مصر موتورز مجتمع السيارات - كيف تعمل محركات الديزل فى مجال هندسة السيارات ..........؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

رد: كيف تعمل محركات الديزل فى مجال هندسة السيارات ..........؟

يعنى على كده المحركات الديزل اقوى من البنزين تمام
طيب فيه محركات التربوديزل دى بتزود القدرة بس ولا بتزود سرعة السحب زى البنزين مثلا؟

رد: كيف تعمل محركات الديزل فى مجال هندسة السيارات ..........؟

اقتباس:

المشاركة الأصلية كتبت بواسطة samirayad (المشاركة 612440)

وموتور عربيتك البنزين الحالى ..........كام حصان ؟

لازم برضه تحط فى إعتبارك عدم وجود فروق كبيره فى عدد الأحصنه بين

محرك عاوز تغيره لمحرك آخر .....؟

فده عنصر هام جدا فى التعديلات ...........؟

موتورى الحالى 160 حصان .... الكتالوج الى على النت بيقول كدة .... بالمناسبة .. عربيتى موديل 1980 8 سلندر بنزين 5700 سى سى :w6w200504112245306e

رد: كيف تعمل محركات الديزل فى مجال هندسة السيارات ..........؟

اقتباس:

المشاركة الأصلية كتبت بواسطة mr_astra (المشاركة 612460)

معظم الناس اللى عربيتهم بنزين وحولو سولار رجعو رجعوها تانى بنزين زى البيجو 7 راكب لان وزن المحرك الديزل اتقل من البنزين بكتير وبياثر على العفشة وبودى العربية نفسة
لكن عشان عربية حضرتك امركانى ويمكن بتعانى من قطع الغيار وتمنها ففكرت انك تسقط موتور ديزل
......... اللى اعرفة ان احسن مواتير بتتسقط للامركانى عموما هى محركات تويوتا

انا سئلت فى قصة وزن المحرك ... قالولى ان شاسيه العربية يستحمل وزن الموتور الديزل ... لان موديل عربيتى فيه منه ديزل على نفس الشاسيه و نفس العفشة

قطع الغيار ... حتى الان انا مش متضايق منها ... اسعارها معقولة و موجودة ... و بعدين انا لم اشترى للمحرك الا غير طرمبة باور و خرطوم فقط .... البوجيهات ac delco الامريكانى ب 160 جنيه ( 8 بوجيهات ) .. الموتور الى عندى ال 350 .. و ده بيسموه .. بركة الامريكانى ... علشان متواجد على اكثر من سيارة و قطع غياره الجديدة موجودة فى شارع شمبليون المحرك مش مضايقنى

الى مضايقنى الفتيس ... صوته عالى و 3 سرعات فقط ... و ده الى مخلينى فكرت فى محرك الديزل ... ده بالاضافة للقوة الكبيرة لمحرك الديزل
انسب موتور لعربيتى هو موتور الجى ام سى التيربو ديزل ... لما تبقى معايا فلوس .. حغيره ان شاء الله
اما عن مواتير التويوتا .... مواتير جامدة جدا ... صوتها واطى ... حمالة اسية ... بس سعرها غالى .. و مينفعنيش اى موتور ... يعنى موتور التويوتا الميكروباص مينفعنيش ... مش اقل من موتور اللاند كروزر .. و ده غالى اوى
شكرا يا باشا على الرد

رد: كيف تعمل محركات الديزل فى مجال هندسة السيارات ..........؟

tarbook

:010104~171::010104~171:: 010104~171::CONGRA~238::C ONGRA~238::CONGRA~238:

رد: كيف تعمل محركات الديزل فى مجال هندسة السيارات ..........؟

اقتباس:

المشاركة الأصلية كتبت بواسطة mr_astra (المشاركة 612831)

يااااااااة الموتور دة يتدرس
فعلا كل مسمارفية يساوى الذهب
الموتور دة اما بسمعة بحس انى سامع ام كلثوم لان صوتة محبب لقلبى جداااااااا
وانا بعرف احدد صوت الموتور دة لو انا مغمض هاعرفة
على اد ما هو هادى على اد ما هو جبار ولو تلاحظو فى فرق بين الموتور اليابانى ومثيلة الصينى فرق السما والارض .......بس معرفش صح ولا غلط ان التويوتا بتنزل اما الموتور ناعم او خشن لان فى الشغل عندنا جبنا عربيتين نفس الموديل واحد ناعم جدا والتانى خشن وسبحان الله الموتور الناعم كان على عربية لونها احمر اللى بيتدفع فرق فلوس عشان اللون
كمان مواتير الـ NPR صوتها مميز جدا بيديلك احساس بالقوة الجبارة خصوصا فى فواصل الجاز

فيه مواتير ديزل نوعان
1- حقن مباشر ودة بيكون الحقن فوق المكبس (البستم) ويكون البستم فية تجويف و قدرته عالية وصوتة عالي ودرجة حرارته منخفضة نسبيا ويسمي (دايركت انجيكشن) وده في اغلب مواتير الشفر
2- حقن غير مباشر ( موتور اخرس) وده بيكون الحقن داخل تجويف في وش السلندر بجوار البستم و قدرتة اقل وصوتة منخفض جدا ودرجة حرارت وش السلندر اعلي من السابق ويسمي (لندايركت انجيكشن) ودة موجود في المواتير التويوتا واليابانى
والله المستعان

رد: كيف تعمل محركات الديزل فى مجال هندسة السيارات ..........؟

3- عملية إنبعاث الغازات الضاره من نهاية منظومة العادم

فعلى الرغم من دخول الديزل فى مجال السيارات بأنواعها منذ

حوالى قرن تقريبا

فأن تلوث الهواء الجوى بعادم الديزل أكبر منه فى حالة البنزين

على الرغم من التطور الكبير فى مجال حماية البيئه من

الملوثات والتطور الكبير فى تصاميم محركات الديزل التى تعمل

بالحقن الإلكترونى
مجهود مشكور لكن محرك الديزل تلوثه اقل من محرك البنزين لأن الديزل اغلب العادم كربون ويكون أثقل من الهواء فيسقط ويترسب للأسفل ولا يحتوي علي نسبه كبيره من اكاسيد النيتروجين وأول اكسيد الكربون وذلك عكس محرك البنزين حيث يحتوي العادم علي نسبه كبيره من أكاسيد النيتروجين وأول وثاني أكسيد الكربون وهذه العوادم تعتبر ملوث للهواء أكثر من عادم الديزل
والله المستعان

رد: كيف تعمل محركات الديزل فى مجال هندسة السيارات ..........؟

اقتباس:

وذلك عكس محرك البنزين حيث يحتوي العادم علي نسبه كبيره من أكاسيد النيتروجين وأول وثاني أكسيد الكربون وهذه العوادم تعتبر ملوث للهواء أكثر من عادم الديزل

هذا النوع من مكونات العادم فى البنزين

يتم التغلب عليها من خلال الكاتلايتك كونفرتر ( علبة البيئه )

وبالتالى مازل الديزل أكثر تلوثا للبيئه من البنزين

فى الأنظمه الحديثه للتحكم الإلكترونى