المشاركة الأصلية كتبت بواسطة mainz (المشاركة 561451)

معلش ياباشا قدر الله وما شاء فعل .... معظم الشعب المصرى عنده حته الامبالاه وناقصه كتير من الوعى الثقافى الى يااهله الى ان يتحمل مسؤليته الفرديه ومسؤليته الاجتماعيه بصفه عموميه مع نفسه ومع الاخرين علاوه على عدم وجود قوانين مرور صارمه وعدم وجود شوارع قيمه وواسعه ومؤهله لاستيعاب منظم للسيارات بقيود وبشروط معينه بالظبط زى النظام فى المانيا واروبا عموما .

المشاركة الأصلية كتبت بواسطة jojojojojo (المشاركة 561505)

انا من المنصوره برضه وعنيت زيك بالظبط في كل اللي انت قلته فعلا المنصوره بقت زحمه جدا القاهره طبعا ازحم بس عيب المنصوره انها بلد صغيره مش زي القاهره كبيره وومكن تروح المكان اللي انت عايزه من كذا طريق وانا برضه شاري عربيه زيرو من شهرين بالظبط وحصل معايا مواقف كتير جدا من سواقين تاكسي وميكروباص وموتسيكلات انا حكيلك موقفين كان في مظاهره بتاعت امناء الشرطه اما مديريه الامن اكيد حضرتك عارف وطبعا كان الشارع ده زحمه جدا يوميها فواحد قدامي لقيته مره واحده ريح علي بشكل مستفز المشكله انا قاعد اكلكسله بعد مريح بس هوه ولا هنا لحد منزلتله وقلتله حضرتك مش واخد بالك من حاجه اقلي في ايه اقلتله انت عربيتك مريحها علي عربيتي اقلي معلش اصل فرامل الايد مش مظبوطه قلتله طب اتفضل اطلع ولما شوفت الاكصدام لقيته اتبهدل ومره كنت ماشي علي اخر الماشيه من تحت في العيد ومره واحده وقفت عشان العربيات كلها وقفت واديت انتظار لقيت واحد راكب موتسيكل هوه ومراته وعياله داخل فيا من ورا المهم نزلت ببص علي الراجل ولسه هقول يا ابن التيت لقيت مراته راكبه ومسكه عيل لسه مولود وابنهم الصغير في النص(ده لو راكبين عربيه مش هتقضيهم) انا بامانه لما شوفت الموقف خفت اولا يكون حد فيهم اتذي وبعدين بصيت علي الاكصدام لقيته بس اتحك فقلت الحمد لله ومواقف تانيه كتيره انت لو شفت العربيه الوقتي تقول ديه بقالها سنين مش شهرين بس انا بقول برضه الحمد لله وقدر الله ما شاء فعل بس انا اكتشفت ان البلد ديه مينفعش فيها عربيات زيرو الواحد كان جاب 128 ونزل يخبط مع بتوع التاكسيات والميكروباصات والموتسيكلات هههه وانت لو حضرتك لاحظت هتلاقي كل العربيات اللي ماشيه في المنصوره مخبوطه او مجرحه والكل راكن صف تاني وتالت كمان وتلاقي بتاع التاكسي والميكروباص وقف في احي حته فجأه والاشارات ديه ملغيه من عندهم كأن العربيه نازله من غير اشارات اما بقا بخصوص العيال الصغيره فانت لو لاحظت مش هتلاقي ولا عربيه عليها اللوجو بتاعها كل متشال والخرابيش الله ينور وتلاقيه كتبلك اسمه وحفره علي كبوت العربيه والشنطه وقاعد يلعب علي سقفها ده انت ممكن في مره تلاقي العيال الصغيره دول مستنينك في العربيه مفيش تربيه ولا كانها حاجات ناس واننا تعبنا لحد مجبنا عربيه زيرو وتعتبر عربيه العمرودفعين فيها دم قلبنا ربنا يهدي المصرين ويحافظ ويبارك في عربيتنا جميعا

المشاركة الأصلية كتبت بواسطة blade2011 (المشاركة 561161)

انا باختصار باختصار لسة جايب العربية زيرو من تلت شهور بس والله تلت شهور عامة انا هاحى باختصار عن مشاكلى اللى هية فى الغالب مشاكل اغلب الناس هنة وهية بتتلخص فى اخلاق الناس اللى ماشية فى الشارع وهوة احنا لية بنعمل كدة يعنى انا عاوز افهم هوة :
1- لية سواقين التاكسى بيرموا على اللى جنبوهم من غير حتى اشارة او يطلع ايدة من الشباك وحتى لو هوة رفرفة الورانى لازق فى رفرك القدمانى بيغر حارتة لحارتك بدون ادنى اشارة منة ليك ان بيفكر اصلا يغير حارتة اللى هوة ماشى فيها والموضوع دة بالزات انا ملاحظة فى كل سواقين التاكسى الله اعلم دة فى القاهرة ولا لا بس انا ملاحظ انة سلوك عام هنة فى المنصورة عند كل سواقين التاكسى
2-هوة لية الناس لما بتركن بتركن قدام ملفات او مطالع وداخل شوارع وياخد كل مدخل الشارع لحساب اهلة الشخصى كانك شغال عندة ويقفل الشارع او ياخد نصة وتبقة عشان انتة تعدى وارد انك تحك فية باى طريقة لان البية مش مراعى ان دة مدخل شارع وان لو ركن فى مدخل الشارع الناس مش هاتعرف تدخل منة
طيب هاحكى موقف عصبنى بجد اوى انا مابارح كنت راكب العربية ومعدى من شارع جيهان فى المنصورة ودخلت جوا شارع فرعى بيطلع على المستشفى العام ثم لقيت واحد بيركن قعد ساعة يركن قلنا مش مشكلة ولا حاجة خلية يتعلم عادى المهم اذ افوجى وانا طالع ام المطلع اللى بيودى على شارع المستشفى العام بصف عربيات راكن قدامى مش مشكلة ماهوة راكن صح وعربية راكنة على يمينى بردة راكنة كويسة واخرى على شمالى مرسيدس واخدة بالضبط نصف المدخل والله نصفة ومدخل الشارع اللى انا داخلة لا يتجاوز 6 متر والشارع اللى انا طالع منة بردة لا يتجاوز 6 متر وكلها من الاخر حارات ديقة اوى مش مسحتملة يعنى فاللاسف حالباب اتحك فى اكصدام العربية اللى واخدة نصف مدخل الشارع وحصل عضعضة فى الباب اة هية خفيفة بس انا زعلت جدا عشان العربية لسة جديدة برغم انا اخدت المدخل دة على واسع اوى وحتى قعدت بتاع خمس دقايق احيط وارج مارش بس بردة كان لازم احك فيها طب السؤال بقة هوة احنا لية بنعمل كدة هوة لية راكن فى مدخل شارع من شارع لية اية السبب واية السبب ان احنا مش بنراعى بعضينا مش عارف لية هوة مابيفكرش ان ممكن يكون واحد تعبان بودية المستشفى ولازم ادخل الشارع او متاخر على شغلى لية الناس مابتراعيش بعضها للدرجة دى مش عارف المهم ماطلوش عليكم روحت ركنت العربية فى الشغل ورجعت للراجل فى حوالى 10 دقايق لقيتة مشى وكان نفسى اشوفة عشان اديلة كلمتين
3- لية العيال الصغيرة فى الشارع بتمسك المفاتيح والمسامير وماشين يعلموا على عربيات الناس يعنى هية دى لو عربيات اهاليهم هايعملوا كدة طيب نفترض ان ماحدش قالهم كدة غلط او عيب بس هوة بيستفاد اية لما بيطلع رغباتة المكبوتة فى عربيات الناس مش عارف
4-لية دايما الحبيبة والعيال اللى بياخدوا دروس مفكرين ان عربيات الناس دى كنب وطربيزات وسراير لازم يعدوا او يناموا عليها عشان لمجرد ان دى عربية فى الشارع ماهوة لو كل واحد فى البلد دى فكر ان العربية دى المركونة فى الشارع ممكن تكون عربيتة او عربية صاحبة او والدة او اى حد من عيلتة ماكنش فكر ان يعمل كدة
5-لية سواقة التاكسى والميكروباصات بالشكل المستفز دة يعنى هاقول على موقف اى حد طالع من تقاطع او ملف او دورران او مدخل يعنى مش طريق استريت لازم ثوانى بس يقف يشوف حتى اللى قدامة الطريق فاضى ولا لا خاصة فى مدخل الشوارع الرئيسية عشان لو حد فى طريقة مايخبطوش انا ماشى فى طريقى لقيت واحد بتاع فيرنا مستنى عشان بس يلاقى حتة تفضى يعدى قمت هديت وعديتة بعد لما عديتة لقيت عربية بيجو تاكسى راكب ورا الفيرنا الملاكى وعاوز يعدى حتى من غير اشارة ورغم انة شايف انا اللى راكب ورا الملاكى وانا اللى معدية بس هوة مصمم وقفت وشاورتلة مش هاتعدى بس لية بجد هما سواقتهم مستفزة كدة يركب على اللى قدامة يقف فى اى حتة وبدون مقدمات يركب عليك وانتا ماشى فى حراتك وبدون ادنى اشارات لا للتوقف ولا حتى يمين او شمال ولية دايما معتمد على الاخرين هوة يمشى الشارع دة ملكة والناس هية اللى تحاسب مش هوة اللى يحساب للناس ولما تكلمة يقولك رزق يعنى ربنا قالك لما تنزل كل يوم من بيتك عشان رزقك لازم تقرف الناس فى عيشتها بالشكل دة وقالك يعنى ماتلتزمش بقواعد او اشارات عشان البية مستعجل على الرزق انا مش عارف بجد
اخيرا بجد هوة احنا اخلاقنا مش هاتتغير بقة يعنى هانفضل كدة على طول مابنحترمش بعض ولا بنراعى بعض هانفضل كدة على طول لغاية امتى كنا بنرمى دايما همومنا على الحكومة انها وحشة ومش كويسة وبتعمل وبتسوى فينا وانا ماعكوا على طول حكومات مصر المتاعقبة ماجتش حكومة واحدة توحد ربنا عملت حاجة كويسة للبلد دى بس هوة الحكومة قالت بردة ماتلتزمش بقواعد المرور ولا تلتزم باماكن الركنات وقالت ماتحترمش الناس اللى ماشية فى الشارع قالت كدة اكيد لا اخيرا ان الله لايغير مابقوم حتى يغيروا مابانفسهم صح ولا اية