مصر موتورز مجتمع السيارات - لو شباب التحرير رافضين يروحوا هتقولهم ايه

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - لو شباب التحرير رافضين يروحوا هتقولهم ايه (https://www.masrmotors.com/vb/showthread.php?t=47692)

رد: لو شباب التحرير رافضين يروحوا هتقولهم ايه

اقتباس:

المشاركة الأصلية كتبت بواسطة @واحد من الناس@ (المشاركة 357215)

مع إحترامى الشديد لحضرتك ولوجهة نظرك ليس من حقك مهاجمة شخصى لأن الإختلاف فى الرأى لا يفسد للود قضية :14369D~149: دى نقطة

النقطة التانى يا أفندم حضرتك مش أنا وأنت اللى نقولوهم روحوا دول ناس عملوا اللى أنا وأنت معرفناش نعمله دول غيروا سياسة دولة بل المنطقة العربية بأكملها وزى ما قال العضو الفاضل

هذا ما كنت أقصدة ولا أقصد أن أضايق أحد فلو تضايق أحد فهذا شأنه لأنه ليس ذنبى أنه لا يفهم أدبيات الحوار

وللعضو الفاضل الاستاذ علاء أنا أكن لك كل الإحترام والتقدير ومتابع لك فى مواضيعك مع الإلنترا والموضيع الأخرى فأرجوك لا تفسد هذا الإحترام 444546 بأن تهاجم شخصى فقط هاجم وجهة نظرى وأنا عليا الدفاع عنها أو السكوت لأننى لم اقل أننى من مجلس قيادة الثورة ولا أدعى ذلك

أعتقد أنك أنت من لاتفهم أدبيات الحوار

راجع تعليقاتك منذ بدايتها

وحاول تتفهم هذا

ولو معرفتش

قوللى وأنا أساعدك

444546

رد: لو شباب التحرير رافضين يروحوا هتقولهم ايه

راي زي راي ا. وائل لازم تكون فيه اعتصامات لحد مطالبنا ما تتحقق من غير اعاقاه المؤسسات الحكوميه والمواصلات والبنوك.... لان ده حمايه لينا عشان لو تكاسلت الحكومه يبقوا دايما شايفيين متظاهرين ...يبقي كل وزير هيجيب افضل ما عنده

رد: لو شباب التحرير رافضين يروحوا هتقولهم ايه

اقتباس:

المشاركة الأصلية كتبت بواسطة lol64 (المشاركة 357175)

لا معلش ده بقى ميدان المراجيح والاخ اللى بيقول على الناس اللى بتعارض سلبيين انت اللى سلبى لان تفكيرك واضح انه متوقف وعلمللى فيها مجلس قياده الثوره
انت يمكن مش شايف حد جعان ولا مطحون قدامك انت فرحان بالنمراجيح
وربنا ينتقم من كل واحد فاهم انه فاهم مع انه للاسف مش فاهم

+1111

GIFT4U

رد: لو شباب التحرير رافضين يروحوا هتقولهم ايه

شكرا للردود ياجماعه
بالنسبه لكلامى انا كنت منفعل وباتاسف ليك ياواحد من الناس وانت فعلا شخصيه محترمه مااقصده ليس انت ولكن من يصادر راينا
وشكرا استاذ سمير انك فاهم وجهه نظرى
انا عمال اتابع فى التليفزيون ياجماعه وفعلا متضايق انا فى القاهره وشايف اللى بيحصل ياجماعه كل مكان فى مصر بقى فيه احتجاجات
عارف ياواحد من الناس انا كنت فى انجلترا وفى لندن وشفت بنفسى حديقه الهايد بارك بتبقى فيها احتجاجات من الساعه كذا للساعه كذا وبتتصور وبتوصل لرئاسه الوزراء ولو ضد الملكه بتوصل للملكه وده قمه التحضر مش عندنا
انا مع الثوره ورحت التحرير يوم واحد مع مراتى وعيالى ودمعت هناك من اللى شفته ومن فرحتى بس خلاص الحمد لله كل شئ اتحقق وفى طريقه للتحقيق مفيش داعى للى بيحصل دى بقت موضه كل المؤسسات فى البلد فيها اعتصامات ومحدش بيشتغل والبلد واقفه
هل ده يرضى احد ؟
النهارده اختى كانت فى المجمع بتاع التحرير وقالتلى ان فيه ناس عايزين ينظموا مظاهرات تطلع على التحرير و تدمر الخيام وتصرف الناس دى بالدراع
عارف يعنى هايحصل دبح وربنا يستر عالجميع
هل هذا مانتمناه؟ واحنا عملنا الثوره دى عشان كده؟
دى وجهه نظرى واسف للجميع بس انا كنت مخنوق قوى ياجماعه من اى حد يقول على وجهه النظر دى انها سلبيه لا مش سلبيه دى ايجابيه الحمد لله
تحياتى للجميع
اخوكم علاء

رد: لو شباب التحرير رافضين يروحوا هتقولهم ايه

والله يا باسم انا عندى وجهت نظر و هى انى احنا نشوف الدنيا هتمشى ازى و لو معجبناش اهو ميدان التحرير موجود مش هيمش
و دى وجهت نظرى الشخصيه

رد: لو شباب التحرير رافضين يروحوا هتقولهم ايه

اقتباس:

المشاركة الأصلية كتبت بواسطة samirayad (المشاركة 357306)

جزاك الله خيرا على توجيه النصح لى وقد راجعت بالفعل الرد ووجدت أننى بالفعل أحترمها عموما أنا أشكر لك توجيهك للنصح لى واصر على أنى ملتزم بأدبيات الحوار الهادىء وليس من الممكن منى تجاوزها لنى لا أقول شىء وأفعل أخر فأنا مدرب تنمية بشرية ومن الصعب على فعل ذلك وكل ما فى الأمر أننى كنت أعاتب صديق وأخ أتابعه على صفحات الموقع منذ مدة وهو الأستاذ علاء شكرا على النصح مرة أخرى :14369D~149:

رد: لو شباب التحرير رافضين يروحوا هتقولهم ايه

اقتباس:

المشاركة الأصلية كتبت بواسطة lol64 (المشاركة 357339)

شكرا يا أستاذ علاء وحضرتك بجد أحرجتنى بذوقك ده فعلا ما كنت أتوقعه منك وانا وأنت وأعضاء المنتدى بنتفق على حب مصر وإن إختلفت أراأنا وربنا يديم المحبة بيننا ويعدي الأيام دى على خير :14369D~149: