|
رد: حادثه في جهاز الاشعه بدار الفؤاد .. بين الاهمال و الفساد
ده رابط موقع الحكومة الالكترونية الخاص بشكاوى وزارة الصحة
https://www.masr.gov.eg/arabic/info-...ack_health.asp وده موقع متخصص فى نشر الشكاوى عامة ومشهور على الانترنت http://www.humum.net وانا بإذن الله هعمل على نشر الشكوى على الانترنت باكثر من شكل بس انت حاول تشوف حد من معدين البرامج الحوارية على الفضائيات ( البيت بيتك - العاشرة مساء - القاهرة اليوم الخ الخ ) وابعتلة الشكوى الناس ديه مبتصدق تلاقى حاجة زى كده اساساً وخاصة لو موثقة بمحاضر طبعاً وبرضو الجرائد الليبرالية او المعارضة وديه ممكن تراسلهم من على الانترنت زى اليوم السابع والدستور مثلاً |
رد: حادثه في جهاز الاشعه بدار الفؤاد .. بين الاهمال و الفساد
يا ريت تطمنا يا سامح
نفسي أقدر أعمل حاجة حاسس بعجز شديد |
رد: حادثه في جهاز الاشعه بدار الفؤاد .. بين الاهمال و الفساد
حمدلله على سلامة الوالده يا أستاذ سامح ! أنا يمكن أول واحد قرأت الموضوع بعد كتابته ! بس ما كانش
عندى المعلومات الكافيه لآدلى بدلوى مثل الآن ! هذا بالاضافه عفوا كان عندى شغل شويه تقيل ! المهم و قبل الدخول فى تفاصيل - أهم حاجه دلوقت تظبيط سكر و ضغط الوالده لآن الارقام اللى انت ذكرتها دلوقت مع السن و الله أعلم فيه ايه كمان لا نعلمه كله على بعضه كده موش كويس و محتاجه فى رأيى و طبعآ انت ح تتنرفز ! محتاجه الى تظبيط فى مستشفى و لا أرشح العلاج فى المنزل ! استخير ربنا و شوف مكان محترم بلا فؤاد بلا فاروق ! ثانيا : حكاية عمله من جيب الممرضه دى كلام فاضى لآن الخبطه كانت فى الرأس يعنى الممرضه كانت خلف الجهاز و أنا أشك فى ذلك ! لآنى حضرت مع زوجتى كشف رنين مغناطيسى و وضعوا فى أذنيها كاتم صوت من شدة الصوت و لا كان فيه ممرضه فى الغرفه و لا حد يقدر يقعد فيها ! أنا اللى قاوحت بس كان بينى و بينها ييجى 10 متر من الآمام و لا يمكن يكون شىء من الخلف لآن المريض بيدخل فى زى أنبوبه من جهة رأسه و من الجهه الآماميه للجهاز و طبعآ ساعتى و نظارتى و موبايلى بالخارج بس نسيت المحفظه و كروت الكريديت فيها اتمسحت ! و أنا كمان انطرشت ! اذن ايه اللى حصل ؟؟ أكيد الجهاز ده كان فى الصيانه و أحد الفنيين نسى ربط صاموله كويس أو كان فيه صاموله على الآرض و فى الحاله دى ح تخبط الوالده أول الجهاز ما يشتغل مباشرة ! أمل لو الخبطه كانت بعد شويه يبقى كابل من داخل الجهاز ! و فى كل الآحوال دى مشكلة الطقم الموجود كله لغاية مدير المستشفى ! و لايمكن الممرضه تعترف على نفسها لو هى الغلطانه ! لكن ممكن تعترف على أبوها لو ح يمس الدكتور أو أكل عيشها شىء ! اعمل أقصى ما يمكنك و لكن زى ماقلتلك ماتضيعش وقتك معاهم لآن الوقت ده الوالده أحق به من الانتقام منهم و الله سبحانه و تعالى هو المنتقم الجبار . Dr. Bolbolan |
رد: حادثه في جهاز الاشعه بدار الفؤاد .. بين الاهمال و الفساد
انا عاجز عن الشكر ليكم يا جماعه على اهتمامكم و متابعتكم للموضوع ونصايحكم و ارائكم الغاليه و اللي فعلا فادتني جدا جدا ...
انا تاني يوم كنت رايح لوالدتي نستكمل اجراءات المحضر و كنت عملت كام تليفون بحيث اسهل عليها الاجراءات في القسم ويكون فيه اهتمام شويه ... ( حتى المحاضر عايزه واسطه !!!! ) لكن سكر والدتي علي جدا والمشوار للقسم بقى مشوار لدكتور و طلع كمان الضغط عالي جدا و طلب تحاليل و غير لها دوا السكر و اداها دوا للضغط و كتب لها نظام لقياس الشكر و شوبه تعليمات و كان اهم حاجه انها تبعد عن الانفعال و التوتر ... وبكده طبعا مشوار الاجراءات القانونيه انتهى ... لكني مصر على عمل شكاوي و كشف الاهمال الواضح و البين في هذه المستشفى اللعينه .. والدتي عملت الاشعه دي قبل كده 3 مرات و دي المره الرابعه (اول مره في دار الفؤاد ) عمرها ما حصل معاها كم الاهمال ده ... اولا هدومها كان فيها قطع معدنيه صغيره ( زي سوسته - كلبس ) وسابوها تدخل الجهاز بيهم الصوت كان عالي جدا و محطوش لها سداده للأذن الممرضه دخلت و الجهاز شغال الجهاز الصبح كان في الصيانه و لما اتصلنا بعد الضهر قالو شغال ... فاحتمال تحليل حضرتك يا دكتور بولبلان قوي جدا ... ووارد جدا يكون هو ده السبب الحقيقي ... خصوصا اني مش بالع خالص كلام الممرضه اعتقادي الشخصي ان الممرضه قالت كده علشان نمشي ورا كلامها و لو تطورت الامور وحصل تحقيق رسمي تنكر كلامها و يبقى احنا اللي بنلفق المستشفى غيروا اسلوب التعامل تماما اثناء وجودي بالقسم ( نتيجه اتصال تليفوني برضو ptmnlo123per111) اشعه مقطعيه و طاقم طبي كامل واعتذارات و روشتات و كشوف ...ومكالمات تليفونيه لوالدي و والدتي من مسئولين بالمستشفى و عرض بعمل الفحص المطلوب بمركز طبي مشهور مع توفير معامله خاصه في اي وقت و ميعاد تختاره والدتي بعد حصولها التام على الراحه .... وتم رد قيمه الفحص ومتابعه تليفونيه من احد المسئولين لحد دلوقتي و لغايه ما تعمل الفحص المطلوب .. بس بعد ايه .. هما بيعملو كده مش علشان خاطر سواد عنينا .. لكن لأنهم عارفين انهم غلطانين و عايزين يدفنوا الغلطه .... الغريبه بقى ان لما احد المساهمين في المستشقى الموضوع وصل له واتصل بالمستشفى يعرف ايه اللي حصل ..بلغوه ان والدتي جالها فوبيا و هي اللي خبطت راسها .... طبعا محدش قال في وشنا الكلام ده ... لكن حسيت ان هو ده حيكون التقرير اللي حيكتبوه لو اصررنا عليه ... والحكايه دي بالذات مخلياني مصمم اني اعمل فيهم شكاوي للصبح ptmnlo123per111 انا بس حستنى لحد ما والدتي تستريح شويه وتعمل الفحص المطلوب علشان مضيعش عليها وعد المعامله الخاصه ... لأن هدفي الاول حاليا راحه والدتي و الاطمئنان عليها ... و بعد كده ... متفرقش معايا اي حاجه .... ان شا الله تكون مستشفى الامير فحلان ابن محلان .... حشتكيهم برضو ptmnlo123per195 النهارده الحمد لله السكر بقى في المعقول .. عالي عن الطبيعي لكن في المتوسط اللي الدكتور قال ممكن تقعد بيه في البيت ... والحمد لله انها في البيت ... بصراحه اتعقدنا من المستشفيات .... |
رد: حادثه في جهاز الاشعه بدار الفؤاد .. بين الاهمال و الفساد
معلش يا استاذ سامح ل تاخرى فى الاطمانان على حالة والدتك
الف سلامة عليها و ربنا يشفيها و تقدر تاخد حق و كل واحد غلط ياخد جزاءة |
رد: حادثه في جهاز الاشعه بدار الفؤاد .. بين الاهمال و الفساد
شكرا يا لانسر على اهتمامك .. و ربنا يكون في عونك في امتحاناتك
شكر يا اسلام على متابعتك برغم مشاغلك الكتير شكر خاص لدكتور محمد الرفاعي على نصايحه و اتصاله و عرضه الكريم ابونورا فعلا دي اكتر حاجه كنت محتاجها ... مواقع الشكاوي ... تركيزي الاكبر حاليا مع والدتي ... مش عايز ابعت شكاوي و خلاص .... عايز اكتب الشكوى بتركيز و تمعن .. والوقت مبقاش يفرق خلاص .... باعتذر يا جماعه عن قله المشاركات والموضوعات الفتره دي ... |
رد: حادثه في جهاز الاشعه بدار الفؤاد .. بين الاهمال و الفساد
معلش يا سامح باشا
خليك الأول مع الوالدة علشان نطمن علي صحتها و علي فكرة..مش كل المعادن بتتأثر بالرنين..معظم السوست و الزراير المعدن مش بتنجذب للمغناطيس انا مش بدافع عن المستشفي ولا حاجة..انا بس عاوز كلامنا يبقي مرتب و واضح هو طبعا غلط كبير انها مالبستش سدادات الأذن..علشان الجهاز المقفول صوته عالي جدا عن المفتوح الفرق بين المقفول و المفتوح المقفول عامل زي الأنبوبة الطويلة و تقريبا الجسم كله بيدخل جواها و المريض بيبقي في شبه ظلام و حاسس انه نفسه ضيق (علشان كده في ناس بتخاف و تقول مش هدخل القبر دا..و علشان كده اخترعوا المفتوح) المفتوح هو هو نفس الجهاز بس المغناطيس اضعف من المقفول علشان في فتحات المريض يقدر يشوف الغرفة من خلالها..يعني مش بيحس انه في مكان ضيق او يخاف الطبيعي ان ماحدش بيدخل الغرفة مع المريض الا في حالات خاصة و برضو المرافق لازم يسيب اي حاجة معدن برا الغرفة (زي ماحصل مع دكتور بولبولان و كروت ال ATM باظت..اي حاجة ممكن تتأثر بالمغناطيس هتبوظ جوا) المفروض ان المريض بيغير هدومه بالكامل و بيلبس جاون قماش او ورق (استخدام مرة واحدة) علشان طبعا مانضمنش الهدوم ممكن يكون فيها اجزاء معدن..الفكرة مش انها تتحرك و تؤذي المريض بس..لكن انها كمان بتشوش علي الصورة و بتعمل حاجة اسمها artifact طبعا من الممنوعات في الرنين (اجهزة ال pacemaker او نابض القلب الصناعي و كمان المسامير بتاعت عمليات العضم..المريض دا ممنوع يدخل غرفة الرنين) معلش انا عارف موضوع الرنين رخم و طويل و مش هقدر اقول كل معلوماته مرة واحدة بس انا تحت امركم في اي استفسار |
| الساعة الآن 10:55 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017