رد: بنزين 80- 90- 92- 95 ايهما تفضل
 

أنا عن نفسي بعبي 92 دايما أداء حلو + سعر متوسط..وأحيانا 90 لو عايز أمشي الحال,
لكن عمري ما عبيت 80 ابدا ولله الحمد http://www.masrmotors.com/vb/images/icons/icon10.gif

طبعا انا عن نفسي عايز استخدم الــ 95 دايما ساعات بحطه في العربية بيخليها تطير من عالأرض..وصوت المتور بيبقى هادي..:Bravo:
بس سعره غالي نار :fun_36_3_4[1]:


:01FDAB~189:

رد: بنزين 80- 90- 92- 95 ايهما تفضل
 

92 أحسنهم نفس سعر 90 تقريبا

رد: بنزين 80- 90- 92- 95 ايهما تفضل
 

فى الافانتى بحط 80 غالبا .. واحيانا 92 .. وانا شايف ان الفرق ميستاهلش فرق السعر (الضعف) ..

انا شايف ان اداء الـ 80 بالنسبة لـ 92 هو 80 % ...


لكن اللوجان بحط 92 دايما ولو حصل وملقيتش 92 ومستعجل بحط 90 ...

الـ 92 افضل اكيد من الـ 90 ويعتبر مفيش فرق فى السعر (فرق 4 - 5 جنية فى الفل تانك) ...

رد: بنزين 80- 90- 92- 95 ايهما تفضل
 

92
انا عندى زياده فى استهلاك البنزين سياره اكسنت 1500 انجيكشن 99
سمعت ان 90 اتقل ومش بيطير وبالتالى مناسب ليا اكتر لان العربيه حوت بنزين عموما
هارجع ل 90

رد: بنزين 80- 90- 92- 95 ايهما تفضل
 

الحقيقة لما اشتريت العربية من الجمارك الراجل كان حاطط لى فيها لترين 80 يدوبك يمشونى. اول ما خرجت حطيت 90 ومن يومها مش حطيت غيرة. مش بحس ان العربية إذا كانت دايرة ولا لا والعربية ماشية كويسة ومفيش أى مشاكل معاه. ولو مش لقيت فى يوم 90 مش خسارة فيها 92 أنا مشاورى صغيرة جدا يعنى ممكن التنك 55 لتر يقعد معايا 6 شهور أو أكتر لانى مش بخرج بيها إلا كل اسبوع...

العربية ماتركس هيونادى 2001 كورى

رد: بنزين 80- 90- 92- 95 ايهما تفضل
 

بالنسبه للبنزيين في دولة الامارات
في
91 الهو هنا اسمو A+ و ده نادر الوجود موجود في محطات بنزين اسما ادنوك بس وده اقل نوع مفيش اقل من كده
95 السبيشيل
98 السوبر

عن تجربة لكل الانواع السابقة مع لانسر البومة 1600
2007
العربيه بتوصل لاعلي اداء و لل بور هورس 122 مع البنزيين 98 زي مامكتوب في الكالتلوج و فرق كبير جدا في تسرع و تجميع العربيه و مع الكيك دون او الدبل كليك بتاعت العربيه خصوصا لو مغير او منضف فلتر الهواء و البنزين ده بيمشي العربيه كتير لو بتسافر بيه لكن لو جو الزحمه بيطير اكتر من اي نوع

ال 95 متوسط في الاداء و متوسط في الاستهلاك و هو ده البينصح بيه في كتلوج اللانسر الخليجي او مافوق و هو ده الانا بستعملوا

ال 91 بيخلي العربيه بطيئه و مكتومه بس اكتر نوع بيشمي في الزحمه علشان دوسه البنزينه بتبقي تقيله بيه شويه ومش بستعملوا علشان العربيات هنا في شارع سريعه جدا و بمواتير اعلي بكتير و مش نقصه بطء خصوصا في طلعت الاشارات
السعر لتر
91 ب 1.61 درهم
95 ب 1.72 درهم
98 ب1.83 درهم

رد: بنزين 80- 90- 92- 95 ايهما تفضل
 

جربت ال92 السحب اكترمن رائع بس الاستهلاك فوق الفظيع
ال90 السحب اقل من ال92 واعلى شوية عن ال80 يعنى المفروض يبقى اسمة 85 مش 90 والاستهلاك اقل شوية عن ال92
ال80 بقى حبيب قلبى السحب يكاد يكون معدوم بس الاستهلاك مية مية