رد: عاجل 516 الجديده فعلا هتوقف حال عربيات كتير
 

بص اخى انا والله معى فيرنا ووالدى ام 11 ومن قبل لانوس الحمد لله كلهم زيرو الانوس بعناها كانت لانوس 1 تحفة الحمد لله راحت لصاحب نصيبها انا بالنسبة لى الأم 11 احسن من الفيرنا والانوس ده راى واحسن فى المجمل يعنى هتلاقى لكل واحده عيوب ومميزات بس احسنهم الأم11 بالنسبة لى وبحب اركابها كتير وابويا زهق منى لدرجة انى ان شاء الله لما اخلص اقساط الفيرنا هاخذ منه الأم11 ان شاء الله او هخش فى حاجه اعلى ربنا يسهل

اسف على الأطالة اصل الصراحة بحب المنتدى جدا وبحب كل اعضائة بالنسبة ل516 هى مع اخو زوج اختى والحمد لله مرياحه ومفيش اى شكوى ولكن كتجربه انا ركبتها من راس سدر للقاهره ملاحظاتى مقارنة بالفيرنا اوسع بكتير وخامتها احسن وتكيفها ما شاء الله مثل الفيرنا علشان مش اظلمها بس انا مشكلتى انى مش بحب شكلها الخلفى يعنى لو كان شكلها مختلف من الخلف كنت جبتها بدل الفيرنا بس والله سالت السواق وهو ماشى بيها اكتر من 300000 الف كيلوا وفاجئنى انه قعد يشكر فيها جدا وانه بيحافظ عليها باستمرار ومش بيبخل عليها كصيانة بس بره التوكيل طبعا علشان كده هى مريحاه الحمد لله طول الفترة الى فاتت ربنا يبارك له فيها وانا الصراحة طول الطريق كنت مرتاح جدا فيها علشان كده بستغرب من الناس الى بتهاجم العربيه دى بصورة مبالغ فيها كل عربيه فيها عيوب ومميزات كل واحد حر فى اختياره وطبعا رايه انا بحترم الناس الى بتهاجم بس شايف ان فى عربيات صينى بدات تكون كويسه ومناسبة جدا لسعرها وطبعا الى ظروفه يركب المانى او يبانى يركب وربنا يوفق الجميع:GROWIN~12:

رد: عاجل 516 الجديده فعلا هتوقف حال عربيات كتير
 

والله حضرتك كلامك محترم جداً
أنا بسأل علشان أنا في خلال شهرين حجيب وحدة مستعملة بإذن الله و كنت ناوي على فيرنا 2005
و أنا معك إن العربيات الصيني بدأت تثبت نفسها
بس المشكلة برد في التافيل ، يعني ال-BYD و البريليانس تافيل صيني و دة إلي مخلي مشاكلهم مش كتيرة ، عكس ال-516 اللي أبو الفتوح عمال يلعب فيها
طب الفيرنا عمل معك أيه ؟ ، و أدوس في الفيرنا 2005 ، ولا تنصحني بحاجة تاني ؟

رد: عاجل 516 الجديده فعلا هتوقف حال عربيات كتير
 

byd f3
تقفيل مصرى برده
الفيرنا والله عربيه كويسه برضه هى معى من 2008 الميزه الوحيده سحبها جبار وتكيفها محترم الصراحة تسارعها 100 100 بس الخامات مش اوى واختيار حتى لون الخامات مش حلو بس الحمد لله انا مركب فرش جلد وجنوط نفس مقاس الأصلى ومش تقيل والعربيه الحمد لله زى الفل بس بتحتاج ابص على مياه الريداتير كل فترة صغيره صدقنى كل العربيات الى بالسعر ده تحس انها متقاربه جدا مع اختلاف التصميم المهم تجيب العربيه حالته كويسه ان شاء الله ومبروك مقدما

رد: عاجل 516 الجديده فعلا هتوقف حال عربيات كتير
 

الموديل لم يتغير، ولكن حصل له Face Lift أو شد وجه فقط، وعادة ما تحدث هذه التعديلات قبيل تغيير الموديل بالكامل لمحاولة زيادة المبيعات، بحيث يظن غير المتخصصين أنه موديل جديد، أو قد يرغب بعض المشترين بنفس الموديل ولكن بتعديلات شكلية تجعل من الموديل القديم حديثا بعض الشيء

أوضح ما يمكن ملاحظته عند مقارنة السيارتين هو الأبواب، لإنها الشيء الذي لايمكن تغييره عند الحفاظ على هيكل السيارة
الاكصدامات والفوانيس والشبكة الأمامية كلها أجزاء سهل تغييرها دون تغيير الهيكل

قارن الصور
http://www.leblogauto.com/wp-content...ery_a5_isg.jpg
http://www.egyspeed.com/blog/gallery...16-2012_12.jpg


http://www.youm7.com/images/NewsPics...0107223354.jpg
http://www.egyspeed.com/blog/gallery...16-2012_14.jpg


من الممكن أن تضم التعديلات بعض التعديلات في الموتور أو في التجهيزات... ولكن هيكل السيارة الأساسي لم يتغير

,ولكني أعترف ... التعديلات قوية وشاملة ... والتطوير سريع جدا في السيارات الصينية بشكل عام، وفي "شيري" بشكل خاص




...

رد: عاجل 516 الجديده فعلا هتوقف حال عربيات كتير
 

(بسم الله) أخي العزيز...والله والله والله صور أكثر من رائعة وتوضح السيارة بأدق تفاصيلها_فإستحققت عنها شكرا"بدون أي جنوح للمجاملة الروتينية...ولكن ما هي أسعار 516 موديل 2012 الأن؟؟لأني قرأت هنا بالمنتدي أن أسعارها تم تخفيضها...وهل متاح منها بمصر الأن الجير الأوتوماتيك؟ وإذا فاضلنا بينها وبين ال byd f3 من حيث قطع الغيار فهل تفضل الأخيرة التي تناسبها أيضا"قطع غيار الميتسوبيشي والتويوتا وهي متوفرة بكثرة وبأسعار ممتازة؟؟ هذا للمقارنة البنائة التي قد تفيد الكثيرين من أصدقائنا أعضاء المنتدي المقبلين علي قرار الشراء لسيارة من هذه الفئة...
تقبل مني اخى الكريم شكر وتقدير وتهنئة مبكرة لك وللجميع بقرب قدوم عيد الأضحي المبارك.:fun_36_3_16[1]: :fun_36_3_16[1]: :fun_36_3_16[1]: :fun_36_3_11[1]::fun_36_3_11[1]::fun_36_3_11[1]:

رد: عاجل 516 الجديده فعلا هتوقف حال عربيات كتير
 

BYD أفضل صيني في مصر هي و بريليانس
سبيرانزا أفشل صيني في مصر
و بتجربة والله لناس معايا في الشغل و معهم 516 مطلعة عنهم

رد: عاجل 516 الجديده فعلا هتوقف حال عربيات كتير
 

شكلها حلو بس مينفعش نحكم عليها من غير مانجربها