مصر موتورز مجتمع السيارات - مصروف العربية كااااام..... بيت تانى بجد؟؟؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - مصروف العربية كااااام..... بيت تانى بجد؟؟؟ (https://www.masrmotors.com/vb/showthread.php?t=81434)

رد: مصروف العربية كااااام..... بيت تانى بجد؟؟؟

اقتباس:

المشاركة الأصلية كتبت بواسطة Vanditta (المشاركة 633204)

استاذ هشام

6-صيانة الكربيراتير او الانجكشن انا بعمل تنظيف للكربراتير كل 1000 كيلو بنفسى
(ياباشا حضرتك محترف انابتكلم على المبتدئين امثالى ):w6w2005041122522161
7- شوية اكسسوارات حسب الظروف (فانوس- مراية - ازاز-كاسيت-فرش ...الخ)
الإكسسوارات دى بتتجاب مرة واحدة
(لا ممكن كذا مرة حسب الظروف) فانوس اتكسر ..مراية اتخلعت..فرش اتقطع ولا اتطفى فية سجايرMAD ...الخ)

وطبعا حضرتك عارف يا استاذ هشام ان سوق قطع الغيار حاليا بقى معظمة مغشوش وصعب تلاقى حاجة نضيفة بسعر كويس ف اللى زمان كان بيقعد ب ال 4-5 سنين بقى يقعد سنتين تلاتة دة لو كملهم

يعنى انا مثلا لسة مغير تيل امامى مابقالوش اسبوع وبقى يصفر بطريقة مزعجة
فهضطر ارمية واجيب الاصلى دة لو موجود والفلوس اللى دفعتها فية راحت خلاص

بعون الله عندى حل لكل المشاكل اللى بتقابلك دى وخصوصا موضوع الفرامل بإذن الله ومش هتدفع فلوس فى الأرض لو تحب كلمنى على الخاص

رد: مصروف العربية كااااام..... بيت تانى بجد؟؟؟

ياباشا كلامى انامبالغ فية وان حضرتك تغير جوز كبالن مرة واحدة ومساعد امامى واحد استيراد خلال 11 سنة وفى عربية 128كمان دة اللى مش مبالغ فية !!!!:36_1_1[1]:

انا مش بشكك فى كلام حضرتك والله ابدا
بس انامستغرب عشان دى فترة كبيرة جدا جدا جدا على كبالن ومساعدين

على العموم ربنا يباركلك فيها كمان وكمان ويكفيك شرها يارب:01FDAB~189:

ياباشا انا اولا اشكرك على الدعاء وربنا يبارك لنا كلنا فى العربيات اللى راكبينها
ولكن العربية ال128 بعتها من حوالى سنة
اما الريتمو فبعتها سنة 95
انا ذكرت العربيتين دول لانهم اكتر عربيتين استمروا معايا
وكان فيه بيجو 305 SR لمدة سنتين ماغيرتش فيها حاجة غير طقم الكهرباء
و فيات 131 غيرت طقم كهربا وسير كاتينة خلال سنة وشهرين
حاليا مرسيدس من سنة ماغيرتش غير زيت وطقم بوجيهات لان الاسبراتير الكترونى

وبرضه مش باشكك فى كلام حضرتك كل واحد ادرى بظروفه وطريقة سواقته
بس انا عاوز اقول ان العربية 128ركبتها 11 سنة ومشيت 104 الف معايا ومافيش مرة عطلت ووقفتنى فى الطريق .. لازم توصلنى لحد الميكانيكى
مع العلم كنت شاريها مستعملة وربنا يبارك للى اشتراها

تحياتى للجميع

رد: مصروف العربية كااااام..... بيت تانى بجد؟؟؟

العربيه تعتبر من ضروريات الحياه والافضل تجيب الزيرو وليس المستعمل وتريحك ومش هتحتاج تغير الا زيت وبنزين فقط لمده 5 سنين لو استعمالك نضيف وع فكره انت لو حسبتها هلقيك بتصرف ف المواصلات اكتر من مصاريف العربيه ده غير البهدله ليك وللاسره لو متزوج انصحك اذ فكرت ف الشرا اشتري زيرو

رد: مصروف العربية كااااام..... بيت تانى بجد؟؟؟

هو الموضوع قديم
بس الرد ده بعد التجربه (بإعتبارى صاحب الموضوع)
العربيه مش بيت تانى و لا حاجه

دى بيت تانى و تالت و رابع كمان (الشرع محلل لحد 4 بس للأسف)
و كمان أنا كلامى على اللادا إللى تعتبر قطع غيارها من أرخص الأنواع
طبعاً كلما أرتقيت كلما دفعت
ربنا يقدرنا على الأربع بيوت دول, ده أنا خلال سنه واحده صرفت ييجى نص ثمن شراءها !!!

بس برضه على رأى أخى jojojojojo
العربيه ضرورة خاصة للى عنده أسرة و أطفال

رد: مصروف العربية كااااام..... بيت تانى بجد؟؟؟

هو الموضوع قديم اهبس فى نقطة كانت هقوله وهقولها فى اى وقت قطع زبالة عربية رايحة فى داهية ماش او حتى سليمة هما حوالى حاجتين أولا العربية زيها زى مراتك هتعملها كويس هتعملك كويس هتديها بالجزمة هتديك بستين جزمة عذر للفظ.
ثانيا ودية اهم حاجة دية ارزاق الرزق مش فلوس الرزق حاجات تانية كتير منه العربية او الدابة المطيعة.
ربنا يباركلك فيها ويديك خيرها ويكفيك شرها.

أخوك محمد

رد: مصروف العربية كااااام..... بيت تانى بجد؟؟؟

كنت عاوز اضيف لكن الزملاء افاضوا بالشرح
الخلاصه انك تقارن بين مواصلاتك وبين 300 جنيه مصاريف ثابته شهريا وممكن توصل ل500 جنيه فجاءه للصيانات لو تقدر على الكلام ده اشترى لو تكاليف المواصلات اكتر من ال 300 شهرى انت وعيلتك اشترى غير كده ما تشتريش لغايه ما تحسن دخلش شويه كمان.
بالتوفيق