رد: هو لية سيارة الاتوماتيك بتكون اسرع من سيارة المانيوال
 

رد: هو لية سيارة الاتوماتيك بتكون اسرع من سيارة المانيوال
 

دايما معروف ان السياره المانيوال اسرع وسحبها سليس فقط فى اول وتانى غيار لكن بعد كده المانيوال والاتوماتيك بيتسوا تقريبا الكلام ده لو العربيتين سعته كل ماتورها متشابهه وقوه الماتوريين فى الاحصنه متشابه
لكن فى اغلب السيارات الاتوماتك الحديثه زات السعات التريه العاليه وزات القوه الحصانيه العاليه مثل 2000سى سى قوه 150 حصان مثلا اتوماتيك هتكون اسرع وسحبها اسرع وعزمها اشد من المانيوال زات 1600سي سي صاحبه 100حصان

رد: هو لية سيارة الاتوماتيك بتكون اسرع من سيارة المانيوال
 

يا باشا
أنا كان عندى 127 , مافيش أى حاجه 1600cc كورى أوتوماتيك تقدر تطلع منى .
نقول أية تانى ....

رد: هو لية سيارة الاتوماتيك بتكون اسرع من سيارة المانيوال
 

المانيول اسرع

رد: هو لية سيارة الاتوماتيك بتكون اسرع من سيارة المانيوال
 

- اسمحوا لى اختلف مع كثير من الردود السابقة
- المحصلة النهائية لتسارع الاتوماتيك افضل من المانيوال
- بفرض ثبات نفس العوامل و الظروف بأختصار
- لو عربيتين نفس الموديل والماركة نقيس ونجد الاتى :-
- تسارع المانيوال من التوقف للحركة افضل من الاتوماتيك
- لكن بعد سرعة معينة نجد الاتوماتيك تتفوق على المانيوال بفرض كفائة السائق
- اتمنى ان تكون الفكرة وصلت
- كما ان الاتوماتيك - بفرض المحافظة على الصيانة الدورية وكفائة السائق - تعمل دون تدخل الانسان فى حساب كميات البنزين
- فكيف تكون الاتوماتيك اكثر استهلاكا ً للبنزين من المانيوال ؟!!

رد: هو لية سيارة الاتوماتيك بتكون اسرع من سيارة المانيوال
 

أختلف معك ,
و لم توضح من التوقف للحركة حتى سرعة كام ؟
و بعد سرعة معينة ....؟؟؟ أغلب الموديلات الأوتوماتيك العادية فى مصر 4 سرعات و المانيوال منها 5 .
تحياتى.

رد: هو لية سيارة الاتوماتيك بتكون اسرع من سيارة المانيوال
 

المانيوال اسرع من الاتوماتيك طبعا ده شئ اكيد ومفيهوش كلام (طبعا لما نقارن عربيتين نفس النوع ونفس الموتور ولكن الفرق فى الفتيس) ...

وده ليه اسبابه :

نظام نقل الحركة المانيوال .. ده نظام ميكانيكى فقط يعنى مفيهوش اجزاء الكترونية او هيدروليكية نهائى (باستثناء ان الدبرياج بيكون هيدروليك فى بعض العربيات) .. وكون المانيوال نظام ميكانيكى بحت .. فده يخلى العزم اللى طالع من الموتور يروح للعجل كله بدون اى فقد يذكر .. وكمان بيتيح تجميع ممتاز للسرعة ..

وكمان المانيوال بيعطى تحكم افضل فى العربية وتسارعها ..

ولكن الفتيس الاتوماتيك (المعتاد) قايم على منظومة هيدروليكية والكترونية ..

وبينتقل فيه عزم الموتور عن طريق حاجة اسمها "محول العزم" (اللى بيحل محل الدبرياج) بطريقة هيدروليكية (بضغط الزيت) وده بيسبب فقد جزء من عزم الموتور ..

تجميع السرعة فى الاتوماتيك ضعيف بطبيعته علشان كده بيناسب السواقة الهادية ...


بس المانيوال محتاج سواق ماهر علشان يعرف يستفيد من مميزاته .. هى دى الفكرة ...