|
رد: 128 و لا بلاش - خااااااااااايف
والله العظيم ابدا
عمر ما الـ 131 عملت الفلوس دى حتى ولو حالتها وحشة برضة مش بـ 14 الف الـ 131 العدلة فوق العشرين وموديلات السبعينات تدور حولين الـ 17 ==18 فنا من راى نستبعد نهائى الـ 131 ونشوف فلوسنا تجيب اية اولا بصعوبة لو لقيت لادا 2105 بالمبلغ دة لان موديلات التمانينات حولين الـ 17 الف طب تعالى بقى عندك الـ 125 لو جبتها بـ 12 الف هاتبقى حالة ممتازة وعلى فكرة الـ 125 نفس شغل لادا فى التحمل ويمكن اكتر شوية لان نظام التعليق الخلفى بتعها على ورق سوست مش يايات ومكنة كبيرة 1500 وعفشتها ناعمة وسلسلة ومعلومة البولندى فيها افضل من الايطالى نيجى لتانى اختيار فيات 124 والسعر للحالة الكويسة 11 او 12 الف والعربية دى لا غبار عليها نفس عفشة وبودى لادا ونفس المكنة مع اختلاف فى الشكل الخارجى فقط تالت اختيار بولونيز والحالة الكويسة فيها تعمل 14 الف وعربية شكلها حلو ونعمة شوية عن المقترح السابق وحاجتها رخيصة مش غالية وتفتقد الى شنطة بحجم مناسب |
رد: 128 و لا بلاش - خااااااااااايف
بص انا شايف ان كلام اخى مستر استرا صح بس المشكلة فى كذا حاجه هل هنلاقى قطع غيار متوفرة ورخيصه هل المشاكل مش كل شوية تنط لينا انا من رأى لو مصصمم خليك فى البلونيز عربيه شديده وتستحمل بس عيزة قوة شوية فى التعامل ويفضل انك تكون متعلم سواقة بس لو لسه متعلمتش يبقى اتعلم الاول على 128 على شان تعرف تسوق اى عربيه بعد كدا |
رد: 128 و لا بلاش - خااااااااااايف
اخى الكريم "
sayed2077 الـ 128 فى مشورنا دى متنفعش خاااااااااااااااالص مش ممكن .......انا مش متخيلها ابدا انة يمشى بيها هو واسرتة على طريق مصر اسماعيلية لغاية الدائرى وبعدين ياخد طريق دائرى المعادى عشان يوصل حلوان .........كدة مش صح ازاى بس هايقدر يمشى وسط المقطورات وهى محملة سن من الكيلو 90 او عتاقة ونازلة القاهرة .......انا بشوف بلاوى على الطريق دة ربنا يحفظنا منة انت متخيل وهو ماشى ورة قلاب وعمال بينزل منة سن خرسانة وهو فى ضهرة على طول موقف صعبب بعربية اقل ما يقال عليها انة ورقة على الطريق انا عارف ان فى حد هايقول انا بروح بيها هنا وهناك لكن الموضوع هنا بيختلف لانة بصفة دورية بامانة الـ 128 زى الفل فى وسط البلد عربية خفيفة وسريعة واقتصادية ...انما الطرق الصحراوية السريعة ليها تعامل محتلف وبتحدد حاجات كتير فى متطلباتك واسال مجرب لانى ياما طلعت ناس من عربيات فى حوادث على الطرق دى لدرجة انى عملت مشاركة هنا وانا قليل اما بعمل مشاركات او مواضيع وحذرت فيها من طريق السويس فى منطقة معينة الفكرة كلها ان العربيات الحجم الكبير بتكون امان شوية عن العصفورة 128 وربنا يستر طرقنا امين يا رب العالمين |
رد: 128 و لا بلاش - خااااااااااايف
انا تقريبا اتلخبطت بين الاخ صاحب الموضوع وموضوع تانى واحد ساكن فى العاشر من رمضان
بعتزر |
رد: 128 و لا بلاش - خااااااااااايف
اقتباس:
بس ممكن اسأل حضرتك سؤال انا بال 128 لو حبيت اروح بورسعيد او اسكندرية او جمصه بيها وانا مظبت كل حاجه يعنى مثلا ابقى مطمن انها متعطلش هل هيبقى فى خوف منها من حاجه تانية غير الاعطال فاهمنى |
رد: 128 و لا بلاش - خااااااااااايف
هاتروح مش هاتقول لا بس السفر بيها مغامرة
ربنا يستر طريقنا جميعا يا رب |
رد: 128 و لا بلاش - خااااااااااايف
على فكرة أنا كنت بجرب 127 وللأسف فعلا صغيرة جدا وبما إني صرفت نظر عنها فبدور على موديل تاني بس برضه أنا مش مقتنع أبدا بال 128 لأن الواحد بيتكلم عن عربية تستحمله في مشاوير طويلة هوا وأسرته 125 أفضل طبعا موتور أفضل وصالون واسع وعفسة قوية وإن كانت على حساب الراحة بس بالنسبة لقطع الغيار والصاج سعرهم أيه بالنسبة لل 125 والبولونيز دا غير استهلاك البنزين دا غير إني عايز أستفسر لو حد من الأخوة يعرف سعر رينو 9 أنا عارف إنها مش منتشرة بس صدقوني عن تجربة عربية حديثة وجميلة آسف للإطالة |
| الساعة الآن 10:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017