مصر موتورز مجتمع السيارات - الزيت المعدنى ...والزيت التخليقى وسؤال محــيرنـــى؟!!!

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

رد: الزيت المعدنى ...والزيت التخليقى وسؤال محــيرنـــى؟!!!

استاذه ريهام محتاج عدد(2) جركن اربعه لتر للسيارة BYD بحالة الزيـــــرو علشان انا وصديق لى هانعمل صيانة الالف كيلـــــو حسب المحادثه التليفونيه اليوم مع حضرتك
مع الشكر وتقبلى تحياتى

رد: الزيت المعدنى ...والزيت التخليقى وسؤال محــيرنـــى؟!!!

اقتباس:

المشاركة الأصلية كتبت بواسطة reh (المشاركة 525701)

السلام عليكم جميعا :

استاذ ابو هيما, دكتور/ منهرى صباح الخير الزيت التخليقى ده كمان زيت معدنى بس بيكون مضاف ليه اضافات معينه بتخليه مواكب اكتر للظروف المحيطه

وزن الزيوت التخليقيه اخف من الزيوت المعدنيه و دة بيسهل عمليه رفع الزيت على طلبه الزيت و يوصله اسرع و بالتالى يقوم بتزييت اجزاء المحرك اسرع و يحافظ على اجزاء المحرك و يطيل عمره.
الزيوت الخليقيه تسمح لها لزوجتها بتكوين طبقه على اجزاء المحرك عند توقف المحرك و بالتالى عند بدايه الدوران تكون اجزاء المحرك مغطاه بطبقه زيت فتقلل الاحتكاك حيث ان الزيت الذى تضخه الطلمبه يتاخر عن الوصول الى اجزاء المحرك لاجزاء من الثانيه فى هذه الاثناء الزيوت التخليقيه تقلل الاحتكاك ,
و قد تم عمل دراسه ان اكثر من 70 % من المحركات تنهار عمرها بسبب بدء دوران المحرك و الاحتكاك بين الاجزاء الداخليه للمحرك

و بالنسبه لموضوع ال flushing فا الطبيعى او النفترض ان حضرتك مع كل تغييرة زيت تحط engine flush او motor clean عشان ينضف الموتور و يزيل الترسبات القديمه و ده طبعا للسيارات اللى عملت اكتر من 50000 كم

أستاذة/ ريهام
أهلأً وسهلأً بك فى مصر موتورز وأنا شاكر جداً لمشاركة حضرتك بأراك فى موضوعنا هذا , خاصة وأنك تعملين فى مجال تسويق الزيوت وأكيد أرائك دى سوف يكون لها أثر كبير فى أثراء موضوعنا وأفادة الجميع أن شاء الله .

نيجى بقى لكلأم حضرتك ... هل معنى كلأمك أن الزيت المعدنى مش كويس كتر أستخدامه أو أنه هو صورة أولية للزيوت قبل تطويره ليصبح تخليقى ... وعشان كده عندى سؤالين
1) متى يجب أستخدام الزيت المعدنى وهل كثرة أستخدامه غلط على الموتور , وأيضاً متى يجب علينا التوقف عن أستخدامه ؟
2) أنا سمعت أن مينفعش أستخدام الفلأش ده كتير لأنه مضر بالموتور , وحضرتك بتقولى مع كل غيار زيت ممكن نستخدمه ,عوزين تأكيد على المعلومة دى من حضرتك ؟

رد: الزيت المعدنى ...والزيت التخليقى وسؤال محــيرنـــى؟!!!

النهارده رحت أغير الزيت اللى كان فى العربية وهو موبيل XHP50وعلى فكرة غيرته على 3500ك ونازل من العربية زى المية مفيش أى لزوجة خالص والزيت ماكنش أسود .يعنى لونه كان عسلى محروق , بس كان فيه ذرات صغيرة خالص تتحس بالصوابع وأنت بتفركه لونها أسود .. أنا بصراحة مش حابب الزيت ده وكنت بدور على زيت شيل الأصفر وذلك بعد شكر ومديح الأستاذ المناهرى فيه .. ولكن للأسف مفيش فى جنوب سيناء هنا محطات شيل فكان تدويرى عليه لشرائه من خلأل توكيل هيونداى وخاصة أنهم يستخدمون شيل وللأسف ماكنش عندهم غير ألترا ال 10000 ك.
المهم بقى أنا عملت حركة مغامرة وهبقى أقول لكم على نتائجها بس مش دلوقتى ولكن لما تاتى بثمارها .
أنا أشتريت زيت مصر1 SLمن مصر للبترول - العبوة بتاعته زرقاء وبتبقى متسلفنة ومرسوم عليها وجه نمر وعلى فكرة سعره 95 جنيه و بيتغير على 5000 ك .. أنا جبت الزيت ده عشان فى ناس كانت كتبه عنه فى النت وبتقول كويس وكمان حبيت أعرف أنا كمان أذا كان كويس ولأ لأ.
مبدائياً أنا مشيت بيه من شرم الشيخ الى نويبع حوالى 150 ك بعد تغيره , والأنطباع الأول مش بطال يعنى صوت المكنه كويس وأنا حسيت بليونة فيها . وكمان قلت يله أن شا لله ما عن حد حوش وأنعمت على العربية ببنزين 95 بعد ماكنت بأحطلها 92 .بس أيه طلقة فى الجرى:THUMBS~220:

رد: الزيت المعدنى ...والزيت التخليقى وسؤال محــيرنـــى؟!!!

اقتباس:

المشاركة الأصلية كتبت بواسطة ابو هيما (المشاركة 526093)

الزيوت التخليقيه بتستخدم للسيارات حتى 200000 كم و بعد كده بتبتدى توازن بين التخليقى و المعدنى للحفاظ على عمر الموتور و استخدام ال FLUSH كل مره مش صحيح لو النوع قوى فأنا مثلا عندى 3 انواع برشح للعميل كل نوع حسب استهلاكه للسياره و بالتالى الزيت و المحرك لو سيارة سيادتك حديثه مش هاتحتاج FLUSHING فى الاول بس بعد كده ممكن تاخد MOTOR CLEAN و بعد فتره تبتدى تستخدم ENGINE FLUSH و لكن ليس بصفه دوريه للحفاظ على عمر الموتور لفتره اطول

رد: الزيت المعدنى ...والزيت التخليقى وسؤال محــيرنـــى؟!!!

لسلأمك عليكم ورحمة الله وبركاته
أنا كنت وعدتكم أنى هأكتب رأئى فى زيت مصر للبترول اللى هو أسمه مصر وأن ولون الجركن بتاعه أزرق وعليه صورة نمر وسعره 95 جنيه ..بصراحة يا جماعة الزيت ده مهدور حقه فى مصر أو بمعنى أصح الشركة المنتجة ليه مش عملأ دعاية كويسة .. الزيت زى الفل , والله زى الفل وأنصح الجميع بأستخدامه , والله مش هأتندموا لأنه ذو كفأءة عالية وصوت الموتور والله هدىي كتير عن أيام ما كنت بحط موبيل XHP50.. صدقونى الزيت على ضمنتى وجربوا والله وهاتدعولى وكمان سعره أرخص .. وأى أستفسار أنا تحت أمركم (-:

رد: الزيت المعدنى ...والزيت التخليقى وسؤال محــيرنـــى؟!!!

فيرنا 1600 cc موديل 2007 تحط زيت liqui moli رقمة اية؟ وينفع ليها ولا لا
لانى روحت فى مصر الجديدة ميدان الجامع عند موزع معتمد قالى فى لفيرنا 2010 مالاقاش ل 2007 ودة بعد مادور على اللاب بتاعة
اية انا قولتلة ان فيرنا هى هى 2010 زى 2007 صح ولا انا كدة غلطMADDRIVE

رد: الزيت المعدنى ...والزيت التخليقى وسؤال محــيرنـــى؟!!!

السلأم عليكم ورحمة الله وبركاته
النهاردة أنا جايب لكم أخر تجاربى مع زيوت المحركات .. فمنذ حوالى أسوعين غيرت زيت مصر وان بزيت توتال كورتاز ال 5000 .. وكان ملأحظاتى عليه وعلى الزيت اللى قبله مصر وان كالتالى :
زى ما أنتوا عارفين أنا عايش فى جنوب سيناء والمسافة اللى بتحرك فيها هى ما بين نويبع وطابا , وهنا الطرق مفتوحة , يعنى السرعة كتير بتتجاوز ال 140 وهى دى كانت نقطة الفيصل اللى لأ حظتها بين النوعين من الزيت ... يعنى ببساطة كده زيت مصر1 وأنت ماشى على الهادى أقل من 120 جميل وصوت الماتور ناعم أما بقى وأنت على سرعة ال 140 أحس كده بصوت الكباس فى الموتور عالى وبيررزع لدرجة أنى كنت بقلق وبهدىء السرعة عشان صوت الرزع ده يخف شويه .. أما زيت توتال فهو أحسن لأن الصوت ده مبقيتش أسمعه حتى على سرعة 160 .. وعلى فكرة سعر الجركن 115 جنيه وهو على فكرة زيت جميل وأنصح به . يارب أكون أفدتكم وأكون سعيد جداً بقرأة تعليقاتكم وأرائكم SLAM