رد: هل هذا الشعب مؤهل للديمقراطيه
 

اعتقد ان الشعب محتاج يتربي الاول و بعدين نتكلم في الديموقراطيه
شعبنا غاوي فوضي و يعشقها زي عنيه
مجرد ما يحترم نفسه و يبقي عنده ضمير كل حاجه حتتصلح

رد: هل هذا الشعب مؤهل للديمقراطيه
 

:0959C9~155:

رد: هل هذا الشعب مؤهل للديمقراطيه
 

يا حضرات السادة الافاضل الغالبية العظمي من الشعب المصري و التي فى راي الشخصي يمكن ان تتجاوز 80 % من الشعب لا علاقة لها بأي نوع من انواع الديمقراطية ناس جدعان اه رجالة اه عملوا لجان شعبية و قاموا بحماية البيوت و الممتلكات اه لكن عايزين بما ان الثورة قامت يوم 25 يبقي بالكتير يوم 30 يكون كل واحد مرتبه 15 الف جنيه و عنده فيلا و عربية بس بالراحة كده لو انا ماشتغلتش و غيري مشتغلش الفيلا و العربية الاعتصامات و الاضربات هتجيبهم لي او هتجيبهم لحد غيري طبعا لا ليه لان مش كل البلد قطاع عام او موظفي مصالح حكومية القطاع الخاص و صاحب راس المال سواء كان مصري و لا اجنبي طالما مفيش شغل يبقي كمان مفيش فلوس انا اعرف ناس جيراني اصحاب الشركات اللي شغالين فيها قفلوها و قالوا للعمال و الموظفين خليكوا فى البيت عشان ميدفعوش مرتبات الشهر الجاي لحد ما يشوفوا ايه اللي هيحصل فى البلد انا مثلا خلال الشهرين القادمين لو الامور لم تستقر الشركة هتمشي ناس كتير مننا و ممكن اكون واحد منهم يا ناس يا هو ارحمونا و سيبوا البلد تقف تاني على رجليها وو سيبوا الجيش يصلح الدنيا ابوس رجليكو

رد: هل هذا الشعب مؤهل للديمقراطيه
 

أنا وأنت وكلنا الشعب

كماقالت

سيدة الغناء العربى

أنا الشعب ...أنا الشعب .....لا أعرف المستحيلا

ولا أرتضى بالخلود بديلا

_________________

ويجب عليك وعليا وعلى كل من يقرأ هذا

أن يعلم الفوضوى

كيف يتنحى عن تلك العاده

فوجودنا مع الفوضوين

بلاشك

يشيننا جميعا

فآن لنا الآن تشمير السواعد للأخذ بيد بعضنا البعض

لتحسين صورة شعبنا( صورتنا ) أمام العالم

على أفتراض صحة جزء من وجهة نظرك

رد: هل هذا الشعب مؤهل للديمقراطيه
 

معلش سؤال كده عالماشى فيه دعوه للتظاهر بكره الجمعه مليونيه او بليونيه ليه بقى ؟
للتاكيد على مطالب الثوره انتوا بتسموا ده ايه؟
عايز مراجعه الضمير وكل واحد يقول راى حيادى وبلاش شعارات ابوس رجل كل عضو فى المنتتدى كله بلاش شعارات ونظره لمستقبل مصر
البلد بتنهار وكل عام وانتم بخير وبعوده المظاهرات

رد: هل هذا الشعب مؤهل للديمقراطيه
 

الاعتصامات اللى شغاله فى كل مكان وشركه ومؤسسه ونقل عام وبنوك مش قادره تفتح والدنيا خربانه تفتكروا ليه؟عشان التاكيد على مطالب الثوره؟طبعا لا سموها اى حاجه تانيه وخلونا نعترف احنا تلات ارباع الشعب لا ليه فى السياسه ولا فاهم ربعها حتى

رد: هل هذا الشعب مؤهل للديمقراطيه
 

طيب

بلاش نسبق الأحداث

ياعلاء باشا

ونشوف ثقافة الشعب حتكون أزاى

من خلال التواجد للتظاهر غدا

_________________

عن نفسى

ضد التظاهر حاليا

لأننا مازلنا فى مرحلة بناء لما تم هدمه

وفى حالة أنتظار للنتائج

فيجب التعقل وأنتظار ماستقوله الأيام