مصر موتورز مجتمع السيارات - حد شاف حادثة النيو النترا بتاعت الكورنيش ؟

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - حد شاف حادثة النيو النترا بتاعت الكورنيش ؟ (https://www.masrmotors.com/vb/showthread.php?t=77599)

رد: حد شاف حادثة النيو النترا بتاعت الكورنيش ؟

قدر الله وماشاء فعل والعربية دلوقتي الحدثة دية متعبهاش كلها كلام فاضي ان شاء الله اكصدام ورفرفين يعني 3 :4 الف يلم الموضوع وميعبش العربية في حاجة ان شاء الله . لكن لو فتحت اير باج لو جة يبعها انا نفسي لو هشتريها هقلو دية عاملة حادثة مدعوكة من قدام او مقلوبة ومية فالمية مش هشتريها . والتبلوة لو اتغير هيبان مهما جايبو منين . او يروح التوكيل وهيتصدم من التكلفة
يعني ربنا سترها معاة انة مفتحش كان خسر اكتر بكتير . وانا شايف اني دة ميزة للعربية انو مفتحش في حادثة بسيطة نوعا ما زي دية
لو كل عربية في مصر كل حادثة رفرف واكصدام اتفتح فيها الايرباج مش هتلاقي عربيتين علي بعض سولام

بس هي الحدثة اساسا اية السبب ؟

رد: حد شاف حادثة النيو النترا بتاعت الكورنيش ؟

اقتباس:

المشاركة الأصلية كتبت بواسطة احمد على 1999 (المشاركة 599842)

و الله اعلم
من الواضح ليا من الصورة فى الرابط التانى ان الاكصدام كان لسة متقلعش من مكانه ( و مش باين عليه اثار اصطدام بالسور اللى باين عليه انبعاج و طق من مكانه بسبب الرشق فى الرمل )
غالبا العجل طلع على الرصيف و العربية طارت و خبطت فى السور ببطنها ( حتت من السور باينه واقعة فى الرابط الاول ) و نزلت رشقت فى الرمل و اثناء محاولة جر العربية الاكصدام اتخلع

فاحتمال و الله اعلم لو كانت مزودة بايرباج اللى حصل مش سبب كافى لفتحها

لما اعدت النظر فى الصورة اللى بالرابط الثانى اكتشفت ان الاكصدام فيها كان بالفعل طاقق من مكانه بس زاوية الصورة هيأتلى انه لسة فى مكانه
انما اثار الخبط فى السور على الاكصدام شبه منعدمة ( او بسيطة اذا مكنتش قديمة بسبب حاجة تانية )
بالتالى بقية كلامى ما زلت مقتنع بيه

و الله اعلم

رد: حد شاف حادثة النيو النترا بتاعت الكورنيش ؟

من حقه يطلب تعويض طبعا
ولو محامى شاطر يجيبله تعويض محترم جدا

فعلا
الكورى كورى مهما كان

رد: حد شاف حادثة النيو النترا بتاعت الكورنيش ؟

الالنترا واخده اكتر من جايزه في عام 2011 وموتت اللانسر والتويوتا ولسه بيقولوا الكوري كوري سبحان الله

رد: حد شاف حادثة النيو النترا بتاعت الكورنيش ؟

اقتباس:

المشاركة الأصلية كتبت بواسطة giver828 (المشاركة 600300)

من حقه يطلب تعويض طبعا
ولو محامى شاطر يجيبله تعويض محترم جدا

فعلا
الكورى كورى مهما كان

هو فعلا محتاج حد شاطر جدا بس مش محامى لأ مهندس شاطر جدا عشان يقنع المهندسين ان الاير باج المفروض يفتح بالرغم من عدم تحقق الشروط

الحمد لله انه مفتحش لان طلوع العربية على الرصيف و طيارنها اكيد سبب +g خلى راس الركاب و ممكن وسطهم ينزل لتحت و بالوضع ده لو الباج اللى فى الدركسيون و التابلوه فتح حيكسر رقبتهم لا محالة

ساعتها حنقول ايه ؟ الاير باج موت الناس !!!!!!!!!!!!!!!!!!!!!!!!! !!

رد: حد شاف حادثة النيو النترا بتاعت الكورنيش ؟

اقتباس:

المشاركة الأصلية كتبت بواسطة Mo7amed Elnimr (المشاركة 599542)

النهاردة الساعة اربعة نازل من بيتنا سيدى بشر بحر خلف المحروسة وطالع على الكورنيش لاقيت الدنيا واقفة وناس ملمومة واسعاف وبتاع عديت اتفرج لاقيت اللانترا واخدة الصورة ونازلة على الرملة :dzy:

http://imageshack.us/photo/my-images/696/elnta.jpg/

http://imageshack.us/photo/my-images/51/elanra.jpg/
الغريب بقى ان الاير باج مفتحش ايه ياترى ولا هى نزلة اصلا من غير اير باج ؟

"الغريب بقى ان الاير باج مفتحش"
يا باشا عادى زيها زى السيراتو....... انا شوفت 6 عربيات سيراتو عاملين حوادث مختلفة ومعظمها من الامام وفى منها مقلوب و مدغدغين على الاخر :00020080: ومفيش غير واحده بس الى الاير باج طالع فيها!!!!!! مع العلم ان العربيات فيها اير باج اصلا!!!

رد: حد شاف حادثة النيو النترا بتاعت الكورنيش ؟

لا حول ولا قوة الا بالله العلى العظيم
اللهم استر طريقنا جميعاً
اللهم احفظنا من شر الطريق
اللهم عوض صاحبها خيراً