المشاركة الأصلية كتبت بواسطة aymangalal (المشاركة 548177)

افضل شىء طالما ان حضرتك عارف انك داخل فى شارع ضيق(او عربيت على الصفين) قبل ما تدخل شغل انتظار عشان اللى وراق مايستعجلكش او اشارة اتجاه الدخول
ومافيش افضل من (التأنى) ان شاء الله تدخل وتمشى كل 10 سم مهم جدا البطء فى دخول الاماكن الضيقة عشان لو حسيت انك ممكن تحك فى حاجه يبقى عندك الفرصة فى التراجع وتعديل الوضع وان شاء الله مع الوقت لو بتدخل مكان معين باستمرار هاتحفظ زاوية الدخول وتمر بكل سهولة واحتراف (عن تجربة):GROWIN~12:

المشاركة الأصلية كتبت بواسطة kastan (المشاركة 548169)

المشاركة الأصلية كتبت بواسطة mm_champion (المشاركة 547800)

لا طبعا مريت بالموضوع ده وكان مجنني , بس عملتله حل حلو أوي
بص يا سيدي تعالي في حتة فاضية شوية فيها عربية راكنة وخش وراها اول ما تحس انك هتخبط هدي السرعة على الأخر خالص ( يعني يدوب امشي دبرياج بس ) واعد اطلع شوية شوية , لحد ما بوز العربية يلصق في ضهر العربية التانية بس اوعا تخش جامد فيها ههههههههههههه , لو خايف هات حاجة تانية غير العربية بس انا بفضل عربية عشان الاسباب اللي هقولهالك دي
اول ما تسمع صوت التصاق عربيتك بالعربية التانية تقف على طول وخد بقى وقتلك وبص قدامك وانت قاعد , كدة هتعرف ان المسافة دي معناها ان العربية لصقا في العربية , بعد كدة ادي مرشدين وارجع شوية صغيرة وبص برضة , لحد ما تظبط مسافاتك , اعمل الموضوع ده في الرجوع برضه , هتلاقي انك عرفت ان المسافة دي معناها كام (سم ) من العربية اللي قدام واللي ورا وهكذا وبالممارسة هتلاقي نفسك لوحدك بتقدر المسافات , بس حاول تسوق كتير , مع تحياتي

المشاركة الأصلية كتبت بواسطة borio1704 (المشاركة 547995)

الحل في الموضوع ده هو إنك تحفظ أبعاد عربيتك وتقدر أبعادها كويس، وكويس إنك راكب عربية كبيرة لأنك كده بتتعلم على الأصعب، وبعد كده لو ركبت عربية أصغر حتبقى السواقة أسهل بكتير

أنا اتعلمت على عربية كبيرة شوية وكنت بسوق في شوارع ضيقة وكلها دورانات زي ما إنت راسم كده، والحمد لله... مرة بعد مرة بقى الموضوع مش مشكلة أبدا، لدرجة إن باقدر أدخل بالعربية في أماكن في ناس كتير بتخاف تخشها بعربيات أصغر

بس زي ما قالولك كده... حاول تتمرن في أوقات وشوارع رايقة، وفي الأول خد حد معاك عشان يقف برة العربية ويساعدك

...