مصر موتورز مجتمع السيارات - دلونى لانها عجبانى

مصر موتورز مجتمع السيارات (https://www.masrmotors.com/vb/index.php)

- جاك JAC (https://www.masrmotors.com/vb/forumdisplay.php?f=144)

- - دلونى لانها عجبانى (https://www.masrmotors.com/vb/showthread.php?t=73750)

رد: دلونى لانها عجبانى

يا جماعه مع احترامي للجميع العربيه من السلع المعمره يعني ممكن واحد يكون جايب عربيته من تلت اربع سنين ومش مزعلا ف حاجه فيقول العربيه الممتازه انا شايف ان الحكم علي اي عربيه لابد من استمرارها في السوق اكتر من عشر سنين فمثلا بمجرد ان احنا نقول ايه رايكم في تويوتا كرولا هيكون الجواب ايه مش محتاجه جواب اصلا ليه عشان العربيه معروفه جودتها فمش محتاج سؤال رغم ووجود عيوب ف بعض الموديلات بس سمعه العربيه وتوكيلها ع مر سنين وانطباع الناس ليها يكفيها انا معلش طولت عليكم بس عايز اقول ان في سوقنا المصري عربيات كتير اول مره تدخل سوقنا سواء هندي صيني ماليزي وغيرها كتير وعشان لسه جديده فمحدش قادر يقول انطباعه ورايه بصوره سليمه فانا افضل لصاحب الموضوع انه يقوم بشراء العربيات المعروفه ف السوق يعني شيفروليه لانسر تويوتا هيواندي نيسان كيا العربيات اللي لها اسم وسوق ومعروفه وانه ميشتريش سمك في ميه ده معلش هيدفع فلوس ومش فلوس قليله ده الاف الجنيهات اللي بيكون تعب فيهم ونفسه ف عربيه تريحه فانصحك بالماركات المعروفه بس ومتحولش تجرب اي حاجه جديده الا بعد عشر سنوات عارف ليه عشان الجيد هوه اللي هيستمر لفتره طويله ومعلش طولت عليك

رد: دلونى لانها عجبانى

يا جماعة انتو زعلانين ليه الاجابة بسيطة السيارة الجاك شكلها حلو والاوبشن حلو بس التوكيل فى الباى الباى فلماذا تغامر بفلوسك عند اعادة البيع!!!!!!!!!!!!!!!!!!!! !! وتسمع كلام مالوش لازمة مثل(يا عم الحج ديه عربويه صينى ههههههههههه) :12F099~16:

رد: دلونى لانها عجبانى

اقتباس:

المشاركة الأصلية كتبت بواسطة د.كمال (المشاركة 569987)

الجاك b15 من اسبوعين كان تمنها 82 الف والعربيه خاماتها متغيرتش من يوم منزلت حتى الان ......ومنزلش منها اتوماتك .
والاخ إللى بيقول خاماتها رديئه وتقفيلها سيئ .....الظاهر شاف عربيه تانيه غير الجاك . .

انا اكيد ما شفتش عربية تانية ولا حاجة زى ما حضرتك بتقول ولكن الظاهر ان انت ماشفتش العربية اللى كانت فى المعرض عامله ازاى اسوا ما يكون وبعدين انا ايه اللى يخلينى اقول كده على عربيه كانت عجبانى اصلا ولو هى حلوه قوى ايه اللى يخليها لغاية دلوقتى متنتشرش زى عربيات غيرها كتير وليه ادفع 84000 جنيه فى عربية زى دى ومانيوال طالما المبلغ ده يركبنى عربيات احسن منها كتير.

رد: دلونى لانها عجبانى

اقتباس:

المشاركة الأصلية كتبت بواسطة jojojojojo (المشاركة 570449)

:Bravo::Bravo::Bravo:

رد: دلونى لانها عجبانى

اقتباس:

المشاركة الأصلية كتبت بواسطة odaoda (المشاركة 570115)

بغض النظر عن قرارك النهائى الى ذكرتة

انا بس اتمنى من اعضاء جاك يعودوا لسكونهم تانى لان بصراحة اى حد بيخش يقول اى كلام وهو لا شاف العربية اصلا ولا ركبها
محسسنى ان احنا الى مش راكبين العربية
العربية بقالها معايا سنة ونص ومغيرتش قطعة واحدة من العربية وعاملة 25 الف كيلو للاخ الى دخل الاسبيرانزا فالموضوع
قرار شراء اى حد للعربية ميتوصفش بالساهل كدة
دة انا عربيتى معملتش معايا اى حاجة واقسم بالله مطلع عينيها فمطبات وسفر ونقر وشوارع زى الزفت ومشتكتش وعمرى ما قلت ولا هقول لحد انصحك بكذا
تخيل لو نصحتة بحاجة وطلعت مش عجباة تتحمل دعوة واحد؟؟؟؟؟؟؟
لكن بكل بساطة بنقول انصحك بكذااا !

واستاذ احمد معدى ال 60 الف كيلو ومغيرش حاجة برة العربية غير بلى العجل
وكل ملاك العربية الكرام تكاد تكون الشكاوى مبسطة
لكن اة الوكيل ضعيف انا مقلتش حاجة
لكن اى حد يخش يفتى ويقول خامات رديئة
وواحد يرد يقول مقبولة
بقيت حاسس انهم بيتكلموا عن عربية لا املكها
وبنفضل ساكتين ساكتين ونرجع مع اول موضوع نلاقى ناس تخش تقول اى كلام الى يكلم عن السعر والى يكلم الخامات الرديئة!!!!! رديئة!!!! رديئة ازاى طبلوة جلد وفرش جلد وصاج محترم لعربية ب 80 الف جنية
امال الدايو خاماتها تبقى اية؟؟؟؟ ولا الشفورلية افيو ودى شخصيا كانت معايا
بجد الواحد بقى بيخش هنا يتحرق دمة وبس لناس بتكتب كلام لا تعى معناة اصلا
عموما اتقوا الله فى كلامكواا

اولا انا لما قلت ان العربية خاماتها رديئه فده مكنش فتى زى انت ما قولت وانا قولت قبل كده ان انا شوفتها فى المعرض وكانت زى الزفت ومفيش حد خالص من اللى كانوا بيتفرجوا عليها عجبتهم نهائى ولما كانوا بيسالوا عن السعر من باب العلم بالشىء ويعرفوا انها ب 84000 جنيه ومانيوال كلوا كان بيضحك ( استخفاف طبعا ) لانه وببساطة كان البرتيشن اللى قدام الجاك فى المعرض كان بتاع البريليانس وكانو عارضين الاف اس فى الكامله الاوتوماتيك والاف ار فى الكروس الكاكله الاوتوماتيك ب 88000 جنيه وبعدين لو انت مش متقبل راى فى عربيه انا شايف انها سيئه يبقى ردك لازم يكون بلياقه يعنى مش لازم بقى كلام فتى ومش عارف ايه والحاجات دى احنا كلنا هنا بندى وجهات نظر واراء مش اكتر

رد: دلونى لانها عجبانى

ياجماعة إية الاختلاف الرهيب دة ! كل واحد يشترى اللى عجبة , و بعدين بلاش التعصب لحاجة معينة يار يت نكون موضوعيين شوية بلاش الاراء المطلقة فى كل حاجة و التعميم فى الحلو و الوحش . فى الاول و الاخر القدرات المادية هى اللى بتحكم على كل واحد فينا هيجيب إية !
كلنا نفسنا نركب بى أم و مرسيدس و هوندا وووووو
الموضوع ابسط من كدة !
بالنسبة لموضوع الخامات المستخدمة فى الجاك عن تجربة ووجهة نظر شخصية الخامات محترمة و جيدة جداً مقارنة بموديلات أغلى منها بحاجات بسيطة .
بالمناسبة العربية عاملة معاى 71000 كيلو و الحمد الله كويسة

رد: دلونى لانها عجبانى

اقتباس:

المشاركة الأصلية كتبت بواسطة ahmedchina (المشاركة 570802)

العرض المحترم لوجهات النظر لا يفسد للود قضية ابدا ولكن الكلام غير اللائق زى (الفتى - واتقوا الله وغيره ) طبعا لا يليق بمحاورات لائقة فة منتدى جدير بالاحترام زى مصر موتورز.
والله الموفق