رد: العربيه مخنوقه
 

هههههههههههه

معلش اصلى كنت بكتب امبارح وانا مجهد جدا علشان كده كنت مهيس شوية

انا اقصد لو الخنقة دى جت معاك فجأة يبقى صعب تكون اسطوانة وديسك .. لان الاسطوانة بتتآكل بالتدريج ومينفعش تفوت كده من يوم وليلة ..


كلامك صحيح طبعا .. بس واضح ان انت مفهمتش كلامى كويس ..

انا كنت بقصد انك تحاول تطلع ع الاول بس ما تدوسش بنزين جامد بحيث العجل اللى ورا ميزحفش ..

فاذا قاومت العربية (بسبب ان العجل واقف وبالتالى هيوقف الموتور) يبقى كده دبرياجك تمام ..

اما لو العربية مقاومتش جامد (كده كده لازم تقاوم معاك) يبقى كده ممكن يبقى فى تفويت فى الاسطوانة .. يعنى العجل واقف فالمفروض يفرمل الموتور معاه ولكن فى تفويت فى الدبرياج ...

اتمنى تكون فهمت قصدى ..

لو مفهمتش اوى اقولك حاجة اسهل :

هات قالبين طوب ولا حاجة وحطهم ادام العجل الامامى وحاول تطلع بالعربية ..

لو العربية طلعت معاك بسهولة وجمعت سرعتها على طول يبقى تمام .. غير كده يبقى فى تفويت ...


من الاخر .. الفكره انك بتحمل جامد على العربية وتشوف هتقدر تقاوم وتطلع ولا لأ ..

اقتباس:

هاجى برضه للسؤال اللى سألته كذا مره وانت مخدتش بالك منه...بالنسبه لحساس الايدل..مفيش فيه اى مشكله لو استنيت عليه فتره لغايه لما ابقى اصلحه..

لا مفيش مشكلة .. هو بس ممكن (مش اكيد) يزود استهلاك البنزين شويه ..

عموما حاول تنظفة بالاسبراى (زى الفيديو كده) وغالبا العيب هيظبط معاك بعدها .. احتمال كبير تكون مجرد وساخة فى الحساس مش اكتر ..


انا تحت امرك فى اى وقت يا باشا وارجو انك تسامحنى على التأخير ..

رد: العربيه مخنوقه
 

رد: العربيه مخنوقه
 

مش عارف ايه موضوع الشتا ده ؟؟ دى بورسعيد غرقت النهاردة وامبارح ...

المهم الحمد لله كويس ان العربية ظبطت معاك .. بس هل رجعت زى الاول ولا ليه مش اوى ؟؟

عموما يا ريت تروق عليها وتنضف البوابة والايدل زى ما قلتلك وتغير فلتر البنزين وانت باذن الله هتحس بفرق رهيب ..

وطبعا ممكن تحط مياه خضرا وبلاش تحط مياه من الحنفية علشان متعملش صدأ وتسخن العربية ..

الميه الخضرا افضل بكتير ...

ولو عاوز تغيرها .. حاول تدور على طبه فى الريداتير من تحت (مش عرف بصراحة مكانها فين عندك بالظبط) .. وافتح الطبه دى هتلاقى الميه بدأت تنزل .. سيبها لما تخلص وبعدين دور العربية لمده 30 ثانية تقريبا علشان تطرد الميه كلها من الدورة .. وبعدين ركب الطبه تانى وحط الميه الخضرا بتاعتك ..

رد: العربيه مخنوقه
 

http://store2.up-00.com/Mar11/dkK65280.jpg

دلوقتى انا بحط مياه فى القربه اللى عليها السهم..انا مش عارف بقى ازاى انا هحط المياه الخضرا دى فى الردياتير..معلش ياحسام باشا بتعبك معايا

رد: العربيه مخنوقه
 

هات مياه خضرا اسبانى ...

ولما تفضى المياه القديمة زى ما قلتلك .. دور العربية وبسرعة ابدأ حط المياه الخضرا فى القربة واحده واحده لغاية لما يثبت منسوب الميه على علامة max ..

لو حاسس انك محتاس .. شد على اقرب ورشة ريداتير وخليه يعمل الفيلم وده واديلة 10 جنية ...

صحيح .. انت نظفت الريداتير من الصدأ النهاردة ازاى ؟؟؟؟

رد: العربيه مخنوقه
 

ايوه نضفته النهارده...وناوى يومين كده وانضفها علشان تكون جابت كل الميه اللى فيه صدأ..
بس ان عندى مشكله..انا حوالى كل اسبوع كده بزود مياه فى القربه..الميه عندى بتنقص..هل لما احط المياه الخضرا دى المشكله دى هتروح ولا هفضل اذود كل شويه..ومعلش ياحسام باشا..هيا المياه الخضرا دى هتنزل فى الرداياتير ولا مش هتنزل

رد: العربيه مخنوقه
 

اعمل غسيل ريداتير ودورة الميه تانى لزياده التأكيد (الطريقة من هنا) ...

وبعدين فضى الريداتير ودورة الميه خالص وابدأ حط الميه الخضرا فى القربة والعربية دايرة ...

وطبعا الميه هتنزل فى الريداتير باذن الله ...