|
رد: لانسر 1300 مستعمله ولا اسبرانزا M11 جديد
اقتباس:
طيب في ناس قالتلي ان M11 قطع غيرها مش موجوده حجات معينه يعني ده صح ولا ايه ولو سمحت ممكن تفهمني عيوبها ومميزتها بس بالتفصيل عشان افهم لأني لسه جديده في موضوع العربيات ده |
رد: لانسر 1300 مستعمله ولا اسبرانزا M11 جديد
خليكي في المضمون وبلاش المغامره لان اللي بيشتري الصيني بيبقي بيغامر وفي ناس اشتريتها وبسم الله ما شاء الله طالعين بيها السما وناس تانيه ندمانه علي اليوم اللي اشتريتها فيه
|
رد: لانسر 1300 مستعمله ولا اسبرانزا M11 جديد
اقتباس:
|
رد: لانسر 1300 مستعمله ولا اسبرانزا M11 جديد
رأى المتواضع --لحضرتك ياسيدتى:ان السيارة المتسوبيشى كما قال معظم الأخوة وكما وضحت سيادتك,إنها مستعملة حوالى 7سنوات ,وبطبيعة الحال الأستعمال فى مصر,إذن حالة السيارة بشىء او بأخر سوف تكون بنسبة 40% من ادائها ولسه استعمال حضرتك وهذه النسبة على سيارة مستعملة فى مصر تبقى هذه السيارة اذا ماقورنت بسيارة زيرو وفى مثل حالة m11 يبقى الأسبرنزا هى التى تكسب,وبمفهوم المخالفة يعنى لو حضرتك كنت هتشترى هذه السيارة اى المتسوبيشى بس تكون استعمال الخارج وبلذات اذا كان استعمال اوربى او امريكى اوياباتى وهذا القياس انا بدلل بيه لأنى بورسعيدى واعرف تماماً المستعمل من الخارج يبقى تشترى المتسوبيشى وان كان يجب ان تختارى مبين اكثر من سيارة وهذا كان متبع من سنتين فى بورسعيد ايام المنطقة الحرة ,معلش وجعت دماغك ,ولكن انا عارف ان الوضع مختلف عند حضرتك ولكنى اقصد مهما كان ماركت السيارة المستعملة فى مصر يجب ان تعلمى ان 90%من السيارات المستعملة فى مصر لن تكون بحالة جيدة إلا فى حالات نادرة جداً وذلك على عكس المستعمل فى الخارج الذى عندما تشتريه تشمى فيه رائحت الفبريكة زى مبيقولو,لذلك توكلى على الله وأشترى الأم 11 ,لأنها سيارة محترمة جداً شكلاً وموضوعاً ولن تندمى,كما ان هناك سيارات صينى فى نفس المستوى ولك ان تفاضلى وعلى راحتك وبهدوء وطبعاً ده متوقف على المبلغ المتاح مع حضرتك كما انه إذا كنتى بتحبى الأوتوماتيك هناك السيارة byd ,وهى سيارة فى منها اوتوماتيك وكمان هذه السيارة قطع غيارها رخيصة جداً ومتوفرة ولكى ان تعرفى ان موتورها هو موتور المتسوبيشى ولكن كمان 1600 سى سى وعفشتها هى عفشت السيارة التويوتا على ماعتقد وفى كل المعلومات عنها فى المنتدى المحترم مصر موتورز ,وكمان حضرتك ممكن تأخذى معك ميكانيكى وانت بتتفرجى عليها ليصدق على هذه التفاصيل بلنسبة للعفشة والموتور,وصدقينى لن تندمى ابداً---وربنا يوفقك فيما فيه الخير
|
رد: لانسر 1300 مستعمله ولا اسبرانزا M11 جديد
اقتباس:
|
رد: لانسر 1300 مستعمله ولا اسبرانزا M11 جديد
للا سف في ناس في المنتدي بتديك راي بناء علي الاسم وخلاص
لانسر 1300 يعني موتور كحيان وملاك ال 1300 عارفين الكم ده فتيسها الاوتو كله مشاكل وضعيف في السحب وفي المطالع علي الاخص + انها شغاله من 7 سنين الله اعلم بحالتها انا مش عارف اللي بيدي النصيحه بيديها بناء علي السمع وخلاص ولا علي تجربه |
رد: لانسر 1300 مستعمله ولا اسبرانزا M11 جديد
شوفي يا استاذه هبه
الرد دا بناء على التجربه اناشريت لانسر1300 منوال م\2004 يعني تقريبا نفس المواصفات الي حضرت ناويه عليها وكنت بفكر نفس تفكيرك وطبعا اصحابي مخلونيش ا فكر وبجد مش ندمان اولا صرفت كام عليها " نقل مكيه 960 جنيه تغيير 4 فرد كاوتش جي تي 1400جنيه سيرفس تغيير زيوت وسيوروشوية اكسسوار خفيف 700 جنيه غلطة صيانه كانت هتودييني ورا الشمس بس ربنا ستر 800 جنيه شوية ضبط في العفشه والاكسدامات 500 جنيه وان شاء الله فرش جلد كامل للعربيه والكراسي1300 جنيه انا وضحتلك االتجربه وحضرتك تقارني كلام الاعضاء كلهم مضبوط والكل عاوزك متندميش بعدين اناعن نفسي بعد كل المصاريف دي (ولسه ناوي اظبط اكتر) مش نادم لاني مش ممكن اي عربيه كوري و لا صيني تتحملني. في اجازة الصيف وصل العدد داخل العربيه والله 9 افراد ولعربيه ماشاء اتحملت. وخدت حاجه زي مطب توقعت ان العفشه اتدمرت بس بردو الحمد لله تمام قدري احتياجاتك والطريق الي هتمشي فيه والعدد الاقصى الفضولي الي ممكن يفرض نفسه عليكي ومستوى الرفاهيه والكمال الي بتتمنيه وربنا يوفقك للخير |
| الساعة الآن 10:50 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017