|
رد: الشعب بيكره المجلس العسكري
اقتباس:
|
رد: الشعب بيكره المجلس العسكري
اقتباس:
|
رد: الشعب بيكره المجلس العسكري
عيني علينا ياأهل الثورة ياعيني علينا
بتوع كلام في كلام ياعيني علينا .... الاخت اللي بتقول ان الفيديو دا من 3 سنين ههههههههههههههههههه طيب ماهو ممكن واحد من اللي سلم عليهم المشير يطلع يقول انا اتصورت من 3 سنين مع المشير والجزير ماهتصدق تصوره وتكذب التلفزيون المصري ولا هي المسالة كلام وخلاص..... وشوف يااخي سبحان الله التفاهه والسطحيه في التفكير من بعض من ينتسب الي التحرير ... يترك ماقام به المشير ومافي موقفه من رساله طمئنه الي الشعب ان الجيش كان ولايزال مع الشعب بل هو الشعب نفسه .... ثم تجد السفاهه والتفاهه والسطحيه ممن يطلقون علي انفسهم زورا وبهتانا "ثورجيه" يتركون كل هذا ثم يتحدثون علي بدلة المشير واشياء اخري صبيانيه وان دل هذا علي شئ فانما يدل علي التفاهه التي يتمتع بها البعض .... |
رد: الشعب بيكره المجلس العسكري
زمان كانوا بيضحكوا علي الشعب وبقولو مبارك حامى مصر ولو سقط مبارك ولا مات مصر هضيع
وامريكا هتحتل مصر واسرائيل مش عارف ايه وكلام اهبل كتير رغم ان امريكا من مصلحتها ان مصر تبقى قوية واسرائيل اكثر حرصا على معاهدة السلام اكثر من المصريين وبعد سقوط مبارك نفس الكلام علي المجلس العسكرى لو راح مصر هتروح الى اخرى..... رغم ان ديستورية حكم المجلس العسكرى باطل لان الدستور بينص على حكم النائب الرئيس بعد الرئيس بعد كده رئيس المحكمة الدستورية بعد كده النائب العام مفيش جيش خالص والناس قالت مش مشكلة لانة حامى الثورة رغم ان المشير قال بنفسه فى المحكة ان مبارك مأمرش باطلاق النار يعنى الجيش حمي الثورة من ايه بالضبط ؟...... بعد كده المجلس العسكرى تحالف مع الاخوات لتمرير الاستفتاء علي تغير مواد الدستور والاخوان فهموا الناس ان اليقول نعم كده بيحمي مصر الاسلامية ودخل الموضوع منافسة بين المسلمين و المسحيين رغم ان التعديلات لم تحتوى على المادة الثانية البتنص ان الاسلام هو المصدر للتشريع ليه المجلس عمل كده علشان لو هيتعمل دستور جديد هيقلس من صلاحيات رئيس الدوية المجلس العسكرى واخد صلحيتها . وبعد كده استغل احداث السفارة الاسرائلية الهي فى الاساس غلطته لان مكنش فيه رد فعل من المجلس العسكرى ليهدأ من غضب المصريين بعد مقتل 6 جنود علي الحدود مع اسرائيل و بعد الاحداث طبق قانون الطوارئ وفقا للقرار الجمهورى للرئيس الخلوع سنة 2009 بتمديد قانون الطوارئ عامين ,يعني قرارات الرئيس الخلوع لسه شغالة , حاجة حلوة خالص .. رغم ان الاستفتاء التعمل على مواد الدستور بيقول لا يجوز تمديد قانون الطوارئ الا بأستفتاء شعبي وطبعا المجلس معملش برغبة الشعب وقلهم طزززززز وبعد كده المشير ينزل بالبدلة فى الشارع وكاميرا التلفزيون بالصدفة البحتة تصورة (بمدا حلوى الصدفة دية) ويخرج واحد على التلفزيون ويقول المشير الاصلح لحكم البلاد وبعد كده المشير يترشح للرئاسة بسسب رغية الشعب وينجح طبعا زى حسنى والكل الهيحصل بدل مكان محمد حسنى رئيس للجمهورية هيبقي محمد حسين ,لك الله يامصر |
رد: الشعب بيكره المجلس العسكري
ممكن افهم ايه معنى او مغزى او مدلول نزوله الشارع لوحده بالزي المدني
علشان الناس تتطمن ؟؟ تطمن من ايه .... ان المشير بينزل الشارع و لا انه عنده هدوم تانيه غير البدله الميري ولا ان الناس بتحبه وعايزاه وهو متأكد من كده علشان كده نزلهم الشارع و هو متطمن بعد ما خلع زيه العسكري او يمكن الناس كانت خايفه تنزل الشارع وقاعده مستخبيه في بيوتها و لما المشير نزل كله حينزل دلوقتي !! ولا انه رجل شجاع مقدام مش هامه حد فعلا حتكون تفاهه و سطحيه اني اصدق حركه ساذجه جدا زي دي ورساله ايه اللي حتوصل للشعب بعد ما شعرنا بالخذل والخديعه من يومين :cry2W9: يا ريت يبطلوا يتعاملوا معنا على اننا شعب من البلهاء :fun_36_1_28[1]: |
رد: الشعب بيكره المجلس العسكري
|
رد: الشعب بيكره المجلس العسكري
ياجماعه كل الكلام اللي بتقولوه ده قديم والله
انا عن نفسي حفظته وبمجرد مااشوف الاسم اعرف ايه الكلام اللي هيتكتب من غير مااقراه ... ياباشا الجيش لاحامي ولا بارد ... فكك بقي من حوار المجلس العسكري والسلطه والطحينه هات الجديد ايه عندك علشان البلد تتقدم ونخرج من المنحني اللي احنا فيه ... مش معقوله هنفضل ماسكين في شماعه الجيش ونسيب البلد بتقع والبورصه بتخسر خساير مخسرتهاش من ايام المخلوع والمقلوع والمفقوع ..... مش معقوله يبقي كل الكلام علي قديمه ومفيش جديد .... عايزين السلطه للشعب والاختيار للشعب ... بس أي شعب هل هو الشعب الموجود في التحرير ؟؟؟ ولا الشعب اللي طالع عين أهله علي لتر بنزين وانبوبه بوتجاز ؟؟؟ الشعب النشيط علي الفيس بوك والتويتر وبيعرف يهزر ....ولا الشعب المطحون كل يوم في دوامة الحياة في المراكز والقري والنجوع ؟؟؟ الشعب اللي بيقوم من النوم الساعه 10 ولما ياخد الشاور بتاعه يكون الفطار جاهز وبعدين يقعد علي الانترنت يبقي نشيط من النشطاء ..... ولا الشعب اللي بيقوم من الفجر ويفطر علي عربيه فول ويجري ورا الاتوبيس في الشارع علشان يوصل شغله ؟؟؟ ياجماااعه فكروا في البلد شويه مش كله عايز عايز ومحدش بيدي البلد .... ارحمونا وارحموا نفسكو شويه... |
| الساعة الآن 10:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017