|
رد: توهان فى دنيا النسيان
تسلم الايادى ويدوم الابداع
ربنا يخليك لنا يارب |
رد: توهان فى دنيا النسيان
-13-
الضرب على القفا والتلطيش كان من نصيب الثلاثة ويوما بعد يوم اكتشفوا انهم تعرضوا للنصب والاستغلال!! عرفوا معنى الاقامة السوداء بدولة أجنبية بدون هوية ولا جواز سفر وموضوع النجاحات وتعئبة زكائب الاموال هى تجارب فردية محدودة لا تعد قاعدة ! والمجموعة التى استلمتهم لعبت على وتر الابلاغ عنهم واستغلتهم أبشع استغلال وكأنهم عمال بالسخرة اجتمعوا متكومين فى آخر الليل ساخطون لاعنون00 نسوا أنهم سافروا بمال مسروق00 قال توهان: -كانت شورة سودة قال سمعان: -فى الاول والآخر شورتك قال نبهان: -احنا دلوقتى مش فى شورة مين00 لازم نهرب من هنا سمعان : -نروح فين؟ نبهان: -أى مكان بعيد عن ولاد الهرمة دول توهان: -ناخد فى وشنا وزى ماترسى نبهان: -مش ح نعرف نهرب مع بعض توهان: كلام مظبوط -احنا نتسرسب واحد ورا التانى ونتقابل عند المينا فى الحتة اللى ورا بتاع البيتزا 00ماشى الكلام -تمام -تمام توهان: -اقعدوا بالعافية انا ح أكت سمعان: -وليه مش أنا الاول قال نبهان: -لا انت ولا هوه أنا الاول قال توهان: -نعمل كيلو بامية وكان توهان الاول فمضى متسللا تبعه سمعان ثم نبهان لكن لم يلتقوا فى المكان المحدد وتفرقت بهم السبل لان كل واحد منهم صادف مشكلة أبعدته عن مكان الالتقاء ليتفرق شملهم!! ولهذا قصة تتبع |
رد: توهان فى دنيا النسيان
-14-
توهان قال يا فكيك ولما ذهب بالقرب من المينا00 خبط لزق وهو يتلفت خلفه 00 نظر أمامه ليجد نفسه فى أحضان رجل شرطة!!! وبعد السؤال بالطبع عن الهوية وصاحبنا لا يفهم فى الايطالى !! اتجرجر على القسم اما سمعان فذهب للميناء ووقف منتظرا لفترة قبل ان يلمح نبهان قادما من بعيد لكن خلفه الرجال اللعناء ليمسكوا به بينما هو سلم ساقيه للريح وانطلق يعدو على غير هدف حتى تهدجت أنفاسه وجلس من فرط التعب يلتقط انفاسه فى حديقة عامة00 سمع أصوات بالقرب00 اقترب اكثر ليجد فتى وفتاة فى وضع أثاره00 وقف يتفرج00 وبمنتهى الغلاسة لم يرفع عينه عنهما حتى وجد كفا غليظة تقبض على قفاه!! وتمت جرجرته ثم ألقى به فى حجرة مظلمة ليجد توهان قابعا فى ركنها!! أخونا نبهان تمت جرجرته لمحل الاقامة وهناك تم استجوابة من قبل الكبير ليرشد عن مكان صديقيه الهاربين 00 وهو فى الحقيقة لم يعرف ماحدث لهما ومع اول قفا أرشد عن المكان !! ولما لم يجدوا توهان ولا سمعان 00 عاد الرجال ليضربوه ضربا مبرحا متنوعا ثم ألقوا به فى الشارع مضرجا فى الدماء تم نقله الى المستشفى بواسطة بعض المارة ومن المستشفى للقسم ليلقى صديقيه!! وبدأت رحلة العودة والترحيل الى مصر بالخيبة والويبة والتلطيش كعب داير تتبع |
رد: توهان فى دنيا النسيان
-15- عادوا الى القاهرة مرحلين وتم تسليمهم ومن أمن الدولة للمباحث لخلافة ولا يخلو الطريق من الطرقعة والتلطيش!! عاد كل الى بيته بعد أيام من العذاب مستقبلا باللعن والسب ولكن المحنة تصنع شيئا من التعاطف مع الجانى لانه جنى على نفسه!! كان كل مايدور بعقلهم الانتقام يجب ان يستردوا فلوسهم من النصاب الذى ألقى بهم للتهلكة حتى لو قتلوه تشفيا فيهم التجربة التى مروا بها صنعت منهم قنابل موقوته بدلا من ان تكسرهم !! حاولوا البحث عنه وكان قد أختفى منذ فترة ولكن لم تثبط عزائمهم حتى وجدوه ولم يحادثه أحد منهم 00انكبوا عليه يضربوه ضربا مبرحا حتى سالت منه الدماء قال توهان : -فلوسنا يا حرامى يانصاب -فلوس أيه يا جدع يا مجنون أنت وهوه؟ -الفلوس اللى خدتها ونصبت علينا فيها -أنا ما نصبتش عليكم أنا سفرتكم لكن أنتوا اللى عيال خرعة لطشه نبهان على وجهه وقال: -فلوسنا هيه كلمة ملهاش تانى -الفلوس خدها القبطان كل اللى خدته ألفين جنية عمولتى صرفتهم مشاوير قال توهان: -شوف ح تلاوع احنا فاضيين وصيع ومعدش ورانا الا أنت يا تدفع يا نسففك التراب قال سمعان: -سف التراب شوية وبعدين ح نخلص عليك أشترى حياتك -أنتوا عايزين أيه؟ هيه فوضى قال توهان: -الفوضى دى عندك أما احنا فعندنا جزارة خلص فى الدور -انتوا ليكم عندى ألفين جنيه اللى خدتهم وده عشان خاطركم والله توهان لسمعان: -قلّب الشقة قال: -أوعى تقرب لحاجة لطشه توهان على قفاه بينما عاد سمعان بمبلغ من المال وجوازات سفر ابتسم توهان وقال: -كده فل 00عد الفلوس قال سمعان: -دول بواكى ألوفات واحد اتنين تلاته0000000 خمسة وسبعين يا كبير قال توهان : -شوية لكن ماشى مسامحين فى الباقى رجاله قال نبهان: -سماح ألتفت اليه توهان وقال: -جوازات السفر دى حتفضل رهينة عندنا يا نوديك فى داهيه بيها يا تمضى على وصل أمانه عشان متقلش عقلك صرخ: -دى فلوس ناس 00 دى جوازات ناس 00الله يخرب بيوتكم -مش مشكلتنا احنا خدنا حقنا 00ها وتم لهم ما أرادوا وأخذوا النقود وانصرفوا بعلامة النصر تتبع |
| الساعة الآن 08:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017