رد: ازاى تظبط عربية قديمة و تحس انك راكب عربية جديدة
 

كلام حضرتك مظبوط بس مش عربيه قديمه يتعمل فيها الكلام ده يعني في عربيات قديمه ولحد دلوقتي لسه مرغوب في اقتنائها وش خساره فيها وممكن تلاقي نسبه كبيره من فلوسك تاني مثلا زي ال 132 131 504 خنزيره علشان في ناس بتحب تركبهم لحد دلوقتي وانا منهم وانا لو الامكانيات الماديه مساعداني هعمل كل ده في 132 بتاعتي بس في عربيات حرام يتعمل فيها كده زي مثلا مع احترامي وتقدري الشديد لكل من يملك هذه العربيات مثلا 1300 نصر بيجو 304 وعربيات تانيه وشكرا

رد: ازاى تظبط عربية قديمة و تحس انك راكب عربية جديدة
 

ايه يا باشا ده الكلام هيخش ف 20 الف ده انا ابيع واجيب حاجه اعلي FLASHCarFLASHCar

رد: ازاى تظبط عربية قديمة و تحس انك راكب عربية جديدة
 

هو ممكن حد يحط مبلغ زي ده بس ف عربيه زي ال 504 او خنزيره او مرسيدس 200 حاجه زي دول وعيش بقي مع العربيه

رد: ازاى تظبط عربية قديمة و تحس انك راكب عربية جديدة
 

الموضوع جميل جدا بس فى ادوات عزل بتفرش الارضيه بيها قبل الجلد ونفس النظام بالنسبه للسقف ولو حبيت تعمل بانوراما تشوف حد شاطر يذود العتب بالرصاص عشان يحافظ على وزن العربيه كمان والزجاج بردو يتركب ليه عازل حرارى يعمل حوالى 1500 او اقل عشان التكييف ساعتها هيبقى زى الجديد واحلى بس الكلام ده عايز واحد رايق غاوى التميز يعنى كل فين وفين لو لقيت عربيه قديمه تحس انها جميله جدا وكل واحد وباله بقى البيعمل كده اعتقد بشترى شاسيه بس وعضم وهو بيعمل الباقى على ايده وفعلا مش مكلف يعنى هيكلف مثلا بالكتيرقوى العربيه والتظبيات تعملها 45 الى 50 الف ده لو هتركب احسن حاجه وهعمل عربيه وهميه فيها كل الاوبشن وبتجمع بين الراحه والرفاهيه والقوه والمتانه والابشن الحديث انا حتى ممكن اعمل تابلوه جديد واعمل فرش للبيبان جديد يبقى جمبى السنتر زى الجديد واعمل مرايات فيها اشارات وضم ونفس الوقت عربيه عضمها قوى جدا والله فكره كويسه قوى قوى قوى قوى بس هتاخد وقت مش اكتر

رد: ازاى تظبط عربية قديمة و تحس انك راكب عربية جديدة
 

بص الموضوع ده مش بيفرق معايا فى الفلوس الحمد لله و تانى حاجة انا كرهت الجديد عشان خفيف و عامل حدثاتين بى اكسنت و صنى عشان كدة مش عايز اركب جديد تانى انا عامل عندى المرايات ضم و كهربا و السنتر و الازاز و التحكم بتاع المرايات جمبى فى الباب و كل باب فى زرار الزجاج بتاعه و عايز اوصل انى اركبلها ABS و هعملها ان شاء لله بس كل المشكلة انها عايزة واحد صايع زيى انا كدة معنديش اى حاجة ورايا و هاوى عربيات و تظبيطها

رد: ازاى تظبط عربية قديمة و تحس انك راكب عربية جديدة
 

طب تمام وكمان خد بالك اصلها حتى لو عملت 50 الف وده بالكتير قوى مفيش زيرو بى الفلوس ديه يجمع بين المميزات الهتبقى عندك وربنا يوفقكك ان شاء الله ومش تنسى تبقى ترفعلنا الصور

رد: ازاى تظبط عربية قديمة و تحس انك راكب عربية جديدة