مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - ابيزا 99 حلوه؟؟؟ (https://www.masrmotors.com/vb/showthread.php?t=9235)

رد: ابيزا 99 حلوه؟؟؟

شكرا يامعلم على الرد السريع بس معلش هو انا لوسقط متور ممكن يحصل اضرار للعربية ومعلش ايه الخطوات اللى الواحد يعملها لما يجى يسقط متور يعنى الاحتياط وايه المطلوب انة يتجهز فى العربية لما تيجى تسقط لها متور وشكرا معلش سؤال طويل ومعلش والله انا غلست شويه هو دا سعر المتور الجديد ولا المستعمل وشكراااااااااااااا

رد: ابيزا 99 حلوه؟؟؟

السعر للمستعمل يا باشا مواتير استيراد..

الابيزا ال 94 و 99 ممكن تسقط فيها لحد 2800 سي سي اللي هو ال vr6 بدون ما الشاسيه يتضرر او اي جزء من اجزاء العربية يتضرر

الموتور هتجيبه بفتيسه بكنتروله بضفايره ده بعفشته كاملة ادام و ورا و طنابيره و كاليبراته و تيلاته و مساتره و تبيع حاجتك اللي هتطلع من عربيتك او تدخلها في الموتور اللي هتشتريه بحاجته و تقص من التمن

في ناس ممكن تقولك ال1400 بتاع ال 99 بيتسقط علي فتيس ال 1000 و ضفيرته كلام جميل ممكن تركب علي ضفيرة ال 1000 لكن متسقطش علي فتيس ال1000 و لو سقطت علي فتيس ال 1000 يبقي بلاش قرص و حرق كتير علي الفيتس عشان ميتحرقش منك انما لو عايز تبقي في الامان تسقط الموتور بكل مشتملاته عشان يبقي معاك نسخه من العربية اللي بتنزل 1400 ستوك متبقاش عربيتك مخلطه فتيس 1000 علي موتور 1400 علي عفشه 1000 كده يعني

رد: ابيزا 99 حلوه؟؟؟

الف شكرا ياباشا على المعلومات الرائعة ويارب تفضل تفيد المنتدى بمعلوماتك الرائعة وشكرااا مرة تانية.

رد: ابيزا 99 حلوه؟؟؟

لا شكر علي واجب يا باشا:)

رد: ابيزا 99 حلوه؟؟؟

شكرا محمد ابيزا

رد: ابيزا 99 حلوه؟؟؟

يا جماعة انا مش عارف اقولكم اية بجد كل الاسئلة الى اتسالت فى التوبك دة هى الاسئلة الى انا عايز اعراف اجابتها بالظبط نفس الفلوس الى معايا ونفس الاحتياجات الى انا عايزها من العربية مش عارف اشكركم كلكم ازاى دة تالت توبيك اقراة فى مصرموتورز وعرفت حاجات كتير كانت محيرانى :10FEE3~144:
بالنسبة لكبير الابيزاوية محمد باشا ابيزا يا باشا انا مش عارف اوقلك اية بجد انت راجل كفائة وزوق وفاهم وبتفيد الناس بخبرتك ربنا يخليك لكل الابزاوية ياااااااارب

معلش انا هوجعلك دماغك شوية بس انا محتاج نصايحك
انا معايا 35 ومحتاج عربية متخرمش جيبى فى البنزين احسن اختيار ليا مو 98-99 ال 1000 سى سى زى ما سعتك قلت ادعولى الاقى عربية حالتها كويسة عشان كل الى بيقع اودامى مفرووووووك

اول حاجة عايز اتاكد من سعتد على معلومة كنت سمعتها هل فهلا الابيزا هى جولف 2 مستخبية ؟ انا سمعت ان ماتور وعفشة الابيزا بتوع جولف 2 يا ريت تاكدلى المعلومة دى

تانى حاجة ممكن اركب تكيف على المكنة ال 1000سى سى دى ولا لا؟ ولو حبيت اركب اركبة فين وهيكلف كام وهيتعب الماتور ولا لا وهيعيش ولا كل شوية يبوظ و يقرفنى؟ دى اكبر مشكلة بالنسبة ليا فى العربية دى مفهاش تكيف ptmnlo123per176
لو متنصحنيش بانى اركب تكيف انا كنت بفكر انى اسقط بس انا مش عايز شد ولا حرق ولا الكلام دة انا كنت بفكر انى ممكن ارفع العربية شوية يعنى مكنة 1400 او 1600بالكتير انا معرفش فى انوعهم فا اية احسن مكنة ممكن ترشحالى تكون حفيفة فى استهلاك البنزين وهيكلف كام الحوار

معلش انا دوشتك بس انا طمعان فى كرمك

رد: ابيزا 99 حلوه؟؟؟

موتور ال1000 سي سي اللي نازل مع اغلب الإيبيزا99 في مصر ضعيف متهيألي عشان كده نازل من غير تكييف والتكييف هيهلكه وعايز رجل حنينه وتكون متابعه جامد في الزيت ومواعيد تغييره الدورية وكله انا جبت واحدة من سنة كانت بتاكل زيت والموتور عايزله نصف عمره المهم مشيت بيها وازود اللي بينقص لغايت مجاب آخره(كبسه راح بيرمي زيت عالبوجيهات وطبعا العربية متدورش) وهيعوز كده عمره كاملة فإن شاء الله اغيره واجيب 1400 او 1600 بس ربنا يعترني في ميكانيكي كويس يعمل الشغلانه دي والموتور ال 1400 يعمل من 2500 بحاجته بفتيسه والضفاير والكنترول وال1600 من 3000ج ل3500 انا لسه جايب الأسعار دي من الحرفيين.....اهم حاجة صلي ركعتين استخارة قبل الشراء وبالتوفيق

لو هتجيبها وتمشي بال1000 سي سي مع المحافظة(تغيير الزيت والفلتر في مواعيدهم والراديلتير سليم ومياه حمرا وتزود اللي بينقص وكده) ومتركبش تكييف هتمشي معاك زي الفل الموتور ده 50 حصان شغال وتوفير بنزين مقولكش وطبعا متحطش اقل من 92 عشان الإنجكشن والموتور.