رد: الرشاشات
 

لا العكس
لو بتسيل كانت حيبقى صعب تدور و هى باردة

رد: الرشاشات
 

ازاى طيب اشرحلى انا عربيتى انجكشن مش كربراتير معلش اعزر جهلى بموضوع الميكانيكى و الف الف شكرا على اهتمامك و زوئك العالى جدااا

رد: الرشاشات
 

العفو يا فندم
بسب ان الرشاشات بتسيل فاللى بيحصل ان نسبة البنزين للهواء بتزيد جدا لدرجة ان الماتور يشرق و يبقى صعب يدور

رد: الرشاشات
 

هوه مش معنى انها بتسيل ان الرشاشات بترمى كميات بنزين كبيرة اكتر من اللى الموتور بيحتجها فبالتالى البنزين مش بيتحرق بالكامل و بيحصل حريق نئ صح كدة و الا انا فاهم غلط و العملية ديت بتم بعد ما الموتور بيدور و الا ايه و اسف على الاطاله

رد: الرشاشات
 

معناها ان الرشاش مبيقفلش تماما فمع الدوارة صباحا و اول ما مضخة البنزين ما تبنى ضغط الرشاش اكمنه مش قافل كويس فالبنزين بيخرج منه و يخل بنسبة الخليط فبيصعب الدوارة لكن مجرد ما العربية تدور حيبقى زيى ما حضرتك قولت حيبقى الاستهلاك عالى لنفس السبب ان الرشاش مبيقفلش كويس

بس انا ما زلت عند رايى ان عربيتك سليمة و ده نتيجة طبيعة المشاوير القصيرة و تأثيرها هو هو على كل العربيات

رد: الرشاشات
 

بجد بجد انا تاعب حضرتك معايا جداااا بس معلش انا اسف اعزرنى لو طولت عليك شوية
بس ليه الشكمان فيه هباب اسود مائل الى الرصاصى من جوه كدة
و حاجة تانية لو اكون ماشى كويس و العربية عادى سخنة و ماشية عادى بعدين تيجى اشارة فا بمور العربية القى الموتور بيترج جامد و اجاى اطلع تانى يبقى تمام جدااا و الرجة بتروح خالص
دة اللى مخلينى شاكك فى الرشاشات قوووى

رد: الرشاشات
 

لا و الله متقولش كده يا باشا ما هو ده الهدف من المنتدى ... تبادل الخبرات و ممكن فى يوم تانى حضرتك اللى تفيدنى و ممكن فى نفس موضوعك

انا ارجع لون الشاكمان الى طبيعة المشاوير القصيرة داخل البلد اللى هى بالمناسبة تندرج تحت تعريف التشغيل المجهد

حكاية الرجة دى جديدة اول مرة تقولها
كده لازم تعمل اجراء وقائى الاول الا و هو نظافة البوابة و صمام الايدل
حاجة ببلاش و مبتخدش وقت و مفعولها سحرى