رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

ما انصحكش تروح لاي توكيل تاني لانك حتلاقي كلامهم كله واحد
انا عن نفسي مش حاصلحها لو عاوز رايي واسيبها كده
لكن لو مصمم تصلحها يبقى اسال مجرب وروح لواحد صنايعي محترم زي اللي بيقول عليه اخونا العزيز pharm45
طالما انه جربه وشغله طلع نظيف وعجبه يبقى اتوكل على الله وروح صلحها عنده ووفر فلوسك

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

قدر الله وما شاء فعل احمد الله على سلامتك .
والحمد لله الخبطه بسيطه جدا وممكن تعملها عند سمكرى نظيف ارخص من التوكيل بكثير
اما مين الغلطان فالمفروض لاقصى اليسار فقط مثلما كنت ماشى حضرتك ولكن من المعروف اذا شاهدت سياره كبيره الحجم وبتلف معاك اقف حتى لا يقفل عليه وعلى العموم هو درس ليك يا ريت تستفاد منه ومره ثانيه الف سلامه عليك

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

300 جنيه ليه؟؟؟اسمع كلامى وعند اى حد برة نضيييف ب50 جنيه ومن غير رش وبتاع التوكيل اللى بيقولك متنفعش على البارد دول عاوزين يكسبوا وخلاص ... تتعمل مش هتاخد فى ايديه ربع ساعة واى عيل صبى عنده ممكن يعملها...اسمع كلامى وشوف حد كويس يظبطهالك هترج ان شاء الله فبريكة لانها مش جامدة اووى وكمان مفيش رش ..يعنى عشان تصلح حتة زى دى فى التوكيل متجيش 10/1 من الرفرف ترش الرفرف الفبريكة!!!!:fun_36_3_16[1]:

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

ربنا قدر ولطف .. والخبطة الحمد لله بسيطة جدا ..
المهم انك بخير .. ومن المواقف دي بنتعلم ...

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

اولا تكلفة تصليح الخبطه دى بسيطه جدا ومش هاتكلفك اكتر من 40 جنيه بالتسخين والرد بالدق من الداخل
لكن حاول تشوف واحد ايده حلوه يعملهالك عشان ماتظهرش خالص

ثانيا
انت اللى غلطان لانك مابصتش فى المرايه وطبيعي العربيه النقل بتاخد الملف على الواسع وكان لازم انت تاخد بالك

وطبيعي جدا انك انت دايما اللى تاخد بالك من العربيات النقل لانهم بيبقوا فى دنيا تانيه واحنا بالنسبه لهم شوية نمل

وانصحك انك تمشي دايما فى الحاره الوسطي او فى منتصف الطريق

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

السلام عليكم يا جماعه
انا كمان لسه مستلمه عربيتى جديده اسبيرانزا 113 ولسه باتعلم سواقه عليها وللأسف الشديد حصل معايا نفس قصة الخبطة دى وخبطتها مرتين الأولى خبطه جاااااااامدة حزينه عليها اوى ولسه لم اصلحها والله المهم انا هاعرض عليكم اللى حصل فى المرتين وياريت تفيدونى هل انا الخطأ عندى ام الخطأ مشترك علشان اتعلم واتفادى اللى جاى ان شاء الله

• المره الاولى :

كنت ماشيه على التانى وواخده اقصى اليمين وبعدين لقيت عربية نص نقل واقفه فهديت واديته كلاكس وبعدين بدأت اخد شمال سنه عشان اطلع منه وفجأه لقيته بيطلع من غير ما يدينى اى اشارى لا يدوى ولا اضاءة ولا حتى كان عامل اشارات انتظار وهو واقف فطبعا خبط جانب عربيتى جامد واتكسر فانوسه الخلفى فقط اما انا الرفرف الامامى اتفعص خالص ومكان المرايه اليمين اتشرخ وهيقع من مكانه + تجريح بطول البابين اليمين لدرجه ان الباب الامامى مبيفتحش غير نص فتحه ومش قادره استخدمه خالص. وبعدين نزل وقالى تيجى ازاى دى وحرك لى العربية سنه عشان ما اتحكش فيه تانى ومشى.
المره الثانيه :
كنت ماشيه على التانى بردو وواخده يمين وكان فى ملف وانا مش هالف كنت هاكمل طوالى وبالتالى ما اديتش اى اشاره والطريق كان فاضى جدا فلقيت العربيه اللى ورايا فا المرايه مش عاجبها تقريبا سرعتى فحبت تتخطانى وبدون كلاكس ولا اشاره ولا اى مقدمات طلعت من شمالى زى الصاروخ ولفت الملف وانا اتفاجئت وفرملت لكن كنت اتخبطت فيها وانا مقدمة عربيتى اتجرحت بسيط وهى اتفعص الرفرف الخلفى بتاعها خفيف ونزلت تقولى انى غلطانه وكنت المفروض امشى فى النص لان اللى هيلف الملف بس هو اللى ياخد يمين فقلتلها انا مديتش اشارة انى هالف يعنى انا مكمله وانتى بتتخطينى وكان المفروض تنبهينى انك هتلفى باشارة لانى معرفش هتلفى ولا هتسبقينى وتكملى دوغرى فسابتنى ومشيت...:08da300846c84943 ae1

اسفه للإطاله لكن ياريت تعرفونى الغلط من مين ودعواتكم ليا فى التصليح لانى مش عارفه هيتكلف كام وهى لسه جديده

رد: لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره
 

قدر الله وما شاء فعل ولكن انتا اللي غطان واحسن حاجة ردها علي البارد زي رد الزملاء