس انهم بيتكلموا عن بلد تانيه خالص غير بلدنا اهو انته من النوعيه دى بتتكلم عن منتدى تانى خالص كل الاعضاء موجودين وكل يوم فى زياده مشرفين المنتدى موجودين مش غايبين عن المنتدى من شهور http://im16.gulfup.com/2012-08-01/1343837839471.jpg http://im16.gulfup.com/2012-08-01/1343837839232.jpg مع احترامى الشديد للناس دى عشان انته بتفهم كلامى غلط بس ترتيب المنتدى فى تقدم كل اللى بينقشك فاشل وانته المثقف المظلوم بص يبنى انته النقاش معاك حرام والله وذى ما انته اقتبست جزء من مشركتى فى الموضوع ده انا كمان هقتبس جزء من مشاركاتك فى واحد من مواضيعك مع اى حد بيختلف معاك فى الرقى اقتباس:
شفت اخلاقك عاليه ازاى وبتختار الفاظ جميله فى كلامك اقتباس:
دليل على فشلك فى ادارة الحوار بينك وبينه يا مثقف يا علامه اقتباس:
ده انته طلعت هاكر جامد اهوه قدرة تعرف من اسمه على المنتدى بتاعك الاكونت بتاعه على الفيس كده انته عرفت مين الفاشل ومين اللى مش فاشل فى نقاشه مع اعضاء المنتدى بتاعه اى منتدى ده اللى هيبقا فى تقدم وصحبه بيعامل اعضاء بالطريقه دى وبيقول الالفاظ دى وبيتعدى على خصوصياتهم افكرك بكلامك اقتباس:
اقتباس:
دى عينه من مشاركاتك مع اى عضو بتختلف معاك فى الرقى يكفينى بقا فى الموضوع ده رد الناس دى المحترمه دى اقتباس:
اقتباس:
اقتباس:
اقتباس:
اقتباس:
عشان عارف اللى هيختلف معاك هيتعمل معاه ايه يعنى من الاخر يا ننافك سعتك يا نسكت شفت طريقة حوارك وصلتنا لفين يلاه بقا متتكسفش وادينى ايقاف ذى الناس الكتير اللى اختلفت معاك قبل كده |
| الساعة الآن 09:38 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017