رد: العربية اللى حيلتى ماتت (اغرب موقف حصلى مع عربيتى)
 

قلبى معاك يا ابو نورا
مفيش قدامك غير انك تطلع المثلث وتحطه فوقيها وتعلق ورقة " للبيييييييييع"
او تعلق ورقة زى الراجل بتاع النوبيرا وتقول للبيع عشان المشاكل مع التوكيل هوب حاتلاقى التوكيل جاى يصلحها عدل

عشان كده بستعمل البطاريه الجافة

رد: العربية اللى حيلتى ماتت (اغرب موقف حصلى مع عربيتى)
 

ايه يا ابو نورا انت روحت فين!!!
لا حول الله هى العربية قضت عليك!!!

هو بصراحة موقف يوجع القلب بس يمكن خير !!


قدر الله و ماشاء فعل

منتظرينك بفارغ الصبر عشان نعرف ايه اللى حصل

رد: العربية اللى حيلتى ماتت (اغرب موقف حصلى مع عربيتى)
 

ربنا يكون فى عونك يا ابونورا والحمد لله انها جت على كده
محدش عارف كان ممكن يحصل ايه تاى قول الحمد لله ودور كويس على المفتاح الثالث وانشاء الله تلاقيه
و ممكن تجيب واحد بتاع تصليح البيبان و هو يفتحهالك
ويكون معاك كهربائى كمان بالمرة

رد: العربية اللى حيلتى ماتت (اغرب موقف حصلى مع عربيتى)
 

شكراً ليكو يا جماعة على ردودكم ونصايحكم وبالفعل انا بفكر ابيعها بعد الموقف السخيف ده

اللى حصل دلوقتى ان العربية الحمد لله واقفة جمب ورشة درش واتصلت بيه والراجل ظبط كل حاجة بس على بكره ان شاء الله هيجى بتاع المفاتيح يشتغل فيها علشان يطلع مفتاح يفتح البيبان والكونتكت مع بعض وبالنسبة للكهرباء برضو ظبطت معاه يجى يدورها ويشوف فيها ايه واهى فرصة اعمل صيانة للعربية

باذن الله بكره هحكيلوا الى حصل بالظبط ان شاء الله

رد: العربية اللى حيلتى ماتت (اغرب موقف حصلى مع عربيتى)
 

حمدا لله على سلامتك ورجوعك الى ارض الوطن

بس انته غلطان مش كنت تجيب الدبابه وتدخل عليهم بالحته الشيفروليه

رد: العربية اللى حيلتى ماتت (اغرب موقف حصلى مع عربيتى)
 

الحمد لله على كل شيء
خير ان شاء الله يا ابو نورا
....
انت لسة مش عارف ايه اللي حصل ده ؟؟؟؟
مع انها واضحة جدا ......
اكيد مش صدفة ان الدنيا تتعطل في وشك بالشكل المتقن ده ...

انت عارف ايه اللي كان ممكن يكون في انتظارك لو العربية كانت مشيت بدون اعطال ؟؟؟
ممكن يكون ربنا سخرك علشان الراجل اللي بالعربية اللي في مواجهتك ده هو اللي يتأخر عن شيء خطير ...
يمكن حد من اللي كانو معاك ربنا أخره عن معصية او شر كبير ...
ربنا لطيف ... الامر بيبقى ظاهره شر .... ويجعل الله فيه كل الخير ...
سيدنا يوسف لو ما اترماش في البير ودخل السجن ظلم ... مكانش بقى عزيز مصر ونجى الله به آلاف الناس من المجاعة
إن ربي لطيف لما يشاء
اكيد ربنا أخرك عن شر ...... ربنا دايما مش بيجيب غير الخير .... بس احنا كبشر نظرنا قاصر على حدود علمنا المحدود ....
إحمد ربنا ان الامور جت لحد كده .... الحمد لله بسيطة
الحمد لله ع السلامة

رد: العربية اللى حيلتى ماتت (اغرب موقف حصلى مع عربيتى)
 

الحمد لله على كل شئ المهم انك بخير!سيبك انت بتحصل فى احسن العربيات!

بس هو التوقيت كان غير مناسب لان يوم خميس والفجر كمان!
معاش بقى اهو موقف و عدى و اديك رجعتلنا بالسلامة!