مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- M11 , M12 (https://www.masrmotors.com/vb/forumdisplay.php?f=190)

- - JAC B class و لا M 11 (https://www.masrmotors.com/vb/showthread.php?t=48680)

رد: JAC B class و لا M 11

الجاك اوسع شوية من الام 11
الكماليات واحدة تقريبا
الشكل مسألة زوقية و لكن الاثنين متقاربين تقريبا
سعر الجاك اكتر من الام ب 10 الاف جنيه
قطع غيار الام اكثر انتشارا

رد: JAC B class و لا M 11

للعلم الفيديو بين تصنيع السيارتين غير عادل
لان انا متأكد ان مصنع شيري في الصين برضه روبوتايزت
عموما اغلى عربيات في العالم بتتصنع يدوي زي ما شوفت في مصنع مصر مش روبوتايز

رد: JAC B class و لا M 11

اقتباس:

المشاركة الأصلية كتبت بواسطة mmffor (المشاركة 366100)

مصنع اقوي عربيه في العالم و هي لامبرجيني مصنع يدوي بيشتغل فيه 45 عامل بس وانتج من 2001 لحد وقتنا ده 3789 عربيه بسسسسسسسس

رد: JAC B class و لا M 11

اقتباس:

المشاركة الأصلية كتبت بواسطة pharm45 (المشاركة 366042)

انا رأى ان الاسبرانزا M11 أحسن بكتييير وشكل التابلوه بتاعها أحسن وقطع غيارها متوفرة بكترة عن الجاك اللى مشوفتهاش خااالص فى مصر

ألف شكر ليك يا باشا

رد: JAC B class و لا M 11

اقتباس:

المشاركة الأصلية كتبت بواسطة aboelesaad (المشاركة 366093)

بالبدايه احييكم علي اسلوب النقاش المتحضر ده و احي صاحب الموضوع الدكتور محمد وبدعيلك ربنا يوفقك في اختيارك بجد

ملحوظه " انا معايا الام 11 و ركبت الجاك اكتر من مره "
انا مش بحط في الاعتبار عندي لا انتشار ولا سعر
اهم حاجه الامكانيااااااااااااااااا ت

الاتنين فعليا صعب جدا تفرق بنهم لانهم الاتنين فعلا متالقين في كل حاجه تقريبا
وزي ما موتور الجاك متطور فموتور الام 11 الماني في نمساوي في تقفيل صيني
وسلس برضو و جدا

الاتنين فيهم اوبشن عالي جدا بس الجاك تتفوق في حاجه ان التابلوه من جوا جلد تحس بفخامته افضل من الام 11

الاتنين صاجهم حلو و اوي بس الام 11 بتتفوق في ان دعامات الباب و الكبوت افضل

الاتنين تقريبا من جوا متساوين فيا لوسع بس فتحه شنطه الجاك اكبر

الاتنين عفشه محترمه و تعليق محترم متشابهين جدا في حوار المساعدين و العفشه

الام 11 تتفوق في وزنها التقيييييييييييل جدا " 1750 كيلو جرام " اما الجاك 1420 كيلو جرام

الجاك تختلف حبه عن الام 11 في زمن نقله الفتيس بمعني الاسبرانزا لازم يصل الار بي ام لحد 4 عشان ده تصميمها اما الجاك لا ممكن علي 3 عادي

بالنسبه للتوكيل فالاتنين فيهم فروق جباره
الجاك مديك تقفيل كويس و شايل منك قطع غيار و مراكز خدمه و الام 11 مديك قطع غيار " بعضها " و كوكتيل من مراكز الخدمه وشايل منك التقفيل الممتاز هو تقفيل تقدر تديله جيد مرتفع بس مش زي الجاك

الاتنين تقريبا متساويين و تفرق من ميول لميول و حسب طبيعه سكنك جمب التوكيل

وبالتوفيق يارب

أبو الاسعاد باشا
واحشنى جدا أولا و ثانيا ألف شكر ليك
فى المقارنة الروعة دى و ربنا يسهل
بس لو تعرف تقوللى سعر الجاك كام دلوأتى

رد: JAC B class و لا M 11

اقتباس:

المشاركة الأصلية كتبت بواسطة mmffor (المشاركة 366098)

شكرا ليك يا باشا
بس معلش لو تعرف تجيبلى
أسعار قطع غيار الام و الجاك
تبأى عملت فيا خدمة جامدة جدا

رد: JAC B class و لا M 11

بما اننى فى الصفحة السابقة كان لى تعليق يميل الى الM11 ولكن دلوقتى تغير رأى بعد ان رأيت فعلا مدى الجودة والمهارة فى تصنيع سيارة صينى من الالف للياء بالروبوت وكمان شكل وفخامة وجودة التابلوه الرررئع وخاماته التى تظهر امام الجميه انها فعلا ممتازة غيرت رأيى ودلوقتى أقولك تجيب الجاك..GIFT4U