|
رد: سؤال فى كهرباء السيارة و نصائح قبل السفر
الف سلامة والحمد لله انها جت على إعادة ضبط الكمبيوتر وبس
بس بصراحة انا لو مكانك يا كيمو لازم اعرف على الاقل ايه الاعطال اللى كانت موجودة وعملها ريست هل هى اعطال بخصوص الدينامو برضو ولا ايه لان اكواد الاعطال ديه ممكن تكون مؤشر او وسيلة لفهم حاجات تانية |
رد: سؤال فى كهرباء السيارة و نصائح قبل السفر
اقتباس:
الأعطال يا باشا كانت كما يلى بالنسبة لعطل الكهرباء كان battery charging too low و كان فيه عطل خاص بكود المفتاح و عطل بخصوص قراءات خاطئة بس بصراحة ماعرفتش اكواد الاعطال بالظبط و ده نتيجة لأنى غيرت الدينامو و قبله بكام شهر البطارية و ماعملتش برمجة للعربية انا عموما جبت برنامج من اللىبيقرأو الاعطال فاضل اجيب الوصلة بس و افحصها بنفسى تانى و ربنا يستر :) و الف الف شكر على اهتمامك يا باشا |
رد: سؤال فى كهرباء السيارة و نصائح قبل السفر
شكراً يا كيمو
بصراحة العربيات الحديثة يفضل ان الواحد يكون عندة على الاقل جهاز قرائة ال OBD يعنى سوفت وير ووصلة بحيث يقراء بس اكواد الاعطال ويشوف قرايات السنسورز الاساسية وهو اصلاً نظام ومعاير ال OBD اتعملت علشان يستخدمها المستخدم العادى (صاحب العربية) وشووف الموضوع ده يمكن يفيدك اسعار افضل اجهزة السكان (حصرى جدا) |
رد: سؤال فى كهرباء السيارة و نصائح قبل السفر
شكرا ليك انت يا باشا
و هو الجهاز اللى كان الراجل بيستخدمه موجود فعلا من ضمن الاجهزة دى اللى اسمه Tech II بس هو بصراحة يا باشا تمنه غالى على ان الواحد يجيبه للاستخدام الشخصى (اكتر من 2000 استرلينى) هو الواحد يجيب الوصلة دى و دينى جبت البرنامج و ربنا يسهل |
رد: سؤال فى كهرباء السيارة و نصائح قبل السفر
2000 استرليني ... ده طبعا غير الجمارك ..
دا انا اجيب عربيه صغيره استبن ارخص و احسن الف شكر ليك يا بشمهندس محمد على اهتمامك و الرد ... ال 128 زمان كانت طالما دارت متقولش لأ .. تفضل ماشيه لحد ما تبطلها بنفسك .. دلوقتي لمبه صغيره في التابلوه الكمبيوتر يزرجن و ميرضاش يحرك العربيه ... ومرسيدس و لكزس ابتدو يقروا ملامح الوجه ... وينبهوا السواق لو نام ... انا حاسس ان كمان كام سنه ممكن الكمبيوتر السوفت وير ... يدي امر للهارد وير يعاقب السواق لو غلط او نسي حاجه يشد حزام الامان على رقبته لو مبصش قدامه و هو سايق ... يشغله رساله مسجله من الراديو يديلو كلمتين في العضم لو قطع الاشاره الحمرا .. يبطل العربيه و يطلب له البوليس لو شتم من الشباك ... يلطشه بالشماسه لو نام .. ترجع لنا بالسلامه يا هندسه .. واهم حاجه قبل ما تيجي .. تبقى تظبط الكمبيوتر .. واوعى تزعله ptmnlo123per1147 |
رد: سؤال فى كهرباء السيارة و نصائح قبل السفر
كان زمان اللى بيجيب السارينا اللى بتقول
انتبة من فضلك السيارة ترجع الى الخلف كان يبقى حاسس انة سايق مازنجر من كمية التكنولوجيا اللى عندة دلوقت ممكن عربية حديثة من اللى بالكمبيوتر .... عمنا الكمبيوتر يشيل الواد اللى فى الخلف وينيمة فى سريرة ... ويرجع العربية .... وعمنا ماهر (على اعتبار انة سايق مازنجر) مش حاسس بأى حاجة ما عالينا |
| الساعة الآن 04:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017