رد: متابعه يوم بيوم ل فك ماتور و عمل طقم شنبر
روحت طريق هريه اه مفيش هناك الا الكارونه اللى اكسها رفيع واللى اكسها تخين كارونه بطيئة مش هتسد مع الموتور اللى راكب عندي
و سمعت كلام غريب من الراجل اللى كنت شوفت عنده بيقول ان اللى فى السوق كله كوارين بولينيز و متعدله علشان تبقي 131 و بتتباع على انها 131 معرفش مدي صحه الكلام ده وربنا ما يوريش حد الغلبه اللى انا فيها بس ان شاء الله ان مستبشر خير وربنا مش بيضيع تعب حد لما بيسعي و يجد فى السعي |
رد: متابعه يوم بيوم ل فك ماتور و عمل طقم شنبر
اقتباس:
المنطقة مليانة ناس مش واحد بس عندك امتداد وادي النيل وانت رايح على الزرقية والشوارع الجانبية منه يمين وشمال وطريق هرية وانت رايح على المزلقان وبعد المزلقان فيه واحد على الشمال قدام النصبة بتاعت الكوبري وفيه كذا واحد وراه وبعدين على الطريق نفسه قدام اول المنزل اللي بيتعلم للكوبري وبعدين بقى وانت داخل على هرية |
رد: متابعه يوم بيوم ل فك ماتور و عمل طقم شنبر
رحت لواحد بس وده الميكانيكي قال لي لو هيكون فيه هيكون عنده
( خلي بالك ان السوق فيه قطع غيار مستعمله مش استيراد بتكون متقطعه من العربيات التاكسي اللى دخلت الاحلال وكمان ممكن من عربيات ممكن تكون مسروقة ) |
رد: متابعه يوم بيوم ل فك ماتور و عمل طقم شنبر
كرونه البولونيز مش محتاجه تعديل هي نفسها كرونه ال 132 و اعتقد تركب علي ال 131
و لو موجوده اعتقد انها افضل حاجه تشتريها لان موديلات البولونيز اعلي من ال 131 و بالتالي اكيد مش مستهلكه قد ال 132 . اما بالنسبه للكرونه السريعه و البطيئه مش حتفرق كتير معاك البطيئه بتديك عزم اعلي و سرعه قصوي اقل في حدود 10كم/س فقط يعني مش فرق شاسع |
رد: متابعه يوم بيوم ل فك ماتور و عمل طقم شنبر
يعني ايه روديه ؟ و يعني ايه فورش ؟
|
رد: متابعه يوم بيوم ل فك ماتور و عمل طقم شنبر
الميكانيكي قال لي ان الماتور عندي 1600 و اتنين كامه و ان الكارونه البطيئة ه تحجم العربيه و مش تخلي الماتور ياخد راحته
يعنى لو مش لقيت كرونه الفيات 131 واتعرض عليا كرونه بولونيز ( اللى عرفته ان اللى بيتغير فيها بس قواعد الشدادات اماكنها بتتغير ) وكرونه 132 2000 سي سي ( هل تعتبر افضل ) او ياباني اختار ايه؟؟ |
رد: متابعه يوم بيوم ل فك ماتور و عمل طقم شنبر
الميكانيكي اعتذر عن المشوار فتم تأجيله للاسبوع القادم ان شاء الله
|
الساعة الآن 02:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017