رد: فيرنا 1600cc
 

طيب طيب عرفت خلاص ايه الموضوع !!!!
بس عايزاك تقوللى ايه الموضوووع ان فيه فعلا عربيات بتكون فى التوكيل فعلا وعليها اللاصق الابيض فوقيها يعنى ايه العربيات دى حاطتها زينة ؟؟؟ انا بصراحة محتارة لو هما فعلا حيصنعولى العربية فإيه العربيات اللى عنده فى المعرض -- انت نفسك قلت انك روحت توكيل عمارات العبور وشوفت العربية آيتن وركبتها كتجربة يبقى ايه العربية ديكوووور !!!
وبعدين فى سؤال هل الموزع المعتمد لدى التوكيل -- زى مثلا شركة كذا -- او الموزع الفلانى --- موزعين معتمدين عند غبور او غيره --- هل دة يفرق فى الشراء ؟؟

ياااااريت تكون فعلا مووووش زهقاان من اسئلتى اعتبر انك بتدّى دروس للمبتدئين فى عمليات البيع والشراء وغيرها (حسب الحاجة) اللى طبعا بدووووون مناقشة انا على رأس هؤلاء المبتدئين --- وشكرا جزيلا---

رد: فيرنا 1600cc
 

كده كده الفيرنا مبيجيش عليها الاستيكر الابيض

رد: فيرنا 1600cc
 

الاستيكر الابيض ده بيكون علشان العربيات لما تتركن فى الشمس ما تتاثرش باشعه الشمس ليس اكثر من ذلك


و الفيرنا عموما مش بتيجى بالاستيكر ده لتقليل التكاليف و اصلا العربيه بتطلع من الصنع للمستهلك على طول طازه بطازه

العربيات اللى فى المعرض بتكون عربيات حقيقيه فعلا بتكون للعرض للعملاء و غير مخصصه للبيع


الموزع المعتمد زى غبور بالظبط بس بيكون اغلى من غبور برضو بحوالى 1500 الى 2000 برضو علشان دى نسبه الربح بتاعه

انا مش وهقان خالص لكن العكس انا مبسوط ان فى حد تفاعل معايا فى الموضوع و يكون ليا الشرف انى برد عليكى

رد: فيرنا 1600cc
 

اولا اشكر العضو الذهبى ( احمد انور ) على اسبقية الرد عن خبير الهيونداى (احمد ) اللى كان سبّاق فى الرد -- وعلى فكرة انا يمكن لسّة ما اتعرفتش قوى على اعضاء المنتدى لإن الحقيقة ان وقتى بيكون ضيق وموش باعرف اتصفح المنتدى كويس غير كل فيييييين وفيييييين وعشان كدة انا اول صفحة بضغط عليها تقريبا بشكل يومى فى الوقت الحالى هى الهيونداى على طول عشان اخلص من موضوع الفيرنا -- فياريت لو فى القاب خاصة بالعضو ( احمد انور) فليدرك انى لست على علم بها -- هذا للتوضيح !!!

وانا لا انكر ان بفضل مساعدة المنتدى دة وبالاخص ( احمد مشرف الهيونداى ) فى الردود على اسئلتى الكتيييييرة اللى كانت بتطل عليه من الشاشة بشكل تقريبا يومى و اللى عارفة انه ممكن يقول (ايه الاسئلة الغبية دى؟؟؟؟؟) -- لكن معلش -- فسؤال العالم بالشىء افضل من مشورة الجاهل اللى حيفتى !!!

يعنى فعلا أعتبر جمّعت معلومات كويسة عن العربية بس فى حاجة عايزة اعرفها العربية ايه بييجى معاها لما تشتريها غير طبعا الارقام التجارية اللى حامشى بيها مؤقتا الى ان ربنا يسهلى فى مشوار المروووور ؟؟؟

كان نفسى اوعدك ان دة يكون اخر سؤال -- لكن مووووش ضامنة دة !!!! --- شكرا على مجهودك---

رد: فيرنا 1600cc
 

الارقام التجاريه ديه بس لو انتى ناويه تسافرى بالعربيه خارج نطاق المحافظه الى انتى فيهه, غير كده تمشى من غير نمر و يكون معاكى جواب المرور لحد مترخصى اظن حد اقصى اسبوع و يفضل قبل كده طبعا تجنبا للغلاسه

رد: فيرنا 1600cc
 

الاستاذ lost2008 رد على حضرتك رد وافى بخصوص النمر التجاريه

انما بخصوص الاشياء اللى بتيجى مع العربيه و انت بتستلميها
1- الاستبن
2- كوريك
3- شنطه العده و بيكون فيها مفك و مفتاح عجل و يد رفع الكوريك
4-دليل المستخدم
5-كتيب الضمان
6- اتاكدى من ان الولاعه موجوده

و بعد كده تممى على كل حاجه بتشتغل باكهرباء يعنى الزجاج و النور و الانذار كده يعنى

رد: فيرنا 1600cc
 

اولا : شكرا للأستاذ lost2008 على مشاركته التى أفادتنى وصححت لى معلومة خاطئة وانا ححاول انى مااسافرش بالعربية غير لما يكون ورقها كامل انشاء الله --

ثانيا : شكرا على مجهود المتعهد الرسمى للاجابة على اسالتى وممكن اعرف
ايه لازمة التاكد من ان الولاعه موجوده ؟؟؟ هل ممكن بعد الغيبة الطويلة للعربية ان يظهر فيها عيوب ؟؟؟؟ ممكن دة يحصل؟؟؟
و شكرا على المجهود