رد: الميعاد المناسب لمقابلة الفيوم
 

معلش هارد عليك بالأزرق لأن اللون المفضل عندى هو الأحمر بس انت سبقتنى
أولاً تحياتى لك وشكرى الجزيل لسرعة ردك على أنا ومهند
ثانياً اللى أنا خايف منه وأعتقد معظم الأعضاء هو الحالة الأمنية بلا شك خاصة وأن البلد مازالت فى حالة عدم استقرار ، والطرق غير آمنه وإحنا قدامنا مشوار طويل من اسكندرية لغاية الفيوم وبعدين هاندخل فى الصحراء فى مناطق لا أعتقد إن فى حد بيزورها فى هذه الأوقات الغير آمنه ورأى الشخصى هو تأجيل هذه الرحلة لحين استقرار الأوضاع ، لأن أخشى ما أخشاه أن نبدأ الرحلة فى الموعد الذى سنتفق عليه وبعدين مانلاقيش ييجى عضوين تلاته بالكتير ، بغض النظر عن مئات المشاركات التى وضعت فى الموضوع ، وأنا ليه تجربة سابقة فى مقابلة بورسعيد
وإسأل الأستاذ حازم شاهين

رد: الميعاد المناسب لمقابلة الفيوم
 

انا بدعو كل من عنده قلق من الحضور انه يعبر عنه

اذا ثبت انه ناس كتير قلقانه يبقي ناجل وخلاص ارجو الاستجابة

رد: الميعاد المناسب لمقابلة الفيوم
 

رد: الميعاد المناسب لمقابلة الفيوم
 

شكرا يا مهند على الاستطلاع
و كريم على
0108183801

رد: الميعاد المناسب لمقابلة الفيوم
 

السلام عليكم يا شباب اخيرا عرفت اللاقى الموضوع انا تهت فى الموضوع التانى من المشاركات مفهمتش من الموضوع التانى شئ لان في 134 مشاركة منهم 70 متفقين على يوم 20 و باقى المشاركات على يوم 27
وهنا ناس موش فارقة معاها ان الميعاد يكون يوم 27 انا عن نفسى كنت اأمل ان الميعاد يكون يوم 20 لان انا بحالات موش بضمن انى اكون فاضى كتير عموما قدر الله وماشاء فعل
بالنسبة للامان الطريق امان لغايه الساعة 11 بليل بعد 11 معرفش ايه النظام
بالنسبة للامان لوادى الريان يوم الجمعة لو احنا جروب 5 عربيات او اكثر خلاص يبق مفيش مشكلة لكن اقل من 5 عربيات الموضوع هيكون مشكوك في الامان بتاعه علشان كده لازم نتأكد ان فى 5 على الاقل واخدين قرار انهم ييجوا وعموما السر فى العدد 5 ان مفيش حرامى عبيط هيهاجم جروب من الناس وخصوصا اننا هنمشى جنب بعض ومش هنبعد عن بعض فى الطريق ان شاء الله
ومفيش مسلمين ولا مسحيين بيتخانقوا عندنا والحمد لله
وانا كنت يوم السبت فى القاهره عندكم مع زوجتى وامى بالعربية الصغيرة أى10 ورحنا للدكتور عيادته جنب التحرير ورجعنا بعد أذان العشاء والحمد لله الطريق كان امان لكن اعتقد ان الصح انكم متتأخروش عن 9.30 علشان تكونوا فى الامان
وطبعا فى قوانين للسفر الان يعنى متقفش ل اى حد على الطريق لو كنت لوحدك فى الطريق ومفيش عربيات غيرك لان ممكن يكون الشخص ده عاوز يؤذيك ولو حد عمل معاك حركة غدر بتجرى منة وتمشى على 140 وتخلية ميشوفكش تانى الا بعد ما توصل وهكذه والكلام ده فى اى طريق فى مصر موش عندنا بس لان زى ما انتم عارفين ان فى انفلات امنى فى كل مصر لكن علشان محدش يخاف زى مقولت لكم كله تمام وعلى ضمانتى لو اتبعتوا كلامى
1- اللى يحضر يكون 5 مشاركين او اكتر
2- نمشى مع بعض
3- المرواح للقاهرة يكون بدرى علشان سلامة الرجوع

رد: الميعاد المناسب لمقابلة الفيوم
 

أستاذ سيف
أستاذ مهند
انا ليا رأى ممكن لا يتوافق مع رأى الاغلبيه...خصوصاً ان الناس استعدت نفسياً لرحله جميله زى ديه...
رأيى ان اللقاء يتعمل ف مكان عادى زى كل شهر ( كافيه محترم على سبيل المثال) و بدون الاسره...و نأجل رحلة الفيوم مع أسرنا للقاء اللى جاى بعد شهر مثلاً لحين استقرار الحاله الامنيه...
و فى كل الاحوال انا ملتزم بالمكان اللى تستقروا عليه
واتمنى انى احضر فى حالة الميعاد يتوافق مع ظروف عملى ان شاء الله

رد: الميعاد المناسب لمقابلة الفيوم
 

انا نفسي بجد احضر واتعرف عليكم جميعا
بس انا امتحاناتي هتخلص 23/6
كنت اتمني احضر واروح الفيوم واشوفها لاني نفسي فعلا اشوفها