مصر موتورز مجتمع السيارات - والله العظيم زهقت

مصر موتورز مجتمع السيارات (https://www.masrmotors.com/vb/index.php)

- A 516 (https://www.masrmotors.com/vb/forumdisplay.php?f=187)

- - والله العظيم زهقت (https://www.masrmotors.com/vb/showthread.php?t=51067)

رد: والله العظيم زهقت

الحمد لله انها جات فى العربية ومحصلكش انتة حاجة
قول الحمد لله
واهدى كدة ومتفكرش وانتة فى حالة النرفزة دى عشان تعرف تفكر كويس

رد: والله العظيم زهقت

ربنا يصبرك يا ا . باسم
بس تاكد ان ده خير ...ازاي؟؟
قضي اخف من قضي واحمد ربنا انها جات في الحديد ( العربيه)

رد: والله العظيم زهقت

هو فيه ايه يا عم الحج, انت ايه اللى بيحصل معاك ده انت حد باصصلك فى العربية دى انا رأيي انك تسيبها كده كام يوم عشان اللى عينهم تبقى تتشال من مكانها دول يحسوا على دمهم وبعدين ابقى شوف هتعمل فيها ايه وانا من راى حازم خضر انك مكنتش سيبت الراجل , انا مش بسخنك بس انا لو مكانك كنت قطعتله رجله اللى مداستش على الفرامل وبعدين فى حالتك مش بفى تقولى راجل كبير ده لو ابويا اللى خبطهالى هدفعه تمنها , وانت لما خبطت البيجو يوم المقابلة الراجل مسابكش الا لما دفعتله حق التلفيات .

لكن فى النهايه احب اقولك ان اللى انت عملته احسن بكتير وصدقنى ربنا هيعوضك بخير كتير .GIFT4U

رد: والله العظيم زهقت

اقتباس:

المشاركة الأصلية كتبت بواسطة hazem_khidr (المشاركة 386179)

لا حول و لا قوه الا بالله
معلش قدر الله و ما شاء فعل
اهم حاجه دلوقتي سيب العربيه كام يوم بالمنظر دا
علشان تاخد العين
و بعدين ابقي صلحها
بس بصراحه انا لو مكانك مكنتش مشيته الا لما يدفع تمن اللي خبطه
و دا حقك و تسمعش حد يقولك تقبل عوض و الكلام الفارغ المتخلف دا

كنت حاقول نفس الكلام...وربنا يعوض عليك

رد: والله العظيم زهقت

قدر الله وماشاء فعل
والحمد لله انها بتيجى فى العربيه

رد: والله العظيم زهقت

اقتباس:

المشاركة الأصلية كتبت بواسطة BASSEM BESO (المشاركة 385934)

والله الواحد مبيعرفش يفضفض ويشكى همه غير الى الله اولا والمكان ده ثانيا طبعا معظمكم عارف بموضوع الحادثه اللى كان من 3 اسابيع لعربيتى وانا رايح مقابله اسكندريه والحمدلله عملت العربيه وخدت اللى حلتى كله وكملى عليهم والدى واستلمتها امبارح الساعه 12 الظهر وركنتها تحت البيت والشارع واسع ولسه مكملتش طلوع للشقه وسمعت صوت خبط جامد جدا نزلت تانى لقيت عربيه 128 اخدت الباب الشمال ( باب السائق )فى عربيتى بضهرها ومبقاش نافع وجزء من الباب الخلفى وصاحبها راجل كبير ولا هو هنا طبعا محستش بالدنيا ولا اللى فيها وبأحساس لاشعورى منى رميت الريموت والمفاتيح كلها والرخصه فى الأرض وروحت اصلى الضهر وقولت لعمى ياخدها يرميها فى اى جراج مش عايز اشوفها لحد ماربنا يهدينا واقدر اسيطر على نفسى من تانى واللى شوفته فى الشهر ده مع العربيه مشوفتوش طول السنه ونص اللى قعدت معايا العربيه فيهم وانا اسف انى طولت عليكوا بس حقيقى ملقتش حد اشكيلوا همى غير فى بيتى التانى والحمدلله على كل شىء وحسبى الله ونعم الوكيل وربنا يعوض عليا

قدر الله ما شاء فعل
لو علمت الغيب لاخترتم الواقع
لا سمح الله ممكن كنت لو خرجت بيها حصلك مكروه لا قدر الله و ربنا فداك

رد: والله العظيم زهقت

الحمد لله انها بتيجى فى العربية والفلوس كلة يتعوض ان شاء الله وربنا يخليك لحبايبك يا ريس