|
رد: الظاهر كده الموتر باظ !!!!!
اقتباس:
لقيت غرف الحريق من الداخل مجرحه جامد وحتحتاج خراطه وتوسيع علشان تستعمل بساتم بشنابر أكبر over size لمها تانى وخليها عندك فى البيت وشوفلك موتور تانى أستيراد زى موتورك |
رد: العربية سخنت و غيرت جوان وش السلندر بس في مشكلة ارجو المساعدة..
اقتباس:
اقتباس:
هو تقريبا هو ده اللي هيتعمل هحتاج بساتم اكبر و الشميز يرود المخرطة الميكانيكي قالي كده .. طب ليه بلاش هو المو ضوع ده مش هيظبط ولا في منه مشاكل ؟؟ كمان انا عاوز اعرف طيب مش الموتر الاستعمال ممكن يكون منه مشاكل برده و ارجع من الاول تاني MADDRIVE ياريت تفيدني و لك جزيل الشكر اخوكم د/ محمود |
رد: العربية سخنت و غيرت جوان وش السلندر بس في مشكلة ارجو المساعدة..
فارغه موتور السويفت الومنيوم مش زهر
علشان كده العمره في السويفت لو فيها غلطه حتبهدل الموتور كله الافضل شراء موتور استعمال خارج بفتيسه علي تجربه و لو معاك ميكانيكي كويس حيجيب لك موتور محترم و الموتور القديم تفك منه الدينامو و المارش و الكابيراتير والفتيس تخليهم عندك و تبيعه باي تمن بعد كده |
رد: العربية سخنت و غيرت جوان وش السلندر بس في مشكلة ارجو المساعدة..
اقتباس:
نفترض لقينا جسم الموتور من الداخل ( البلوك سلندر مسلخ من جواه...بطريقه وحشه ) ولقيت عمود الكرنك مريج برضه ووحش ومحتاج خراطه يبقى بلاها البيعه دى طيب ليه أنا بأقولك كده .............؟ مهارة شغل الخراطه والإلتزام بالمعايير الهندسيه للخلوصات مش بالكفاءه المطلوبه ( عندنا فى مصر ) بيشتغلوا بالبركه يعنى حتى فى أفضل ورش الخراطه ( ذات السمعه الجيده بمصر ) ورشة تستا وتونى بجسر السويس بالقاهره وبالتالى الإقدام على هذه الأعمال بيعتبر مغامره محفوفه بالمخاطر حتى مع توافر قطع الغيار على المقاسات الجديده سواء بساتم بشنابر OVER SIZE أو سبايك كرنك بأبعاد أصغر من الحاليه UNDER SIZE BEARING وعن تجربه سابقه لى معهم روحتلهم بماكينه ديزل ( وكانت حاجه بسيطه كمان ) وهى خراطة عمود الكرنك للأسف أدانى أكبر سماح نص عليه كتالوج صانع المحرك بعد الخراطه المفروض هندسيا كل ماكان الخراط شاطر يقربك فى الخلوصات عن أقل سماح موجود أو أكبر سنه بس ميقربش من أكبر سماح مسموح لخلوصات أعمدة الكرنكات ولذا أنا لا أحبذ الأقدام على عمرات المحركات الصغيره وقت حاجتها لأعمال BORING ( توسيع لغرف الحريق من الداخل ) أما لو حتى على الكرنك فممكن نجيبلها كرنك أستيراد بحاله أكثر من ممتازه ونشغل عليه سبايك أستاندرد أتمنى تكون الأمور أتضحت لك الآن اقتباس:
ولكن ...........!!!!!!!!!!!!! ألست معى أن الموتور الأستيراد مثل البطيخه ومن الوارد جدا أن تطلع الطيخه ( حمراء وذات طعم مستساغ ) وخصوصا لو أشتريت البطيخه من فكهانى أمين وياريت تكون بتعرف فى نقاوة البطيخ أو معاك متمرس فى نقاوة البطيخ بلاشك ستزداد فرص الحصول على بطيخه حمراء ذات طعم أكثر من رائع _________________________ ____ نرجع بأه لموتورك هو دلوقتى عامل زى بطيخه معاك بالفعل ( لأنك مش عارف إللى جواه ) نفترض بأه لقينا البطيخه الحاليه عندك ( موتورك ) عباره عن بطيخه قرعاء نعمل أيه _________________ نرميها ونشوف بطيخه تانيه ( من الوارد جدا أن تكون ذات طعم جميل ومستساغ ) ____________________ لأن مش معقول طبعا الواحد حيكسر بطيخه عنده ويلاقيها قرعاء ويسكت أكيد حيفكر فى شراء بطيخه أخرى وحيلاقيها حمراء بإذن الله ____________________ وعلى رأى الست فى قصيدة الأمل وهى بتقول الأمل لولاه عليا ...........كنت فى حبك ضحيه ROSE4U |
رد: العربية سخنت و غيرت جوان وش السلندر بس في مشكلة ارجو المساعدة..
طيب انت دلوقتى بتقول بعد موضوع التكتكه ده انك لقيت طحينه وكمان فى الريداتير يبقى الزيت دخل على المايه ووش السلندر بتاعك ضرب تانى ما تشوف ايه اللى خلاه يضرب تانى وهوا اكيد السخونيه وعاوزك تقولى عملت ايه فى موضوع السخونه دا بظبط وروحت لمين لان ممكن تكون المراوح مش بتشتغل عندك يبقى ساعه الريداتير باظت وهيا اللى بتخلى المراوح مش بتشتغل وخلى بالك اوى من الكلام اللى بقولهولك ده لان لو المراوح مش بتشتغل لوجبت موتور جديد على وضع المراوح ده هيحصل فيه نفس الكلام وهتعمر تانى ولو عاوز تشوف موضوع المراروح ده يبقى عند كهربائى كويس وخليه يركبلك ليها كتاوت مع الساعه الجديده اللى الكهربائى هيقولك هاتها ولو قدر الله والساعه الجديده باظت او مشتغلتش خالص لان انا مرت بلمشكله دى وجبت خمس ساعات فا انت هتجيب ساعه استيراد وبتوع الاستيراد مبيرضوش يطلعوها من غير الريداتير يبقى فى حل تانى نهائى انك تقولى عملت ايه فى الموضوع ده ولو موصلتش لنتيجه هديك رقم تليفونى تجيلى فى المنصوره واعملك الليله بتاعت الساعه دى وهظبطلك المراوح لان مشكله الساعه منتشره جدا فى الكرستاله والسويفت والبطه وبسبب الساعه دى هو اللى انت فيه دلوقت واسف على اللك الكتيييييييييييييير(what) |
رد: العربية سخنت و غيرت جوان وش السلندر بس في مشكلة ارجو المساعدة..
انا كان عندي صوت زي ده وطلع من سير الدينامو
صوت تكتكه بيطلع ع السرعات البطيئه ع الاول والتاني بس وبعد كده بيروح |
رد: العربية سخنت و غيرت جوان وش السلندر بس في مشكلة ارجو المساعدة..
نفس العيب ده بالظبط كان عندى فى عربيتى وبعد فك الموتور لقيت دراع بيل مكسور ونحر الكرنك لدرجة انه ما ينفعش يتخرط لازم يتغيروعملت عمرة كاملة لأنى جربت الموتور الاستيراد وكان خفيف وعايز شغل
|
| الساعة الآن 06:24 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017